Hechos 1:15 - Sinia' Jlamtis 1994

¹⁵ 'Yina po' japa jloma siupapo Sinia' jilis initotisk'i wita'm ciento veinte papo i'nio' t'ipi. Sekyi'i ja Pedro ti takasitiet'ipi, iyoyet'ipi 'ate:

Hechos 1:15 ပူးပေါင်းရင်းမြစ်များ

Mateo 13:31

Jesús yamtiyi k'iye 'neje siunie ti i'yejnap jiwek, iyo'ne 'ate: —Siunie Sinia' jika anechijiayas 'yiniye 'neje jana mostaza jlo', ti 'yut isia'm ni i'nio' yi'i pa jiwasok.

Lucas 22:32

'Yina pajatak'i wek ti 'ajlana'ni ka je anetiajnata ni astankiujnieye ti 'es. 'Yina siuti ja apik'i, 'esiji ka noyejejna'a napo a'lejwas ka jwajla woyisi'ni.

Juan 14:12

Ijiatk'i siunie jajwi'il ti siunie i'nio' ja ke sakakiu, jikijmaye jawo'ate iyo ni isijmaye, siupi jawo puwa jan'wenki'n. Ja jlam ijiatayi jla'am siupi jikijmaye jawo, lapajawo ti jayik, jajioyi ni yi'i ni Inia'.

Juan 21:23

It'imina ti wikie'eyi siojopo Sinia' jilis ijwi'il siojo Jesús t'eyasanik ti ijwilta ka je i'naleje. 'Yina Jesús je ijwi'il ka je i'naleje, 'najata jla'am ti iyo'ate, “Siuka iyo ka 'wasanajle ka iyapitiemet, ejlo wekie'e, je a'm ala.”

Hechos 10:23

Pedro ipi'ya ti kia'iyo, yame'ne jik'ioyi japa 'wuk siojopa yi'i'ni, sek ijioyits'iji'n 'ne pak ajnaj. K'iejli mot ti yamat'i'nijpe, yamk'i papo name, po' pet papo jla'yis ja Pedro sek ji'wet'e Sinia' jilis Jope jlele.

Hechos 11:1

Siojopo injlojwajnas siu'neje papo Sinia' jilis yi'i jlaja ajnat Judea, ti t'ijieyet'iyisijpe papo i'nio' ti je Judíojos ti iyoyi pa inamtik.

Hechos 11:12

Sinia' jikimet takajwejlank'i'm ti iyo'ate, “Pedro, ke int'o'nina'a k'iye siunapo i'nio' na'ma. Majk'ina'a.” “Ijiatjliyi akk'i'ne, ijwienjli sikio' itij'we ijwienjli tom'niji japo si'lijwas 'yunin'n ijyik'i sek ji'wet'e. Ayi ja ji'wet siojo i'nio' takajlunk'i, “'Oyeyi”.

Hechos 11:26

I'win'ne ti yamat'iyijpe ti ijioyi Antioquíaja. Ijwienjli pa najkap ti itij'wisia'm ti yiyisiap papo Sinia' jilis, 'loj papo ini'neyasajne'n. Pakayik'i'ne papo i'nio' yi' Antioquíaja ti 'nelanjie'e iyo jleye papo Sinia' jilis ti iyone 'ate “Sijwajieti jika kia'lis”.

Hechos 12:17

Sekyi'i jikiot'ipa yejayiji'nijpe papo, ti ijliuye kank'iuyits'i 'ate, ijwijla'm papo siupa Sinia' iyone. Yine'ne ape'e ti iyo'ate: —Jwelajiamna'a ja Santiago siunie iyo 'na awoyi, siu'neje japo si'lijwas. Yamat'ijyi ti itimayi, ti 'wena ijiojwi.

Hechos 14:2

Jlam'ne papo Judíojos siupapo je iyoyisink'iye, papoka'ne ti 'yijijie'ne papo je Judíojos ka inta'yi ilia'm, ti ijwil ka impe'ya'ni ja Pablo ka poye paka wo.

Hechos 15:1

Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.

Hechos 15:3

Sinia' jilis siojopo yiji jlaja Antioquía japok ijliu' japo Pablo. Iniuyeyits'i jawa ajnatis Fenicia, siu'neje jlaja Samaria, ti ijwilk'i papo siupa iyo papo je Judíojos, ti iyo jlosikis ink'iejyisa'. Wuj ti inkase'n japo i'nio' Sinia' jilis ti 'yijenayi pi iyone.

Hechos 16:40

Ti iniuyek'i kisie'e ti tajlis insat jiweje, sekyi'i tijnayisi siujlieja asejnia jle' iyo'ate Lidia, ti ijioyis ji'wete. I'win'ne japo ijia Sinia' jilis seka'a. Itime ti 'yakela, sekyi'i ijwilaja'm niwa Sinia' jlamtis sekyi'i ti yama'ni ti itimayisi.

Hechos 17:10

Jlampa ajnaja siupapo Sinia' jilis jla'm iyonayisi'ni 'ate iyoyeyi ka ijloyis ja Pablo siu'neje ja Silas 'niji yi'i japa isi' jle' iyo'ate Berea. 'Nes'ni ti yamitayisi ti ijioyisi japa Judíojos t'ajla'wet.

