Hechos 10:34 - Sinia' Jlamtis 1994

³⁴ Ti Pedro 'nelanjie'e iyoye jlamtikie', kiak t'ipa iyoyeyipi: —'Yejne'n, 'nakayi k'iejliyi ti ts'ajane pa awone ti Sinia' je i'winakit paka i'nioye siunie iyo ni jlemijnaye ti yi'ne napo i'nio',

Hechos 10:34 ပူးပေါင်းရင်းမြစ်များ

Mateo 22:16

Sekyi'i ti ijliuye japo t'eyasajnas pet, siu'neje japo 'yuyisk'i pet japo Herodes, ti ijioyisi ja Jesús. Yiyisi ti kiak iyonayisi 'ate: —Inka'neyasajnawo, kasts'ajane ti a'am je niliak paka a'leja', jla'yi ti ijiatk'i siunie jiwo ti jika'neyasa'n ti jijwe'el pa Sinia' ji'niayi. Siunie iyo napo i'nio' je injlan'ni, kajeyepa ti je ji'yene paka ne'yi pa ka t'oniye iwo.

Mateo 5:2

'yina ijyijlitat'iyijpe ti taka'neyasa'n ti iyo'ate:

Lucas 20:21

Yiyisi pa Jesús papok inkawos, ti iyonat'iyisijpe 'ate: —Inka'neyasajnawo, kasts'ajane pa awonaja ti ijiate a'am ti 'es siunie jiwoyi amtikie', siu'neje ni aka'neyasajnaye iyo. A'am je 'yene paka t'oniye iwo pa i'nioye, najata jla'am siunie Sinia' iyotaja kawo napo i'nio' ti jika'neyasane.

Hechos 10:33

'Yina ta'a'ne ti akajlunk'i, 'esiji ti 'nak jle'yi, siu'nie awak'i, ti Sinia' kas'we'en. Awoktajank'iye ka pi'yak siupa jajwelts'e'm, pa Saka'niona iyo'naja.

Hechos 15:9

Kiak iyoyeyi, siunie iyonts'ejepi, ti ilij ni sosik, ti ijiatayiji ti atankiunieje.

Hechos 8:35

Felipe itiajlate siupuwa Sinia' jlamtis ti yamtijie'n pa i'nio' Etiopía jlele, jla'm iyonayi 'ate ti yamtiyi k'iye puwa inamtis ti ijwi'il pa Jesús.

Romanos 2:11

Kajeyepa ti Sinia' je i'ye'en papo ka ne'yi papo ti t'ank'i pijia'm.

Romanos 3:29

Ent'a ¿Sinia' napokatat'e jla'am Judíojos ti Jinia'? ¿Jet'e Jinia' 'neje pet wikie'eyi siunapo i'nio' yi' ape'e 'ni ajnat? Ijiate wikie'eyi napo ti Jinia' pet.

Gálatas 2:6

Ka kia'iwo ka poye paka k'iejliyeyi paka injwelisk'i'm ka yoyi japoka i'yena pet japo ijia Sinia' jilis. (Ijiatataja wek ti ijwilis ijia jika anechiyasas, 'yina ti ya'am je nak ka i'ye'en. Sinia' kia'iyo je i'ye'en paka t'oniyeja' pa.)

Efesios 6:9

Jlampet ti asa'am ti anechiyasasts'ase'm, kiak niwonayi 'ate awone siunapo akawos kawoyi, ká akasejlane. Ke inkiwaliyeyi'ipe ti aska anechiyas ijwienjli siunie yi' poliyi, ajwel ti asa'am ti anechiyasasts'ase'm, siu'neje ti asa'am ti inkawosts'ase'm pet, jlam ti je i'ye'en pi t'oniye napo i'nio'.

Colosenses 3:11

'Yina je 'esiji'ne ka poye paka in'yene ka jikiecha ti Judío, ni'ne ka nakaye je Judío, ni'ne ka nakaye siunie jikiecha siunie ti po' ni tiwonaja ti t'isie'n jiwa tejwak'i, ni'ne ka napokaye siunapo ti lajk'ipa ka neyi ka kiak tiwonaja, ni'ne ka nakaye siunie ajnat 'wenayi jana tajla'm, siu'neje ni 'lan jlele, siu'neje ni inkipinik, ni'ne ka nakaye siunie ti je inkipinik. Ke iwo pa ti Sijwajieti ijwienjli lajk'ipa kawo'ate ni laja iyo, siu'neje ti jla'am ti ijwienjli inena'yi.

Colosenses 3:25

Jak je iyoyiji pet siunie ti iyoyi siunie ti je 'es, kiak jawo siunie jankajli ja ke 'esie, kajeyepa ti Sinia' je pak ka'yene ka k'iejliyeyi pa kawoyi paka ne'yi pa.

Santiago 2:1

I'lijwas, asam ti jitienkiunieyi pa Saka'niona Jesús ti Sijwajieti ti jiwunitieyi po', 'esiji ká a'yenijits'i siunapo ti ja emina', ja wikie'eyeyi napo i'nio' ti ja emina'.

Santiago 2:4

¿Ten siunie jiniwonayiji? Ka instayi wat siunie jiwoyeyi ti jlemi'n ni ijwienjli, 'yina siunie jikiecha ine'wajajia'm; je 'es ka kiak aniwonayi, je jlewitayiji.

Santiago 2:9

'Yina jlampet ti ji'yenijits'i napo as'lejwas, ti jijwela' ka asemijnaye poye, jlemina' pi jikiecha, jikiecha pi ine'wajajia'm, jiwoyeyi ni aske'. Astes yiyeyi'iji ilia'm niwa Sinia' jlamtis.

1 Pedro 1:17

Siuti as'lej je jilienayi'i wat ni Sinia' ti jiwoye 'ate “Sinia'”, jlam'ne ni iyo ti i'yenta napo i'nio' ni jitis iyo, je ka in'yejnits'i siuka inteliaja paka pakaye ka imp'elisi'n, kiak ja ke iwo 'yina jajnol wita'm siunie jawoyi. Nikajanitieyi ti jajoskiyeyi wikie'eyi niwa jlomas ti jleye'yi ape'e 'ni ajnat, ti je ijiat ka as'weta.