Hechos 10:4 - Sinia' Jlamtis 1994

⁴ Cornelio jla'm i'yen'ni jiwekie'e pa injlojwanik poli jlele, kajeyepa ti jnots'ijni. I'yasen'ne ti iyo'ate: —¿Yot'iyi'ni, 'Yaka'niona? Siupa injlojwanik poli jlele isiujlie ti iyo'ate: —'Esiji, Sinia' itiliaja siunie jiwoyi ti jiniuyeje napo p'ijliusis, 'yina isi'm ilia'm naka.

Hechos 10:4 ပူးပေါင်းရင်းမြစ်များ

Mateo 26:13

Siunie jayoyi ti jajwi'lase'm, ijiatk'i, ti ajnatpe pa jane'yi papo ti janamtiyisi siu'nie inka'niye ti 'es, ja tijwelajape pet siunie iyoyi siujlie'e i'nioki ni iyonk'i.

Lucas 1:29

Siojopa jlosie, ti ipi'ya pa injlojwanik poli jlele ti kia'iyo, jlam jnots'iniji'ni. Jlam yini kiowe'e pi jitienkiujnieye ti iyo'ate, “¿Yot'iyi'ni ti kia'iyo ti itijwilk'i'm?”

Lucas 24:5

Jnots'ijnits'iyi, sek t'opiyeyisi'iji'n wek, 'yina papok i'nio' iyoyis'ne 'ate: —¿Yot'iyi'ni ti jlekiajlajyi'ni 'niwa t'o'l kiapo i'nio mases, ti jiwoyetajyin'ni siojo ti 'wasa'n?

Hechos 10:31

Iyonk'i 'ate, “Cornelio, Sinia' ipi'yayi ni 'ajlaye, wuj ti iyoyi jitienkiujnieyeja' ti jiniuyeje napo i'nio' ti p'ijliusis.

Hechos 14:9

ti its'iuye'ni ja Pablo ti iyo jlamtikie'. Pablo jitiej yikiajli'ne, itiant'ieje ta'a pa i'nio' ti jitienkiujnieye po' ka ini'manit.

Hechos 22:10

Sekyi'i ti a'yasaja'n ti awo'ate, “¿Ten siupa jayo, 'Yaka'niona?” 'Yina isiulk'im'ne ti iyo'ate, “Neppijia'm, maj, jo Damáscojo. Sek ja ajyi ka tijwelaja'amna'a siupa janiwone.”

Hechos 3:4

I'yenat'iyisimpe, sekyi'i Pedro jla'yi ja Juan iyone'ne 'ate: —Kas'yejne'n.

Filipenses 4:18

Kajeyepa ti pajk'i ti yi' isiojyi siunie ti jijliuyek'i, 'yina 'etsaka 'yaka'm itipe'e janaka. Siojokia jiwenajia'm ni sikiecha Epafrodito ti jijliuyek'i, ya'am awo'ate 'etsaka ti a'yena. Nak a'yejnap siunie jini inkajk'i, ti tiwoki ji'wajieta' pa Sinia', ti wuj ti 'yakanit'ni pi Sinia'.

Filipenses 4:6

Ká awoye asjlak'aliye paka k'iejliyeyi ti potie, 'wenajliyi ka awoye astankiujnieyeja'. Jwelayi pi Sinia' pi nitia ti jisitiana', 'yina jajwanayi'ipe ni asnikanitieyi ti jawenayi.

Hebreos 13:16

Astaj wunitieyijpe siunie ti janoyeyeje napo as'lejwas, nikat'inieyi siunie ji'wena. 'Yina ti naka ti Sinia' inka'a ti i'winata ti kiak iyoyi, siu'neje ti jla'am ti jlekiajlayi ti 'yaka'm ape'e siunie iyo pit siuniwa tilianajan'ni.

Hebreos 6:10

Kajeyepa ti siunie Sinia' je ka je ijnajyi, ja ke inkiwaliyi'i siunie jiwoyeyi, siu'neje ni asts'amankiye ti jlena'yi. 'Yina pajk'i ti jinikajanitieyi siunie asemijnaye ti jiniuyeyeje siunapo jika kia'lis, jikiniejliyi ti kiak jiwoyeyi.

Apocalipsis 8:4

Jak je iyoyiji siojo tosie tajla'm siojo incienso jikiojyi jaka injlojwanik poli jlele, siu'neje niwa t'ajlaye napo Sinia' jika kia'lis yam pijia'm ti tajla'm ja injlojwanik poli jlele jikio', paj ti yiyeyi pi Sinia'.