Hechos 17:14

Jlam yititjliyis japo Pablo ti ijliuyis, ijliuyisie'ne ka ino kiusk'i pa i'niat lajlik'i. 'Yina Silas jla'yi ja Timoteo sek 'wanjliyits'i 'ne jlamis Beréaja.

Hechos 17:6

Ti je i'winis ja Pablo, jiwak yikiajlets'i'ne pa Jasón, siu'neje papo Sinia' jilis, ti itione papo anechiyasas. Iyoyis'ne 'ate ti tanisi ape'e: —Siu'napo i'nio' 'napok 'yakajyi'n napo i'nio' yi' ape'e 'na ajnat, ti je 'yaka paka woyisi, yiyep'anis 'neye.

Hechos 18:18

Pablo 'loj puwa jlomas ti je t'eki Coríntojo, 'yina yit'i'yipe japa jloma ti iyoyeyi ka intajla papo i'nio' sekyi'i, isieja kiojiamk'i ti inijwe'el ti janek'ni. Siujlieja Priscila jla'yi ja Aquila yamisk'i, ti yamat'i'nijpe ti ijioyisi japa kasejkanayis yajap'ejen'ni, jle' iyo'ate Cencrea je tojwape'n japa Corinto. Pablo ti je tisiojmajiamk'iji iyo jika awusieja' ti yine'eyi, ti 'yakajanit ti ijiatk'i siunie iniwone ti inipe'yayi pa Sinia', siupa iniwonisi. Itime ti jiwekie'aja ti yam'ni ti yamk'i japa kasejkana, ti ijio 'niji yi'i jlaja Siria, jla'yis japo Priscila, Aquila 'neje.

Hechos 18:27

Ti Apolos iyoyeyi kajno 'niji yi'i japa Acaya, Sinia' jilis papo sekyi'i iyonisi'ne 'ate, ti inkajats'i: —Wuj ti 'es ni atankiujnieye jiwone. Sekyi'i ti 'yotatayisi ki jip'esinik, ti itiejiete papo Sinia' jilis yi'i Acáyaja, kan'yenits'i ilia'm ja Apolos, ti yama. 'Yina ti 'nesa sekaja Acáyaja, wuj ti iniuyeje siupapo Sinia' iniut'iyejepe, jla'yi ti iyoyis jlosikis ink'iejyisa'.

Hechos 21:17

Ti a'nesaja Jerusalenne, si'lijwas japo Sinia' jilis pet, ti kas'wena wuj ti inkase'n.

Hechos 21:20

Jak je iyoyiji'ni ti ipi'yayisie, iyunitisie pa Sinia'. Sekyi'i iyonayisi 'ate ja Pablo: —'Na isiecha, ji'wen 'neje ti 'loj napo Judíojos ti je takakiunisi pa Jesús 'nakayi, ti je iyoyisink'iye ka je tiwoki siunie jike' iyonisi pet, siunie iyo ni Moisés jika'neyasajnaye.

Hechos 21:7

Atajla Tírojo ti anok i'niatk'i, paj ti awakieyi siujlieja ajoki Tolemaida. Awaki japo si'lijwas ti atejwilajayi, 'yina saka jloma ijwienjli wekie'e ti kas'wanjleje'n.

Hechos 22:5

Siunapo pa'yijis jika anechiyasas, siu'neje napo kijilas jle' po', 'yijene pi iyone ti jlam je awo. Kajeyepa ti napokape ti tajle ki isio' jlele ti iwinisk'i'm ka 'ajla its'ioye ka ijiojwa'm napo si'lijwas Judíojos yiji jana Damasco, ti akk'i'ni siunapo yamk'i pa Jesús, ti awo ka ijioyi'ni Jerusalenne, ti tajaki'n.

Hechos 28:14

Sekyi'i japo si'lijwas Sinia' jilis pet japok'ne japo je kaswe'en paj ti saka jlomas ijwienjli sikio' itij'we times tom'niji ti sek awak'i. Kiak iyo ki si'niayi ti jiwekie'aja ti a'nesa Rómaja.

1 Corintios 15:6

Paj'ni ape'e kia'iyo ini'wenkinaja'ajme japok i'nio' ti 'yakamt'i ape'e japo quinientos (500). 'Yina pajk'i ti 'yajle'n papoka i'wint'iyispe, 'yina je pini 'neje siupapo 'wasajne'n siu'nie jloma.

Apocalipsis 11:13

Jakayi'ne ti ajnat ti'wesiye ti ijiat ti pansak'i, 'nak k'iek'i pa no'we siojopa isi' ti iwiests'isia'm, 'yina ijwienjli sikio' itij'we times tom'niji puwa mil papo i'nio mases no'we. Jlampet siojopo 'wanjle'e je jlase' ja iyo ti jnots'ijnits'i, sekyi'i 'yaka jla'm iwo ti iyunitieyis pi Sinia' ti yi' poliyi.

Apocalipsis 3:4

“'Yina po' jiwek siunapo 'nak nojwaja'm ti jleyejyi jana Sardis ti je i'wi'in siuniwa ji'wuye ka t'ojliyeje'n. Napoka ti jant'asisi ijyik'i siunapo ti lemi ni ji'wuye, lapakawo ti jla'am je iniwonisi jiwek, 'yina 'yu'we ti kia'iyo.