Hechos 10:22 - Sinia' Jlamtis 1994

²² Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Hechos 10:22 ပူးပေါင်းရင်းမြစ်များ

Mateo 1:19

Ti José i'wina jlaja María ti isiu'ujnie'n, iyo'ni kaleyi. 'Yina ti 'es jla'm pi i'nio', jak je iyoyiji'ni kanjwejla'm papo i'nio' ka intajlata ti kia'iyo jlajak jlosie, 'yina inijweki wek ti siupi iyo kawoyi ka lajak'i papo ka 'najane pa ka wone, ti iyo ka leyi jlaja María.

Mateo 2:12

Paj ti jijwejlik tiwenajat'ijiampe, ti iyo'ate, “Siuti ja apilie'ni, ká anoyeyinie'e ja Herodes.” Ijiatjliyi, 'wena iniuyisiapi'ni ti yama'ni, ti yapilie'ni.

Marcos 6:20

Kajeyepa ti Herodes i'wi'in ti tijnajyi paka Juan jla'yi ti 'es jitieyi'i pa Sinia', 'yina naka'ne ti je ijwi' ape'e, 'wenajliyi jla'm ti i'yenta. Ejlo'o wek pa iyo pa Herodes ti po' siupa iyo ti je 'es, 'yina its'iuye'ni jiwek.

Marcos 8:38

I'nio' ni ja'najwelk'i ka sijwe'el, jla'yi ki iyo niwa yamtis jitieyi'i papoka i'nio' ti je isis yiji siu'niwa jlomas awak'i ti iyoyi ni jike', 'yina siunie I'nio' Jlas ti janapimet, ti siupi jit'iuni pi Jinia', siu'neje papo jijliujwajnas poli jlele ti isis ti janamik'i, kiak jawo ja'najwejle.

Lucas 2:25

Puwak siupuwa jlomas pojompe pa i'nio' jle' iyo'ate Simeón, ji'wet jlaja Jerusalén. I'nio' ti 'es, yamjliyi'iji ti its'iujwe'n k'iye ka Sinia' imp'elisi'n papo Israel jika kia'lis, jla'yi ti iyunit jlam jiwekie'e pa Sinia'. Siojopa Sinia' jikimet ti 'es pajk'i ti yijap ta'a pa Simeón,

Lucas 23:50

Pojompe pa i'nio' jle' iyo'ate José, ji'wet japa Arimatea yiji jlaja ajnat Judea. Wuj ti jlosik po' pa i'nio', 'es jitieyi'i pa Sinia', jla'yi ti je iliyi inijijwijyink'iye pa jika anechijiayas pa Sinia'. 'Yina pakayeta siupapo ijnosikis jiwos, lapakawo ti je iniuyeje siupi iyoyi papo ijia siupa iyo kanwonisi pa Jesús, 'yaka je yimink'i.

Lucas 9:26

I'nio' ni ja'najwelk'i siu'neje niwa yamtis ti ja'najwejle, I'nio' Jlas kiak janwo'ojyi pet ja'najwe'l ape'e, ka 'nesta ti ja ke jlasiye ni jijweye janwo, ti jantajleje ni Jinia', siu'neje napo injlojwajnas poli jlele ti isis.

Juan 13:20

Ijiatk'i siunie jajwi'il ti awo'ate, Siunie i'nio' isi'm ilia'm ni siunie ajlo' pet, nak isi'm ijyilia'm. 'Yina jlam pet ni isi'm ijyilia'm, nakaye pet ti isi'm ilia'm siunie I'nio' sijliu' pet.”

Juan 17:20

“Je napokata ka'yejlajnap'a. Kia'iyo 'ajlajnap'a siunapo ja ke sakakiu, ka impe'yayista siunie jika'niye jawo.

Juan 17:8

kajeyepa ti ateme ti ajwele siunie inka'niye ti taj'la, 'yina je 'yumajas ilia'm, kajeyepa ti 'yijene pi iyone ti a'm ti ataj'la, jla'yi ti je takakiunisi siunie ti a'm ti sijliu'.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:63

'Yejne'n, siojona Sinia' jikimet ti 'es, janak iyo 'wasankiyeja' napo i'nio', je'ne ka nakaye t'isie'n ka 'esieyi. Siuniwa yamtis ti ajwe'lase'm, niwak itio'nase jana Sinia' jikimet ti iyoye as'wasankiyeja'.

Juan 6:68

Simón Pedro iyo'ate ti isiujlie: —'Yaka'niona, ¿ten jiat'eje siupa janajk'iji'ni? Jlajmiliet siuniwa amtis niwaka inamtis ti iyo 'wasankiyeja' pa, ti laj jlaja.

Hechos 10:2

Jak i'nio' ti t'oniye 'es, iyunit pa Sinia', ji'wet jlele kia'iyojliyi. Wuj japa wikiniet'aj itijwe'e'ni ti iniuyeje papo Judíojos. Jlomas ti iyo t'ajlayeja'.

Hechos 10:21

Tisiojmayet'ijyimpe ja Pedro, yiyi ti iyonat'iyijpe 'ate: —Ya'am ti siwoyejyin'ni. ¿Yot'iyi'ni ti siwoyejyin'ni?

Hechos 10:30

Cornelio isiujlie ti iyo'ate: —'Neyek'i jlampa kilie' iyoye 'ate isia'm, 'yake'nijne ti awo'ni 'yejlayeja' 'ne i'wit'e. Jakayi ti inikajanitk'i'm ni i'nio' ti wuj ti isis niwa ji'wuye.

