Hebreos 9:1 - Sinia' Jlamtis 1994

¹ Jlampet siupa inia'an ji'lij pa Sinia' pi iyot'iyipi, 'yina po' siupuwa iyot'iyipi pa iniwonisi pet ti siupapo pa'yijis t'ipi je 'esiji kankamits'i ape'e, lapakawo ti jikijmaye kiajwe siojopa ji'wuk t'ipi yi'ne ajnat'e.

Hebreos 9:1 ပူးပေါင်းရင်းမြစ်များ

Lucas 1:6

Wuj ti isisi'n jitieyi'i pa Sinia', jla'yi ti yamjliyi ti yame ki iyo kiwa Sinia' jlamtis, siu'neje kiwa iyo ka tiwoki pa Sinia', jak je iyoyiji ka poye paka injwe'el, ka k'iejliyeyi paka ijnotkina paka woyisi.

Romanos 9:4

Kajeyepa ti pa Sinia' ijniejiett'iyijpe ka kiak iwoyi ti iyo jilisa'. 'Yina ini'wenkijna'm siupi iyo pi t'oniye ti 'es; jlamis ti 'esi siupa tiwonat'iyipi ti tijwelaja'm, iyoye'ate siupa inka'neyasajnaye t'ipi ti iwijna'm pa Moisés. Sekyi'i 'yiyasane siupa tiwonaja ti tonitie, sekyi'i ijwijla'm ta'a siupuwa wask'i'nelaja ti janwejna'm ts'ijiye kapajata, sekyi'i ti 'yakaja siupa jawoyi.

Colosenses 2:8

Joskiyeyi, ká ak'iuyeyi siunapo ti ijwi'il ka 'najajne'n 'lojwinie'e ka inkajmanats'iji'n, kajeyepa siuniwa jitienkiujnieyejes laj lajaye, siu'neje ti jawo jikipijnasa'ase'm. 'Yina siuniwa iyo ti 'yijejne'n, je paka ka intajle pi Sijwajieti, 'wenajliyi jla'am siuniwa jiket'i iyopi papo i'nio' ti 'yotatis, siu'neje ti tajle niwaka injweyejes ti je ti'wena, ti iyo jikimita 'ni ajnat.

Hebreos 8:13

Siuti Sinia' iyo'ate, “Jawiets'ilati siunie paj ti awoyi, 'yina ja ink'ieye siunie jayoyi”, ijiat ti 'yakajanit k'iye ti ijwil ti iyo ji'yusieja' siukia ti inia'an ji'lij iyone ti iliyi. Siunie ti ijiate ti paj iyo ji'yusieja', 'yina nak je toj'we pet siunie ti janetia'n.

Hebreos 8:2

Yine kiajwe siojona Sinia' ji'wuk ti 'es ti isijme'n, siojona ti ijiate jla'am ti jilisanki, 'yina i'nio' je lisanki.

Hebreos 8:7

Siupa Sinia' ji'lij inia'an jlamt'itiepe ka ilesajne'n ni i'nio' jla'am kiak je iyotaja'ni ka poye paka ink'ieye.

Hebreos 9:24

Kajeyepa ti Sijwajieti je nak siunie i'nio' jilisanik ti siunie jipe'el jiwek ni Sinia' ji'wet ka'noyi. 'Yina tijnats'iyi ti 'yuyi ni poli, siuniwa jlomas ti yi' jitieyi'i ni Sinia' jla'am ti t'ajli'ni pet siuniwa iyo niwa asetiana.