Hebreos 5:9 - Sinia' Jlamtis 1994

⁹ Jak je iyoyiji siuti yiyek'iyi siunie iyo ti lajak'i pa ka inetia'n, 'yina nak 'esieyi pet wikie'eyi napo i'nio', ti iyoyi ji'niayija' ti ijioyi ni jijwajieti ti laj jlaja, siunapo ti iyoyi niwa jlamtis.

Hebreos 5:9 ပူးပေါင်းရင်းမြစ်များ

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Lucas 13:32

Jesús isiujlie papoka ti iyonat'iyijpe 'ate: —Maye'ni, jwelajia'm ni i'lij siojo ijiuski'la'n. Ti 'nakayi siu'neje kajlomata janiujwank'i kisie'e niwa imose'l yijits'i napo i'nio', jla'yi ti jajwiejiete'n napo je isis. Jloma kiecha ka itimayijna'a ni isijmaye.

Juan 19:30

Jesús its'iujwam'ne, sekyi'i iyo'ne 'ate: —'Esiji, atejwi. Sekyi'i jletik iniajmana isia'm, ti 'yala.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

Hechos 4:12

'yina naka ti kasts'isisi, kajeyepa ti lajk'ipa ape'e 'ni ajnat ka jikiechaye ka ineye paka Sinia' injlots'e ka pakaye ka kasjwajiete'n.

Hechos 5:32

Ti sa'am kasts'ajane pa awonaja, jla'yi ti sa'am ti ajwela niwaka, siu'neje ki iyo jana Sinia' jikimet ti 'es ti iwijna'm siunapo its'iuye siunie iyo.

Romanos 1:5

Siuti ya'am ka lajak'i pet ni iyo ni Sijwajieti Jesús, lapakawo ti jla'am pa Sinia' ti sip'elisi'n, sekyi'i ijniejietk'i'm pet ka iyo Sijwajieti jijliujwanikie', ka ijwile napo i'nio' ka 'yakajanit'i ape'e ni iyo ti jla'am. Ja'nakayeyi ti ja wikie'eyeyi napo i'nio' yi' ape'e 'ni ajnat ja ke inkakiuyis, siu'neje ti jank'iuye siunie jlamtik jawoyi.

Romanos 10:16

'Yina je wikie'eyi ka iwoyi nak inka'niye, iyo'ate iyot'iyipi pa Isaías ti iyo'ate, “'Yaka'niona, ¿tempa je kaskakiuk siunie iyo ni ajwela?”

Romanos 15:18

'Yina i'lij jnechi pet pijia'm ka k'iejliyeyi paka ijwi'il, 'wenajliyi jla'am siunie ti Sijwajieti siwojwa'n jiwoye, 'nakayi ti siunapo i'nio' je Judíojos janwoyi niwa Sinia' jlamtis. Siunie ti 'yakajak'iyi jakayi ti awo yamtikie', siu'neje kia ti isijmaye iyo,

Romanos 2:8

'Yina jlampet siunapo ti ijiateje ti je its'iuye, ti ijiut 'niji ni siunie ijiatk'i, jla'yi ti 'yuyisijk'iyi niwa jloski'layis, napoka'ne napo ti Sinia' wujwa ti jiwak jane'ne jla'yi ti jansa'ak'i.

Romanos 6:17

'Yina inikanitieyi poyi pi Sinia' kajeyepa siuti pajk'i siunie inke' jikipijna'asempe, jlam'ne 'nakayi jlam je woyeyi, jik'iuyeyi siunie Sinia' 'neyasanayi siunie ti jikima'yipe.

2 Corintios 10:5

wikie'eyi 'neje siuniwa ti initoniti ni i'nio', siunie it'imina ti je itiant'ieje ni Sinia'. 'Yina jlampet siunie jitienkiujnieye ni i'nio', nak awoki pet Sijwajieti jikipinikie' ja 'nakayi ti janwoyi siunie iyo ka woyi.

Filipenses 2:12

I'lijwas, ti asa'am ti yimijna'ase'm, siuti je atal aska kiowe'e ka pajape ka je ak'iuyek'i'm, 'nakayi ti je a'yasap kajeyepa ti toj'wase, 'esiji ka ijiatayi ka ak'iuyek'i'm siu'nie ajlo'wase'm ka awoyeyi. 'Esiji ka ijiatayiji siunie astankiujnieye ti ijioyi ni askamankiye, jla'yi ti ja ajoskiyeyi ni Sinia', 'esiji ka je injweyeyi ti jla'am.

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

2 Tesalonicenses 2:16

'Nakayi je paj ka iliki pet ti 'ajlana ti ajwela pi Saka'niona Jesús ti Sijwajieti, jla'yi pi Sinia' ti jlam ti wuj ti kassemijne'n, jla'yi ti kasp'elisi'n, ti jlam ti tajle ni sijweye ti jijweye jla'am ti laj jlaja, siu'neje ni anejejwiyejenk'iye ti wuj ti 'es,

2 Timoteo 2:10

Lapakawo ti 'esiji wek ni iyo ni anilayiti, 'yina ti je aniwone wek. Napoka jla'am ti ja 'esieyi, napoka napo Sinia' isi'mik'i ti ini'nopijieteje pi Sijwajieti Jesús kan'we'n pet siojona jijwajieti ti jlonitieyi po' ti laj jlaja.

