Hebreos 6:2 - Sinia' Jlamtis 1994

² siu'neje ni inka'neyasajnaye ape'e pet siunie inajiejnaye, siu'neje na ti inkio' tena ape'e napo Sinia' jilis, siu'neje napo 'yajle'n ti janok'i kisie'e, siu'neje ni ti jitis jajnotk'i'ni ni i'nio' ka kia'iwotajanie'e ka Sinia' i'yenta.

Hebreos 6:2 ပူးပေါင်းရင်းမြစ်များ

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Mateo 3:14

'Yina Juan ti ipi'yaye, iyoyet'ipi 'ate: —¿Yot'iyi'ni ti si'yase'n ka iniejie'n? Ya'm ijiattaja ka siniejie'n.

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Marcos 7:4

Jak je iyoyiji ti 'nesata'ni ti tajlis inak ji'wuki, je nesi'li'yi kan'yekiujni'n siuti je iyoyisi siupa iniwonist'iyipi ti je inilejes kiu'. Je najata, 'yina je pini 'neje niwa ijia, iyoye 'ate siunie ti je 'yaka'm ape'e ti ilijamk'i niwa jika teti'l ti i'yayisiamk'i, siu'neje puwa jlatiwa ti wikijnies, siu'neje puwa isatis, siu'neje puwa jlo'witis.

Marcos 7:8

Jiliyeyi siunie Sinia' takajluntieje kawo napo i'nio', 'yaka jiwoyeyi siunie iyo pit napo i'nio', ti je isiwaliyi'i siupa t'oniye iyot'iyipi kiapo saka kijilas mases.

Lucas 11:38

Jlam jnots'iniji'ni pak Fariseo ti i'wina pa Jesús ti jikio' je ilij, ti iyoyeyisi ka 'yekiujni'n, siupa iniwonisi jla'am papo Fariséojos.

Lucas 12:50

Ka pajatana'a jayiyi siunie ti ja ijiatayi ti ja ke 'esie, 'naka 'ni siu'nie silia'an, jla'yi ti akjliyi.

Lucas 14:14

'Nakayeyijna'a ka Sinia' inwe'nase'm siunie 'es jikap'ijliuskiye, kajeyepa ti ja ke inkajlisi ka kiak inwo'nase pet ka inejni siunie jiwone, sekjane'yi ti ja'we'en janak akaja siupa jloma ka inotiek'i kisie'e siunapo isis jla'am ti ja intajli ni a'no' ti janapits'i pijia'm.

Lucas 3:16

'Yina Juan iyom'ne wita'm papo i'nio' ti iyone'ate: —Siuti ya'am ti anajiena, i'niat ni akima, 'yina po' siunie 'wanjli isia'm ti ja'nes, ti ja inajienajajyi ti jankie'nase ki iyo jana Sinia' jikimet ti 'es, jla'yi ni jwat. Jla'm ijiate jla'am ti t'on'ni, ti 'yaka'm itipe'e, tiwet'ianaja ka 'yakajli ka jisieti t'aka iliejnits'i.

Juan 1:33

Ti 'nelanjie'e je sitiant'ieje kiu'. 'Yina siunie sijliu' ka iniejiejne'n napo i'nio', ka iniejiejni ni i'niat, iyonk'i 'ate, “Siuti ja'we'en siunie i'nio' Sinia' jikimet ti 'es janame ti jane'yi ape'e, janakaye siunie i'nio' ti janajiejni jana Sinia' jikimet ti 'es napo i'nio'.”

Juan 5:29

jla'yi ti janok'i kisie'e ti jantajli niwa a'no'ol. Siupapo iyot'iyipi siunie 'es napok janapits'i pijia'm ti ji'wasankiye ti laj jlaja japoye. Jlam pet siupapo iyo ni je 'es, kiak janwo'ojyi ja'nesk'i pijia'm ti jantayi ka tisiejekik'i.”

