Hebreos 7:16 - Sinia' Jlamtis 1994

¹⁶ Siunie pa'yi ti ink'ie' je tajle napo siunie iyo ni inka'neyasajnaye ka titiajlataja'm, 'yina tajle siunie jijweye iyo jana in'wasankiye ti t'o'n.

Hebreos 7:16 ပူးပေါင်းရင်းမြစ်များ

Romanos 7:14

'Yina jlam'ne kasts'ajane ti siunie Moisés jika'neyasajnaye Sinia' ti jlamtis niwaka. Siuti ya'am ti i'niok'i'm, 'yina jikijmaye iyo pit ni 'isie'n, 'yina 'naka'ne pet ti siwe'en ti sekiajla ni inke' iyone jikipinikiek'i'm.

Gálatas 4:3

Siuti pajk'i sa'am kiak awoki, iyo napok kia'lis ti ajwel'ni, awak kiajwe siunie jijweye iyo pit niwa je 'yaka pini' yiji ni jloma ti iyo jikipijnasats'e'm.

Gálatas 4:9

'Nakayi siuti intant'iejayi ni Sinia' - ka iyot'i jla'mate ti Sinia' itiant'ie'ase - ¿'wenat'e ka apilieyi niwak siuniwa injweyejes ti je 'yaka, ti po' ape'e 'ni ajnat, ti laj jijweyeja' jla'yi ti laj lajaye? ¿Yot'iyi'ni ti jlekiajlayeyi'i ti jleye kiajwe niwaka?

Colosenses 2:14

'Yina Sinia' 'yojmatk'iji'n sik'ioye siukiwa inamtis yi'i ki imp'esinik ti ijwi'il ti sitis poyi ilia'm, sekyi'i ti ijiutie jlam ts'ijiye ti initojmate, sekyi'i its'iejwat'e 'ne japa cruz ti wikijnies 'yitajamk'i.

Colosenses 2:20

Aslaye iniuyi wita'm pi Sijwajieti ti 'ya'al, kajeyepa ti jiwoye masesie' jitieyi'i niwaka siuniwa injweyejes ti je 'yaka. 'Yina ¿yot'iyi'ni jiat'eje ti 'yiniye ka mawat je atajlajyi ni iyo pit ni ajnat, 'yina ti jik'iuyeyi siuniwa inamtis ti iyo'ate,

Hebreos 10:1

Kajeyepa ni siunie Moisés jika'neyasajnaye jipe'el jiwek siupuwa wask'i'nelaja'n isis ti janam'ni, je niwaka ni siuniwa ti jlameje. 'Yina naka'ne ti it'imina ti je 'yakajle'n ka'notate'n siunapo i'nio' ti kiajatak'i'ni niwa najkapis ti kiak iniwonisi'ni ti ijioyi pi Sinia', ti yamisi'ni puwa k'iejliyi ti iliajne'n ape'e puwa jikeyis iyo.

Hebreos 7:15

'Yina 'yakaj niwaka, lapakawo ti 'nakayi po' siunie pa'yi ti iyo'ate pak Melquisedec t'ipi.

Hebreos 7:17

Jak je iyoyiji siuniwa Sinia' jlamtis iyo'ate ti ijwi'il naka: “A'am ti jajok'i'ni ti ja pa'yija'm, jiwo'ate pa Melquisedec t'ipi.”

Hebreos 7:21

'yina jlampet pi Jesús je kia'iyo. Jla'am Sinia' ji'lij iliyijap siupa jawoyi, jak je iyoyi ke inwone 'ate: “I'lij aleyi ajap, 'yina ja ke pajana'a ka iwiets'ilati siu'nie jayoyi. Jajok'i'ni ti ja pa'yija'a'm.”

Hebreos 7:28

Siunie Moisés jika'neyasajnaye, siunapo pa'yijis jika anechiyasas wus ti tajla'm pet naka, napoka siunapo ti kia'iyo ti je t'o'n pet. Ti tojmi 'wechaja nak inka'neyasajnaye, sekyi'i ti Sinia' po' pi ji'lij ti iliyi ti ijiatk'i, pakayi ti isi'me pet pa jlas ti iyojwa'n pa'yi jika anechiyas wujwa', paka pi Jesús. Pakayeyi ti Jesús yina wita'm siupa iyo ti iyoyi ni jikijmaye, 'yina jajnok'i'ni ni jawo ni t'oniye ti ja 'esie.

Hebreos 9:14

'Yina jlampet siunie Sijwajieti ji'woyis ti kia'iyo ti tisa'ni jla'm ijiatayi jla'am ti 'yaka'm ape'e niwaka ni jijweye iyo. 'Yina Sijwajieti siunie t'oniye ti 'es po'o siunie ti jla'am ti ininekiajle pi Sinia', ka lajak'i pet ki iyo janaka Sinia' jikimet ti 'es, ti je paj ka netia'n. Siunie Sijwajieti ji'woyis kia'iyo initiajnat sik'ioye siuniwa sitienkiujnieyejes ti je isis siu'neje ti ijialts'e siuniwa je isis ti kastone jana ts'ajlati ti ja kasnetia'n. Sek jane'yi ka 'yakajlajanie'e ka iniukieje naka Sinia' ti je paj ka inetia'n.

Apocalipsis 1:18

siu'neje ni 'wasa'n. Ijiate ti ts'alpe, 'yina 'nakayi si'wasa'n, jajiok'i'ni ti ja ke sinitia'n. Yam'neje ti yik'i siuniwa jikie'el ti t'ajlinitijaja'm janak 'najlati jika anechijiayas.