Hechos 1:3 - Sinia' Jlamtis 1994

³ Ts'ijiye jlampa titimajayi ti tiliana ini'wenkijnam'ne japo jijliujwajnas, ka kiak iwo ka insta siupi iniwone, ti ini'wenki'n ti 'wasa'n. Cuarenta kiwa jlomas ti kia'iyo, ti inikajanitiam'ni japo jijliujwajnas, jla'yi ti yamtiyi k'iye pi jika anechijiayas iyo pi Sinia'.

Hechos 1:3 ပူးပေါင်းရင်းမြစ်များ

Mateo 21:43

Nak ajwe'el ti jatala'ase nak Sinia' jika anechijiayas, ja tekiajlaja siunapo i'nio' japoye siuniwa jla' ti ja nekiajle ni Sinia'.

Mateo 28:9

'Yina ti yiji ki ji'niayi japo asejnia, Jesús ini'wenkijnam'ne, sekyi'i iyone 'ate, ti itijwila: —Kamaja. I'winis jiwek ta'a ti yamisi ti iyunitis, its'iewayisiap jawa jisietis.

Mateo 3:2

—¡Woye asosik ink'ieye, siunie Sinia' jika anechijiayas je pa tojwa ilia'm!

Mateo 4:2

Cuarenta puwa jlomas, cuarenta 'neje puwa ajnajas ti lajk'iyi paka intojw. Sekyi'i ti iliatayi pi jika nel'lia iyo.

Marcos 16:19

Itime siupa iyo ti tamti, Saka'niona Jesús tikiniejayi 'niji poliyi, sekyi'i yiji'n 'niji jijweyeje pa Sinia'.

Juan 20:26

Tijwajyi jakia inkijmaye ijwienjli, yikiajlayi'iji ti initaj kiajwe jlaja 'wuk. Jakayi'ne ti Tomás sekyiye'e. Siojowa 'wuk kiwitawa wikie'eyi ti tip'onajamk'i. Jesús inikajanit 'ne ti takasiti'n jikiowe'e japo. Iyo'ne 'ate ti itijwilayi: —¡Kamaja!

Juan 21:1

Yama 'niji siukia iyo, Jesús inikajanitieja'ajme siojopo t'eyasajnas, jikiuts'i siojo tewuk iliyi jle' iyo'ate Tiberias. Kiak iyopi kiaka.

Juan 21:14

Sekyi'i ti najapajayiji ja Jesús ti ini'wenkijna'm japo t'eyasajnas, tajlap'e ti 'nelanjie'e iniuye kisie'e.

Hechos 13:31

'Loj puwa jlomas ti kia'iyo'ni ti ini'wenkijnam'ni siupapo jla'yis t'ipi ti tajlis Galiléaja, ti ijioyis Jerusalenne. 'Napoka'ne siu'napo ti ijwi'il, ti ijwijla'm papo i'nio'.

Hechos 19:8

Pablo jika we'lajas najape ti sekyi'i japak isi'. Jika jlomas je initiajnati ti ijioyi'ni japa t'ajla'wet papo Judíojos, t'otale t'o'n ti ijwi'il pa Sinia' jika anechijiayas, ti ijialasta ka 'najanisi siupa iyo ti ijwijla'm papo i'nio'.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Hechos 28:31

Jlam ikatatjliyi ti iyo jlamtikie', ti ijwil pa Sinia' jika anechijiayas, jla'yi ti taka'neyasane pa Saka'niona Jesús ti Sijwajieti. Siupa iyoyi jlam k'ejma ti lajk'ipa ka intom'ni k'iye ti iyo jlamtikie'.

Hechos 8:12

Je 'esiji ti poye pet siupa iyo ti je takakiunisi siojo Felipe iyoyi jika'niyeja' pa Sinia' jika anechijiayas iyo siu'neje pa Sijwajieti Jsús, 'yina tiniejienajan'ne, asejnia kia'iyojliyi wikie'eyi.

Romanos 14:17

Kajeyepa siunie jika anechijiayas ni Sinia' je naka ni siunie titiuwa paka k'iejliyeyi, 'yina ni'ne ka nakaye ni siunie ti'yaki. 'Yina jla'm ijiatayi jla'am siunie ti ijniejieti ni i'nio', siu'neje ni jikamankiye ni i'nio', siu'neje ni jinikanitiejeye ni i'nio' ti po'. 'Yina niwaka ni siuniwa tajle pit jana Sinia' jikimet ti 'es.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

1 Jn 1:1

I'lijwas, ajlok'iase siu'niwa yamtis, ti awoktajank'iye ka 'najanayi siunie ti iyo'ate Inamtik ti in'wasankiye. Siunie Inamtik jlam po'o ta'a ti 'nelanjie'e je wakaljli'ijyi niwa wask'i'nelaja yi' ape'e 'ni ajnat. Naka ni pajk'i ti ape'yak, sitiete i'wi'in, a'yena'nijpe jla'yi ti akiesa'ape.