Hechos 1:10 - Sinia' Jlamtis 1994

¹⁰ Jlam'ne je ilitiejesi'iji ti i'yenisk'i'ni, siupi iyo pi Jesús ti yam pijia'm, jlam nesi'liet'iyijpe ti 'yakaj papo times i'nio', ji'wuye lemi, ti takasitiape'n jlam japo injlojwajnas.

Hechos 1:10 ပူးပေါင်းရင်းမြစ်များ

Mateo 17:2

Sekt'i yi'ipe ti iyoyeyi siupi iyo ti iyo jloniye jikiechaye jitieyi'i japo jla'yis, siupi jitiokio' iyo'ate jla'a kates.

Mateo 28:3

Ataj ena 'ate ni tak'ajyi ni iyo ti 'esi', kia'iyo jak injlojwanik poli jlele, siojowa ji'wuye iyo pet 'ate ni wi'yit.

Marcos 16:5

siuti 'yuyeyisi pi a'no', i'winayisi pa i'nio' jwemik ji'wu' pa itiojyi ti lemi, ti yiji'n tome 'niji injweyeje. 'Yina japoka asejnia jnots'ijnits'i.

Lucas 24:4

Kawojliyisi pa, je 'yakaj paka jitienkiujnieye inwonisi. 'Yaka jla'm iwoyisi ti i'winat'iyispe, siupapo times i'nio' ti sek takasit'ik'iji'n siupa yiyits'i, ji'wuye puwa ijiat ti isis, siupa k'iejliyiji'n intaj je ijwi'yi.

Juan 20:12

Sekyi'i i'win'ne papo times Sinia' jijliujwajnas poli jlele ti ji'wuye lemi, yits'e tenat'itie'epe ja Jesús, ti yik'iji'n ijwienjli siupa tome 'niji jletik itijyi, ijwienjli pa tome 'niji jisietis itijyi.

Hechos 10:3

Yit'i'yipe japa jloma ti kilie' iyoyeta'ate isia'm, ti i'winat'ipi ilia'm pa Saka'niona jijliujwanik poli jlele ti ijioyi siupa yi'i. Injlojwanik poli jlele iyone'ate: —¡Cornelio!

Hechos 10:30

Cornelio isiujlie ti iyo'ate: —'Neyek'i jlampa kilie' iyoye 'ate isia'm, 'yake'nijne ti awo'ni 'yejlayeja' 'ne i'wit'e. Jakayi ti inikajanitk'i'm ni i'nio' ti wuj ti isis niwa ji'wuye.

Apocalipsis 3:4

“'Yina po' jiwek siunapo 'nak nojwaja'm ti jleyejyi jana Sardis ti je i'wi'in siuniwa ji'wuye ka t'ojliyeje'n. Napoka ti jant'asisi ijyik'i siunapo ti lemi ni ji'wuye, lapakawo ti jla'am je iniwonisi jiwek, 'yina 'yu'we ti kia'iyo.

Apocalipsis 7:14

Akiujlie'ne pet ti awo'ate: —T'eyi, 'ni ika anechiyas, a'm ti 'najane. Ijwilk'im'ne ti iyo'ate: —'Napoka siu'napo ti tijwajyi siukia ti ijiat ti a'tiek'i jijliak'ali, siu'neje ti pajk'i ti ilij niwa ji'wuye ti iyoyisi jika kieye siunie ti ilimijietis naka 'wolepo 'woma ji'woyis.