Hechos 10:33

'Yina ta'a'ne ti akajlunk'i, 'esiji ti 'nak jle'yi, siu'nie awak'i, ti Sinia' kas'we'en. Awoktajank'iye ka pi'yak siupa jajwelts'e'm, pa Saka'niona iyo'naja.

Hechos 10:6

Yi 'wet'e ja jlejwa jla'am Simón, 'nejes jiwo, ji'wet yi' kiuts'i ni i'niat lajlik'i.

Hechos 11:14

Jla'am jajwe'la'm siunie iyo niwa Sinia' jlamtis, ja'nakayeyijna'a ka ajwa', jla'yi napo a'wet jlele.”

Hechos 22:12

“Sekyiye'epe siojo i'nio' jle' iyo'ate Ananías yi'i jlajak isi', ijiate jla'am ti iyoyi ki inamtik, jla'yi ti 'yotat ki Moisés jika'neyasajnaye. Wikie'eyi siojopo Judíojos yiji jlaja Damasco ijiunitis ti 'es.

Hechos 24:15

'Wena je ajo'we pet, siukia yamt'iyisipe pet, ti je 'yakakiuyis pa Sinia', ti janojwank'i kisie'e ka pajata siupapo 'yajle'n, siu'neje papo i'nio' isis t'ipi siu'neje papo ijiatt'iyijpe ti je isis.

Hechos 6:3

Jak je iyoyiji'ni, 'napo i'lijwas, 'esiji ka ani'yenanie'e, 'yenayijyi'n papo ijwien sikio' itij'we times tom'niji ka akima'yi, ka jlosikis poye, jwajla'a janwoyits'i'ni, jla'yi ti ja Sinia' jikimet ti 'es jampoyijits'i. Papok ajotkinayijna'a ka jikijmayeja'.

Romanos 1:17

'Yina naka inka'niye, naka ti 'yakajanitk'i siunie Sinia' iyone napo i'nio' ti initiajnat ni jitis iyo, 'yina lajk'i pa jikiechaye ka intajleje ijwienjli jla'am siunie iyo ni i'nio' ti je 'yakakiu. Iyo niwa jlamtis ni Sinia' ti yi'i ni ji'wet ti iyo'ate, “Siunie ti Sinia' yiniji, ti jitienkiujnieye ti 'es ni i'nio' ti ji'niayi po', nak ji'wasankiye japoye.”

2 Corintios 5:18

Wikie'eyi niwaka Sinia' jla'am ti ilisane. Jla'am ti kastoni ka ijioki, ka lajak'i pet pa Sijwajieti siupi iyoyi. Sekyi'i ji'lij iwints'e'm ti ijliuyits'e'm ni siunie jikijmaye, ka kia'iwo pet napo i'nio' ka ini'nopijieteje ti jla'am.

1 Timoteo 3:7

Janakaye siunie i'nio', ti siunapo je iyoyi ni inamtik jank'iuye kajeyepa ti jawoyis lajaye. Ja'nakayi ti ja ke tiwet'ianaja ts'iji, ni'ne ka nojwa'm jana jikatsala ni imosik.

Hebreos 10:38

Siunie i'nio' ti ja 'esieje'n, nak ji'wasankiye jantajleje ni siunie ti je takakiu'n. 'Yina jlampet ti janapiliji siunie ji'niayi paj, nak ti ijiate pet ti je ts'akanit'ni.”

Hebreos 11:2

Siupapo sitise'l t'ipi, siuti Sinia' itime 'yina ti paka jla'am siupa jitienkiujnieye ti 'es ti je takakiu'n ti it'imina.

Hebreos 12:23

siu'neje napo Sinia' jilis ti iniajnat ti kia'iyo ti nojwisiji, ti t'etaja'ak'i niwa jleyis ts'iji poliyi; siu'neje ni yi'i jla'am pi Sinia' ti jla'am ti i'ye'en napo siupi iyo; siu'neje ti jiniojwayiji napoka i'nio' ti isis ti yin wita'm siunie 'es ti iyoyi.

2 Pedro 3:2

Ja 'nakayeyijna'a ti ja ke inkiwaliyeyi'i siuniwa inamtis ijwil t'ipi papo injwejlanawos t'ipi Sinia' jikawos ti isis, siu'neje niwa jlamtis pi Saka'niona ti Sijwajieti ti ijwil pet papo jijliujwajnas, ti kasts'eyasane.

3 JuanMary Thureson 1:12

Jlampet ja sikiecha Demetrio, wikie'eyi napo i'nio' ti ape'yayik'i'ni ti ijwilis ti 'esjle' jla'am. Lajk'ipa ka inkajanit, ti naka siunie ijiatk'i ti iyo. Kiak awoki ti sa'am, jla'am je awoki ti ajwela pet.

Apocalipsis 14:10

jan'yaje siunie at'es ti i'niat je tisiayeje ti naka Sinia' jiwak ti jla'am pajk'i ti iwiakajlanit ti isiajia'm siojona inat jiwe. 'Yina janejyi ni jijliak'ali yi'i ni jwat siu'neje ni azufre, jitieyi'i napo Sinia' jijliujwajnas poli jlele ti isis, jitieyi'i 'neje ni 'wolepo 'woma.