Hechos 11:16 - Sinia' Jlamtis 1994

¹⁶ Sekyi'i itiej wujwayi niwa Saka'niona jlamtis ti iyope 'ate, “Ijiate ti Juan iniejiejne'n napo i'nio' ti iniejiejni ni i'niat, 'yina ya'am kiak ja ke iyo, janiejiejni ki iyo jana Sinia' jikimet ti 'es.

Hechos 11:16 ပူးပေါင်းရင်းမြစ်များ

Mateo 3:11

Ya'am ti anajiena anajienajyi ni i'niat, in'yenajiap jiwek ti jiwo ajosik ink'iejyisa'. 'Yina po 'neje siunie 'wanjli isia'm ti jana'ajme, nak ja inajienajyi pet ki iyo jana Sinia' jikimet ti 'es siu'neje ni jwat. Jla'm ijiate jla'am ti jijweye poyi ti 'yaka'm itipe'e, ijiate ti je akajli ka yikiji niwa jisieti.

Mateo 3:6

ti ininekiajlisi'n jla'yi ti tiniejienaja'n seka'a yi'i pa tewuk.

Marcos 1:8

Siuti ya'am anajienajyi ni i'niat, 'yina jlampet ti jla'am kiak ja ke inwo, janajienajyi pet ki iyo janak siojona Sinia' jikimet ti 'es.

Lucas 24:8

Jiwekie'ejat'ipi ti jitiej wujwa siupa iyot'iyipi pa Jesús.

Lucas 3:16

'Yina Juan iyom'ne wita'm papo i'nio' ti iyone'ate: —Siuti ya'am ti anajiena, i'niat ni akima, 'yina po' siunie 'wanjli isia'm ti ja'nes, ti ja inajienajajyi ti jankie'nase ki iyo jana Sinia' jikimet ti 'es, jla'yi ni jwat. Jla'm ijiate jla'am ti t'on'ni, ti 'yaka'm itipe'e, tiwet'ianaja ka 'yakajli ka jisieti t'aka iliejnits'i.

Juan 1:26

Juan isiujlie japo ti iyo'ate: —Ya'am anajiejni napo i'nio' ni i'niat. Po' ni i'nio' yi' aska kiowe'e ti je intant'iejayi,

Juan 1:33

Ti 'nelanjie'e je sitiant'ieje kiu'. 'Yina siunie sijliu' ka iniejiejne'n napo i'nio', ka iniejiejni ni i'niat, iyonk'i 'ate, “Siuti ja'we'en siunie i'nio' Sinia' jikimet ti 'es janame ti jane'yi ape'e, janakaye siunie i'nio' ti janajiejni jana Sinia' jikimet ti 'es napo i'nio'.”

Juan 14:26

Lapajawo ti japoye janak Sinia' jikimet ti 'es, ti asp'ot, ti Inia' janjlo'wase ti ja setijnape. Janoye'ase'm ka astaj wujwak'i wikie'eyi siuniwa awo'nase, siu'neje ti janaka ti ja'neyasana.

Juan 16:4

Ajwe'lasem ta'a, 'nakayi 'wanjliyina'ajpe ka neyi janak jloma, siunie iyo niwa ajwe'lase'm ja ke inesi'lieta ka ataj enayeyijpe 'ate siunie janwo ni ajnat. “Jla'am je ajwe'lase'm ta'a naka ti 'nelanjie'e, lapawo ti je sitiana' ka kia'awo, ts'etsaka ti a'yasap.

Hechos 1:5

Ijiate ja Juan ti i'niat ja iniejiejni japo, 'yina ka pajata wata'a kiak ja ke iwo ti asa'am, ja inajienajyi jana Inia' jikimet ti 'es.

Hechos 20:35

K'iejliyi'iji pa akima, sekyi'i ti ajwanayija'ajme pet ti 'eyasanajyi'n ti awo ka kiak aniwonayi, ka anoyeyeje siunapo p'ijliusis siupa isitia'n. Astaj enayijpe 'ate siusiwa Saka'niona jlamtis ti 'yakaj, ti iyo'ate, “Siunie iyo 'wajietiye, ni Sinia' iyone ti ip'ilisi'n 'yaka'm ape'e siunie ti tiwok ji'wajieta'.””

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

2 Pedro 3:1

I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.