Hechos 10:47

Ti Pedro ipi'yayet'ipi, sekyi'i iyo'ne 'ate: —Ajwel'ni 'esiji ka tiniejienaja'n, 'yina ti Sinia' jikimet ti 'es yiyits'i, iyo'ate awoki.

Hechos 13:3

Jlampa iliyet'iyisijpe japo i'nio' ti ininel'liajaniti'n, jla'yi ti iyoyis t'ajlayeja', inkioye tenajat'ipi ape'e, sekyi'i ti inijwelaja'm japo ti iyoyeyi ka nek'ni.

Hechos 16:15

Tiniejiena'ne, kiak iyojliyi japo ji'wet jlele. Inip'elisints'i ti kas salas'ni ti iyo'ate: —Siuti ja ijiatayi ti si'wena' ti awoyi ni inamtik, naja'ni 'eji'nase'm ka ijiok i'wite, sek 'wanjliye'yi kiunie'e. Je kaswen'ne.

Hechos 16:33

Siukia ti ajnaj kioweja, jlam jla'am ja 'nayiwo ti ilijits'i kiwa ink'ajnatis ji'wetis. Itime sekyi'i ti Pablo iniejiena ja ijiawo siu'neje japo ji'wet jlele.

Hechos 17:18

Siunapo i'nio' 'yijejne'n jle' iyo'ate Epicúreos siu'neje papo Estóicos sek inita'a ti ijioyisi ja Pablo. Tom ts'iji pa iyo'ate, ti iliakiyis: —¿Tempi'ne pi ijwil'ni siunie amtijieta? Iyo'ate papo ijia: —Ijwilt'e ape'e napo i'nio' siupa dios 'wenayi. Ji'lij kia'iyonisi, kajeyepa ti Pablo ti iyoyetaja jlamtikie', ijwil pa Jesús, jla'yi ki iyo ni a'no', ti janapits'i pijia'm siunapo 'yajle'n ti yiji.

Hechos 2:38

Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Hechos 2:41

Ijiatjliyi siupapo je takakiunisi siupi iyo ti tamti, papok tiniejienajan'ne. Pak siupa jloma ti tres mil papo i'nio' ti t'opiyiji papo Sinia' jilis.

Hechos 23:6

Ti Pablo itijnisieyi ti Saducéojos siu'neje japo Fariséojos japo yiji japok ijnosikis jiwos, sekyi'i 'yakets'ijiap'ne ti iyo'ate: —I'lijwas, Fariseok'i'm. Fariséojos 'neje napo i'wit jlele. Je akakiuni siunie iyo siunapo 'yajle'n ti yapits'i pijia'm. Naka'ne siunie titiajlatak'i'm.

Hechos 24:15

'Wena je ajo'we pet, siukia yamt'iyisipe pet, ti je 'yakakiuyis pa Sinia', ti janojwank'i kisie'e ka pajata siupapo 'yajle'n, siu'neje papo i'nio' isis t'ipi siu'neje papo ijiatt'iyijpe ti je isis.

Hechos 24:21

Nakat'imi jla'am ti jitiajlatak'i'm siukia ti awope 'ate, ti i'lij etk'i ti amti: “Je akakiu pa Sinia' ti janekialk'i pijia'm papo i'nio mases t'ipi.”

Hechos 24:25

Je 'esiji ti ipi'yayeyi ja Pablo ti yiyiji naka ti iyo'ate, “Janilesaniji ni i'nio', jla'yi ti jan'ye'en siupa janwoyi, siu'neje ti japoye jana jloma ti Sinia' jan'ye'en ti ja'nakajanitk'i ape'e siupa jitis jawo.” Naka'ne siunie ti Félix jnots'inaja ti ipi'yaye, sekyi'i iyo'ne 'ate: —'Esiji. Maj. Jlam jayana'anie'eje ka pajata ka itimtieje'nina'a.

Hechos 26:8

'Yina awo'ate, ¿yot'iyi'ni ti jikakiuye pa Sinia', ti 'yakajli ti iniujwank'i kisie'e napo 'yajle'n?

