Hechos 1:14 - Sinia' Jlamtis 1994

¹⁴ Wikie'eyi pi nojwa'm jlamis initotis'ni wita'm, jla'yis'ni japo ji'yinis pa Jesús, siu'neje jlaja jlet María, siu'neje japo asejnia 'wenayi, ti iyoyis'ni t'ajlayeja'.

Hechos 1:14 ပူးပေါင်းရင်းမြစ်များ

Mateo 12:46

Jesús jet'i ilitieje'eje ti takamtijniene japo i'nio', ti nesat'i'nijpe japok ji'yijnis ti jla'yikiyis jlaja jlet María. Sek takasitk'ijin'ni kisie'e, ti iyotaja ka inkamtijnienisi.

Mateo 21:22

Ja k'iejliyeyipe siupi ja 'ajlayi pi Inia', siuti astankiujnieye ja poye, ijiate ja 'wenayepe siupa ja 'ajlayi.

Mateo 27:55

Asejnia japo tojwi'ni ja yiyits'i ti i'yenisi'ni. Japokaye'eje japo ti namisk'i, ti iniuyeje ti tajlayis Galiléaja.

Marcos 15:40

Kia'iyo po 'neje japo asejnia, sek k'iejlijijyi ja takasitits'ijin'ni ti i'yenisi'ni. Japokap'ampe japo María Magdala jleliki, siu'neje jlaja Salomé, siu'neje jlaja María 'neje Santiago, 'wenayi siojo isijli, siu'neje José japo jletis.

Marcos 16:1

Yam'niji siojokia jloma ti i'nio 'wanjlijyi'n, María Magdala jleliki jla'yis japo Salomé, jlajaka 'neje jlaja María 'neje Santiago jlet yamat'iyisijpe siupi jini inkajk'i ti ja'nelinisik'i kiak t'ajwes masa ki Jesús.

Lucas 11:13

Jlajmiliet ti asa'am ti je insisie, siuniwa asles t'ajla'asem'ni, je wenajia'm paka jiniliakie. ¿Tepi iyo siunie Asna' ti yi' poliyi? ¡Jlajma ijiatayi ti janwe'nase'm jana Sinia' jikimet ti 'es, siunapo jant'ajle!”

Lucas 18:1

Jesús yamtiyi siu'nie ti jla'm i'yejnap jiwek, ti 'yiyasajne'n japo t'eyasajnas ka je inleyisi ka inwoyis'ni t'ajlayeja'.

Lucas 23:49

Siojopo t'ajajnajwas pa Jesús, siu'neje japo asejnia namk'i, ti namisik'i ti tajla' Galiléaja, sek k'iejliyiji pa takasit'ijin'ni, ti i'yenisi'ni siupa iyo kiwaka.

Lucas 23:55

Siojopo asejnia jla'yist'iyisik'ipe pa Jesús ti tajlis Galiléaja 'wanjliyisiap isia'm pa José, ti i'winisi siupi yi'i japa ijnaki, i'yenis'ni siupa José yi'ne pa t'ajwes pa Jesús masa.

Lucas 24:10

'Yina siojopo injlojwajnas 'yakakiuyeyits'iji pet. Iyonat'iyisijpe 'ate japo asejnia ti takajwejlanistaja: —Ma 'es pi jiwoyeyi, jlajmi woyeyi. Siojopo asejnia japokajimpe japo María Magdala jleliki, siu'neje jlaja Juana, siujlieja María 'neje Santiago jlet. Po' 'neje papo ijia jla'yispe.

Lucas 24:33

Ta'a t'ipi ti tejeyis ji'niajk'i, ti yapilis Jerusalenne. Yiyi siojopo itijwa'm niwa sikioye ijwienjli tom'niji injlojwajnas,

Lucas 24:53

'Yina je iliyisi ti ijioyisi'ni japa 'najla'wet ti iyunitis pa Sinia'.

Lucas 8:20

'Yina po'ne siupa ijwile ti iyo'ate: —A'yijnis siusiapo yits'e kisie'e, jla'yikiyis jasie et, iyotaja ka in'wenis.

Hechos 2:1

Ti yiyet'iyipi siojopa jloma inlakijnieye jle' iyo'ate Pentecostés, wikie'eyi papo i'nio' Sinia' jilis initotisk'i wita'm.

Hechos 2:42

Ilisanisiji siupa jika'neyasajnaye siojopo injlojwajnas, inik'isajasi siupuwa jikijmatis, yamjliyi ti iyoyis t'ajlayeja', jla'yi ti inikijwanis ti ti'yekiujni'n.

Hechos 2:46

Kiajatak'i'ni puwa jlomas initotk'i'ni wita'm kiajwe japa Sinia' ji'wuk yi'i japa Jerusalén. Ni'ne ti yinisi 'wet'e siuti ti'yekiujni'n inikijwanisie. 'Yina siuti kiak iniwonisi sekyi'i jijweye poye, pakata jla'am ti 'yuyits'i pa 'es ti iyoyisi.

Hechos 6:4

Sa'am ka'yukiena'a na ts'ajlaye, jla'yi ti jayok samtikie' niwa Sinia' jlamtis.

Romanos 12:12

'Esiji ka nikanitie'yi ilia'm siunie asnejejwijiye ti yi'ase. Siuti jane'yase ni aswet'ia, 'esiji ka akat 'okiejak'iye. Ja ke paja ka leyeyi ni asts'ajlaye ti jawoyeyi.

1 Corintios 14:13

Ijiatjliyi, siuti po' ni yiyi naka ti yamtiyi niwak inamtis ti je tipe'yak, ti siojopa Sinia' jikimet iwijna'm, 'esieyiji ka ijiatayi ka int'al, ka int'ajle pa Sinia' ka 'nakajanitia'm siupi iyo, 'nakayi ti ja 'nakajk'i pet k'iye siunapo ijia, ti Sinia' jilis.

Efesios 6:18

Je paj ka leyeyi ti jawoyeyi ni asts'ajlaye. Nip'elisine ni Sinia', jlomas niwa ajnajas ti janip'elisinayi, 'yina 'yaka po' janaka Sinia' jikimet ti 'es ti janoye'ase'm. Ni'netiejyi'n, ka ekiajlayisia'm siunie jiwoyeyi, ti jit'iejlana'ni wikie'eyi siunapo Sinia' jilis pet.

Colosenses 4:2

Ká aleyeyi ti jiwoye'ni asts'ajlayeja', siu'neje ti asnikanitieyi jlekiajlayi'ni pa Sinia'. Ká anikiwalinitie.