Hebreos 9:9 - Sinia' Jlamtis 1994

⁹ Wikie'eyi niwaka kas'wenkina pet siunie iyo 'ni jloma awaki. 'Yina ti siuniwa i'nio' ti iyoyi 'wajietayi pa Sinia', siu'neje niwa wask'i'nelaja t'ipi ti tilianaja'n ape'e niwa inkeyis, 'yina je ikajle'n pet ka inlesajne'n siuniwa jlosikis napo i'nio', siunapo ti jlonitieye kiak iyone ti yi'ne.

Hebreos 9:9 ပူးပေါင်းရင်းမြစ်များ

Romanos 5:14

Jlam'ne ti tajlap'e puwak jlomas yi'i pet pa Adán, paj ti yiyeyi siupuwa jlomas yi'i pet pak Moisés, siojona 'najlati wikie'eyi siunapo i'nio' iyoyi ni jike' yiyis kiajwe, 'wanjliyi siupa jike' iyot'iyi pet papok je kiak iyoyeta 'ate iyo pak Adán, ti je its'iuye pa Sinia' iyontaja. Adán iyoye 'ate siunie ti jipelta pa siunie ti je 'yakajli'ijyi ti ja'nes, paka t'ipi pa Sijwajieti.

Gálatas 3:21

¿Mi ajwe'el ni Moisés jika'neyasajnaye ka inta'yi ilia'm siunie Sinia' ijwil pet? ¡Je'e! Jla'm ijiatayi ka siunie inka'neyasajnaye ji'wasankiye iwejna'm pa i'nio', nak ijiatayi'ne pet ka Sinia' inlesajne'n ni i'nio' 'yina ti iyoye siunie inka'neyasajnaye 'yijie'ne ka woyi.

Hebreos 10:11

Wikie'eyi siunapo pa'yijis ti tajla'm napo Judíojos jlomas itijw ti isimk'iji'n, je iliyi ki iyo ti iliajnen'ni siuniwa k'iejliyi ti yikiajle'ni ni Sinia'. Jlam'ne je 'yakajle'n siunie i'nio' ka ijnale niwa jikeyis.

Hebreos 11:19

Lapakawo pa Abraham ti jlosik itiej ape'e siunie jijweye ni Sinia' ti po'. 'Yina siunie ti ka inekial pijia'm siunapo 'yajle'n, je ijlie'en, 'yijene pi iyone. Ijiatjliyi, jak je iyoyi pa Abraham ti yikiajlayi'i ti jlas yijap, 'yiniye ka ijiatayi ka pakaye a'no' ka intajla'm ka ink'iewe ilia'm.

Hebreos 5:1

Siunie pa'yijis jika anechiyas wuj tajla'm napo i'nio' ti tikimajata'a, sekyi'i tijniejieta'a'ne ka noyeje napo i'nio', ti ijwile ni Sinia' siupa iyo napo i'nio'. Iniwojwa'n jiwoye siunie tiwoki ji'wajieta' ni Sinia', siu'neje puwa tilianat'ijyin'nijpe ti takat'ini ape'e puwa jikeyis papo i'nio'.

Hebreos 7:11

Papoka siupapo pa'yijis t'ipi ti tajla'm pak Leví, siupa ti tajla'm pet pa Aarón, papoka ti tajle pak inka'neyasajnaye ti it'imina yi' kiojyi papok Israel jika kia'lis. 'Yina siupa jikijmaye iyot'iyipi pak inka'neyasajnaye 'yaka ti je 'yakajle'n paka i'nioye ka kiak iwone ka ilesajne'n, it'imina ti asetiana pa kanwo 'ate pa Melquisedec, je iyoye 'ate siupapo tajla'm pa Aarón t'ipi.

Hebreos 8:4

Kawo'ate iyo ti yi'ne ajnat'e, ka kia'iwotaja ka ji'wet poye ka inkijme'n pet ti jla'am ti pa'yi pet. Awo kajeyepa ti po' siunapo pa'yijis ti napoka ti yikiajle'ni ni Sinia' siuniwa ti tiwoki ji'wajietayi, iyo nak Moisés jika'neyasajnaye siunie ka tiwoki.

Hebreos 9:24

Kajeyepa ti Sijwajieti je nak siunie i'nio' jilisanik ti siunie jipe'el jiwek ni Sinia' ji'wet ka'noyi. 'Yina tijnats'iyi ti 'yuyi ni poli, siuniwa jlomas ti yi' jitieyi'i ni Sinia' jla'am ti t'ajli'ni pet siuniwa iyo niwa asetiana.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',