Hechos 10:30 - Sinia' Jlamtis 1994

³⁰ Cornelio isiujlie ti iyo'ate: —'Neyek'i jlampa kilie' iyoye 'ate isia'm, 'yake'nijne ti awo'ni 'yejlayeja' 'ne i'wit'e. Jakayi ti inikajanitk'i'm ni i'nio' ti wuj ti isis niwa ji'wuye.

Hechos 10:30 ပူးပေါင်းရင်းမြစ်များ

Mateo 28:3

Ataj ena 'ate ni tak'ajyi ni iyo ti 'esi', kia'iyo jak injlojwanik poli jlele, siojowa ji'wuye iyo pet 'ate ni wi'yit.

Marcos 16:6

Siupa jwemik iyone'ne 'ate japoka asejnia: —Ke ijnots'ijnak'i'm. Jak jiwoyetajyin'ni ja Jesús Nazaret jlele siojo ti tena'a pijia'm 'neyek'i jlaja cruz. Lajk'ipa ka ine 'neye, iniu kisie'e tajli 'ni a'no'. 'Yenayi ni siunie tena'a 'neye.

Lucas 24:4

Kawojliyisi pa, je 'yakaj paka jitienkiujnieye inwonisi. 'Yaka jla'm iwoyisi ti i'winat'iyispe, siupapo times i'nio' ti sek takasit'ik'iji'n siupa yiyits'i, ji'wuye puwa ijiat ti isis, siupa k'iejliyiji'n intaj je ijwi'yi.

Hechos 1:10

Jlam'ne je ilitiejesi'iji ti i'yenisk'i'ni, siupi iyo pi Jesús ti yam pijia'm, jlam nesi'liet'iyijpe ti 'yakaj papo times i'nio', ji'wuye lemi, ti takasitiape'n jlam japo injlojwajnas.

Hechos 10:22

Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Hechos 10:29

Tempa it'imina ti je sit'iu'ni ti a'wena ilia'm napo askawos. 'Nakayi awotajank'iye kats'ajane, ¿yot'iyi'ni ti jlanak'i?

Hechos 10:3

Yit'i'yipe japa jloma ti kilie' iyoyeta'ate isia'm, ti i'winat'ipi ilia'm pa Saka'niona jijliujwanik poli jlele ti ijioyi siupa yi'i. Injlojwanik poli jlele iyone'ate: —¡Cornelio!

Hechos 10:31

Iyonk'i 'ate, “Cornelio, Sinia' ipi'yayi ni 'ajlaye, wuj ti iyoyi jitienkiujnieyeja' ti jiniuyeje napo i'nio' ti p'ijliusis.

Hechos 3:1

Yit'iyipe pa jloma ti siojopa inetitinki najape'e, Pedro jla'yi ja Juan ti ijioyisi jlaja Sinia' ji'wuk, 'yina ti yiyi siojopa ti iyoyis'ni t'ajlayeja'.