Hechos 1:12 - Sinia' Jlamtis 1994

¹² Sekyi'i ti yamat'i'nijpe ti yapilis Jerusalenne, ti tajlisi siojopa tikijnaki jle' iyo'ate Olivokiet. Je tojwape'n jla'am japa Jerusalén, pi k'iejlit'iyijipi pa tiwenaja'm pi i'nio' ti t'iskiujnijyi'n japa i'nio 'wanjlijyi'n.

Hechos 1:12 ပူးပေါင်းရင်းမြစ်များ

Mateo 21:1

Ti majleyeyisi jlaja Jerusalén, japo Jesús ti jla'yis japo t'eyasajnas yiyeyisi siujlieja isi' tomi ilia'm jle' iyo'ate Betfagé, je wuj jlajak isi', yi'i jlaja tikijnaki siujlieja jle' iyo'ate Olivokiet. Jesús sekyi'i ti ijliuye japo t'eyasajnas times,

Mateo 24:20

'Ajlayi ni Sinia' ka je intajajam'ni siojona jloma ti wi'yitipata, siu'neje jana jloma i'nio 'wanjlijyi'n.

Mateo 24:3

Sekyi'i ti yama'ni ti ijioyits'i ape'e jlaja tikijnaki jle' iyo'ate Olivokiet. 'Yina ti 'nesa'ni Jesús siojopo t'eyasajnas iyonisi'ne 'ate ti i'yasis'ni: —Jwelkiamts'e'm kiu', ¿tepat'iyi japak jloma ti kiak jawo? Siuka je tojwata'ana'a japak siojopa jloma ti ja apimet, ti ajnat jano'we, ¿ten siupa jana'an ti ja'nakaj?

Mateo 26:30

Takelisienaja'n ti yinits'i kiwa sálmojos. Itime ti yama'ni ti ijioyisi jlaja tikijnaki Olivokiet.

Lucas 19:29

Jlampa ijlienayisi'ni siojowa isi'il Betfagé siu'neje jlaja Betania, ti 'yakama'a siujlieja tikijnaki ti jle' iyo'ate Olivokiet, sekyi'i ti ijliuye japo times t'eyasajnas,

Lucas 21:37

Siupi iyot'iyipi pa Jesús, ti jlomayeta ti ijioyi'ni jlaja 'najla'wet ti taka'neyasa'n, jlampet ti ajnajata ijiojwen'ni tikijnakija'm yi'i siojopa tikijnaki jle' iyo'ate Olivokiet.

Lucas 24:50

Jesús yamat'iyijpe japo t'eyasajnas, ti ijioyi kisie'e ti tajla'm jlaja isi', je tojwape'n jlaja Betania siojo ijioyi'i. Yiyisi siojo ijioyits'i, Jesús jikioye t'ipa ijieyet'ik'ipe pijia'm, ti iwijna'm pa 'es japo t'eyasajnas.

Lucas 24:52

Itimisi ti iyunitis ti yapiliet'iyispe Jerusalenne, wuj ti inkase'n pa ijioyisk'i'ni.

Juan 11:18

Betania, siujlieja Lázaro 'wet, je tojwape'n jlaja Jerusalén, najape jawa kilómetrojos ja k'iejlajap'e.