Hechos 4:2

Ti'yikisane kajeyepa ti Pedro jla'yi ja Juan 'yiyasajne'n papo i'nio', jla'yi ti iyo jika'niyeja' pi Jesús ti iniu kisie'e ti tajla'm pa a'no'. 'Yina ti iniu kisie'e, nak 'yakajanit ti ijiatk'i ti siunapo 'yajle'n kia'iyo 'wena je ijio'we, naka ti tajle'e.

Hechos 6:6

Sekyi'i ti yamat'iyijpe ti ijioyisiji japo injlojwajnas, ka t'ajlis ape'e, jla'yi ti jikio' jane'n ape'e.

Romanos 2:16

Ke iwo pa ti siuti janeyi janak jloma, Sinia' jankajanit'i ape'e wikie'eyi niwa yijits'i niwa jlosikis napo i'nio', Sijwajieti Jesús naka ti titiejkinaja ti jan'ye'en, nak jika'niye ni siunie ajwe'el ti awoyi yamtikie'.

1 Corintios 10:2

'Yina siuti kia'iyo yiyis kiajwe japak poli, siu'neje pa i'niat jlajlik'i ti yikiwajasia'm, 'yiniye ka tiniejienaja'n siupi iyoyi ti jla'yijis pa Moisés.

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

Filipenses 3:21

Ti jawo ink'iejyisa' niwa ts'isienis, ti ji'niayi je itio'yi ape'e 'ni ajnat, ka iwoyena'a 'ate iyo ti jla'am ni t'ajwes ti ijiate jla'am ti 'es. Je lajk'i ni jijweye iyo ti jla'am ti i'yena wikie'eyi niwa wask'i'nelaja yi' ape'e 'ni ajnat.

Colosenses 2:12

Jak je iyoyiji siuti inajienajajyi'n, 'yiniye ka imp'onaja'yi ti aslaye iniuj wita'm ni Sijwajieti. Kiak iyojliyi siuti jiniuyets'i kisie'e ti jitiajlayi ni a'no', 'yina as'nayi ijwienjliyi ti yapi pijia'm. Lapakawo ti je kakiuye siunie Sinia' jijweye ti naka ti iniujwa'n kisie'e ti jla'am.

2 Timoteo 2:18

Ijlie'en siunie ijiatk'i, ti ijwilis ka pajak'i ka inek 'nijiye siunie sinijijwiye iyo ti janiukk'i kisie'e ti atajlaja'm ni a'no'. Tempi it'imina ti je 'yaka paka inwo siunapo Sinia' jilis, kajeyepa ti je 'yakakiuyis.

Hebreos 11:35

'Yina pot'i 'nejepe papo asejnia ti tekiajla jikiojia'm papo ji'wet jlele, siuti kia'iyo 'yalt'ijimpe kajeyepa ti yapits'i pijia'm. Ijia siupapo inine'nate k'iye siupapo ti yejesk'i'ni, 'yina je inikakiuyi siupa titiajlataja ti tilianaja'n, lapakawo ti iyo ka napits'i pijia'm ti jlajma ijiatayi jla'am ti ja 'esie siojona ji'wasankiyeja'.

Hebreos 9:10

'Yina niwakata jla'am siuniwa wask'i'nelaja titiuwa, siu'neje niwa ti ti'yakits'i, siu'neje niwa jikeyis napo i'nio' ti ijwil ka ini'notatisiji ti inileje'n. Niwaka ni siuniwa iniwonisi ti ti'wena ti yi' kisie'e ti 'yaka ti laja japoye paj ka neyeyinie'e siojona jloma ti Sinia' janwojwa'n ink'iejyisa' niwa wask'i'nelaja.

2 Pedro 3:7

Siunie poli, siu'neje 'ni ajnat, ti je tetitiejli'ijyi ka tinitiajnataja'n. 'Yina ti jla'am pi Sinia' ti ji'lij ka kiak iwo ti itiejietape, ka 'yenta napo i'nio' ni jitis iyo ti jankiene ni jwat napoka siunapo ti 'yakakiu pi Sinia'.