Hechos 10:2 - Sinia' Jlamtis 1994

² Jak i'nio' ti t'oniye 'es, iyunit pa Sinia', ji'wet jlele kia'iyojliyi. Wuj japa wikiniet'aj itijwe'e'ni ti iniuyeje papo Judíojos. Jlomas ti iyo t'ajlayeja'.

Hechos 10:2 ပူးပေါင်းရင်းမြစ်များ

Mateo 25:17

Kia'iyojliyi pet pak siupa tekiajlaja puwa times taléntojos, timesiek'iji pet puwa 'yakajmata ape'e.

Lucas 18:1

Jesús yamtiyi siu'nie ti jla'm i'yejnap jiwek, ti 'yiyasajne'n japo t'eyasajnas ka je inleyisi ka inwoyis'ni t'ajlayeja'.

Lucas 2:25

Puwak siupuwa jlomas pojompe pa i'nio' jle' iyo'ate Simeón, ji'wet jlaja Jerusalén. I'nio' ti 'es, yamjliyi'iji ti its'iujwe'n k'iye ka Sinia' imp'elisi'n papo Israel jika kia'lis, jla'yi ti iyunit jlam jiwekie'e pa Sinia'. Siojopa Sinia' jikimet ti 'es pajk'i ti yijap ta'a pa Simeón,

Hechos 10:22

Isiujlisie ti iyo'ate: —Tokis jika anechiyas siojo jle' iyo'ate Cornelio, jikawosts'e'm. I'nio' ti 'es jitieyi'i pa Sinia', Judíojos ijiunitis, jla'yi ti 'namajasi. Sinia' jijliujwanik poli jlele ijwijla'm ka takajlunie ajak'i, ka ajo 'wete. Naj jlam jampe'ya siupa jajwejla'm.

Hechos 10:31

Iyonk'i 'ate, “Cornelio, Sinia' ipi'yayi ni 'ajlaye, wuj ti iyoyi jitienkiujnieyeja' ti jiniuyeje napo i'nio' ti p'ijliusis.

Hechos 10:35

'wanjliyi ka je Judío japa, siunapo toskiye pa Sinia', iyo siunie 'es jla'yi ti iyo siunie Sinia' iyo.

Hechos 10:4

Cornelio jla'm i'yen'ni jiwekie'e pa injlojwanik poli jlele, kajeyepa ti jnots'ijni. I'yasen'ne ti iyo'ate: —¿Yot'iyi'ni, 'Yaka'niona? Siupa injlojwanik poli jlele isiujlie ti iyo'ate: —'Esiji, Sinia' itiliaja siunie jiwoyi ti jiniuyeje napo p'ijliusis, 'yina isi'm ilia'm naka.

Hechos 10:7

Ti yamat'ipi pa injlojwanik poli jlele, Cornelio tanat'iyipi papo jikawos times, ijwienjli pa ijiawo ti yimi'n pi Sinia'.

Hechos 11:14

Jla'am jajwe'la'm siunie iyo niwa Sinia' jlamtis, ja'nakayeyijna'a ka ajwa', jla'yi napo a'wet jlele.”

Hechos 13:16

Pablo takasitiet'ipi, jikio' yejayi ape'e papo i'nio' ka ink'iuyits'i 'ate, sekyi'i 'esieje'n ti tamti, ti iyo'ate: —Israel jika kia'lis, siu'neje japo je ilijyi ti iyunit pa Sinia', k'iuyek'i'm ti jayamti.

Hechos 13:26

“I'lijwas ti Abraham jilists'ase'm, siu'neje japo je iliyi ti iyunitis pa Sinia', k'iuyeyi siu'niwa Sinia' jlamtis ti ijwil japa Injwajieti, sa'am ti ijliuts'e.

Hechos 13:50

Siupapo Judíojos inijloyisijin'ni siupapo asejnia, ti anechiyaski'l, siu'neje papo ayijnies ti kia'iyo anechiyasas, siupapo je iliyis'ni kiajwe japa 'najla'wet ti ijioyisi. Ijliuye papoka ka poye paka iwonisi ja Pablo ka ijnotis kisie'e.

Hechos 18:8

Crispo siupa tijna'yi japa 'najla'wet, pak iyo jlosik ink'ieye siu'neje papo ji'wet jlele, siu'neje papo Corinto jlele, lapakawo ti ipi'yayis puwa Sinia' jlamtis ti Pablo ijwi'il, sekyi'i tiniejienaja'ne.

Hechos 2:5

'Yina po' siupapo Judíojos yiji jlaja Jerusalén, 'yina po'neje papo Judíojos ti yijijyi'n puwa ajnatis 'wenayi ti yapilisi jlaja Jerusalén ti yiyits'i, ti je paj ka leyi ti iyunitis pi Sinia'.

Hechos 22:12

“Sekyiye'epe siojo i'nio' jle' iyo'ate Ananías yi'i jlajak isi', ijiate jla'am ti iyoyi ki inamtik, jla'yi ti 'yotat ki Moisés jika'neyasajnaye. Wikie'eyi siojopo Judíojos yiji jlaja Damasco ijiunitis ti 'es.

Hechos 9:11

Sinia' iyone'ne 'ate: —Kasit, maj, nok'i siunie jika'wu jana isi', siunie tiwonaja'ni 'ate Tijnajyi. Ja ayi ja ji'wet ja Judas, sekjane'yi ka a'yasanayi'nina'a pa Saulo, Tarso jlele. Sek yi'i, je ilijliyi'ijyi ti iyo t'ajlayeja'.

Hechos 9:31

Jak je iyoyiji'ni 'yakamaja siojopo Sinia' jilis yijits'i wikie'eyi siojowa ajnatis t'ipi Judea, Galilea, Samaria. Jlam yamjlijyi'n puwa Sinia' jlamtis, wuj ti toskiyisie pa Sinia', Sinia' jikimet ti 'es iniuyeje, it'imina'ne ti 'loj papo i'nio' t'opiyiji, ti iniwome.

Hechos 9:36

Pope jlaja asejnia ti Sinia' jlase' yi'i jlaja isi' Jope, jle' iyo'ate Tabita, (Griego ji'lij pet iyo'ate Dorcas). Wuj ti 'es siupa iyo ti iniuyeje papo p'ijliusis.

Colosenses 4:2

Ká aleyeyi ti jiwoye'ni asts'ajlayeja', siu'neje ti asnikanitieyi jlekiajlayi'ni pa Sinia'. Ká anikiwalinitie.

1 Tesalonicenses 5:17

Je paj ka aleyeyi ti jiwoye asts'ajlayeja'.

Santiago 1:5

Jane'yi pa ti asa'm ti jawo ka 'naja'n pet, 'esiji ka 'ajle pa Sinia'. Siunie jasetia'n Sinia' janwe'na'm. 'Yina Sinia' je yijna'm wikie'eyi napo i'nio' ti t'ajla pa k'iejliyi jla'am iyonayi pit, 'yina ti Sinia' jwajla'a je isitia'n.

Apocalipsis 15:4

¿Tent'ipa i'nio' kanjwe'ya'm, Saka'niona? ¿Tent'ipa i'nio' ja ke ijnonit? Lajk'ipa jikiechaye ka wo'ate jiwoyi ti i'nes, injwanjli a'm. 'Yina jankapaj'la wikie'eyi napo i'nio' yijits'i 'niwa ajnatis, ti jant'opiyi akiajwe ti janwunit, lapakawo ti 'yaka ti tijnajyi siunie jiwoyi ti ji'ye'en ni iyo ni i'nio'.”