Hebreos 1:14

'Yina, ¿tent'i napoka injlojwajnas poli jlele, tepit'i iyo siupa jikijmaye? Awo'ate napoka siunapo Sinia' jikawos ti ijliuyi napo i'nio' ti ja jikimita siojona injwajieti ka noyeje.

Hebreos 11:40

Lapakawo ti jlam pajk'i ta'a ti itime ni siunie ti jla'm ijiate jla'am ti 'es ti 'yiniye ka k'iujwsajap. Jak je iyoyiji siuti kia'iyo ti yiye siwa'm, sekyi'i ti jiwekie'aja pet ti yin wita'm siunie ti ijiate ti lajk'ipa ka inetia'ne.

Hebreos 11:8

Siupa Abraham ti je 'yakakiu pa Sinia', jak je iyo ka t'onieyi'i pet k'iye ti tanayi, sekyi'i iwise'ni siupa ajnat Sinia' pajk'i ti ijwijla'm ti yikiajle ka ne'yi. Jak je iyoyi siuti yamat'ipi ti janjlase japak ajnat tijwelaja'm, 'yina jlam ya'am jiwekie'e ti je 'yijene paka intajyi.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hebreos 2:10

Wikie'eyi siuniwa a'wena Sinia' jla'am ti jilisajna', siu'neje ti jla'am ti tijna'yi, 'yina iyotaja'n pet k'iye ka wikie'eyeyi napo jilis i'noyi siunie yi'i ti anechiyas. It'imina ti Sinia' kiak iyone pa Sijwajieti Jesús ti iyojwa'n 'ate ni i'nio' ti yin wita'm siunie ti ijiate ti 'es, 'yina paka jla'am siupa iyo ti inilayiti, jijwajieti woyis jla'am napo i'nio'.

Hebreos 2:3

'yina, ¿tepit'e awokt'iyi pit sa'am ti po' siojona sijwajieti ti je jlase', ti Saka'niona iniane ti ijwile pijia'm? 'Yina siunapo ipi'yayis ti kia'iyo, i'winis ti ijiatk'i, sekyi'i ti ijliasatats'ejyi pet. Siuti Sinia' ikajanitieyi pet, siunie iyoyi ji'niayija', ti po' siuniwa i'winkina napo i'nio', siu'neje niwa kassesi'lietk'i'ni, siu'neje ti i'winkints'e'm siunie ti je jlase' ni jijweye iyo. Siu'neje niwa in'wajietis ti tajle jana Sinia' jikimet ti 'es, siojona Sinia' iwijna'm siupa iyo jla'am ka wejna'm. 'Yina awo'ate, ¿siuti kia'iyo tepa awokt'iyi pit? ¿Tepa jawo ka ijwieyeje siunie siwet'ia, 'yina ti je alesanajaje siujlie'e sijwajieti ti je jlase'?

Hebreos 9:12

Sijwajieti pajk'i ti i'yaka'n kiajwe siojona Sinia' ji'wuk jitiowe ti t'otata siojona yi' poliyi, ijwienjliyiji jiwek pakatajak'i. Je ka nakaye ji'woyis siuniwa sontas, ni'ne ka janakaye wakia pi ji'woyis, ka nekiajle pi Sinia'. 'Yina 'wenajliyi jla'am siunie ji'woyis ti yikiajle, sekyi'i i'yakan'ne sik'ioye siojona sijwajieti ti laj jlaja.

Hebreos 9:15

Ijiatjliyi Sijwajieti Jesús nak iniwojwa'n jiwoye siuniwa jlamtis ti iliyi ti je iliakiyik'i wek siunie jawo ti janwats'ilati siunie pajk'i, 'yina ja ink'ieye siunie jawoyi. Jak je iyoyiji siuti 'yala pi Sijwajieti pakayi'ne ti jitiej je yini'ni 'ate siupa jitis iyo siupapo i'nio', ti siupuwa jlamtis t'ipi inia'an jitis yi'ne. Sekyi'i'ne pet siunapo Sinia' tanats'i yiye jikiojyi siuniwa isis tajle ni jikap'ijliuskiye ni Sinia', ti pajk'i ti ijwijla'm ta'a, ti laj jlaja.

Hebreos 9:28

Sijwajieti kiak iyoyi, ijwienjliyiji wek ti ininekial ti ijioyi ni jiliaye iyo ti 'ya'al ape'e niwa jikeyis napo ti itijlia. 'Yina janekiajle'eje ti ja'nes, 'yina ja ke niwakaye'ne niwaka inkeyis ka na'm ape'e, 'wenajliyijna'a jla'am ti janame siunapo inijijwijyi'n k'iye ti jla'am ti janjwajiete'n.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

Judas 1:21

Ká atajlajyi' siunie jlemijnaye ni Sinia' yi'nase'm, 'yina weyejyi siunie ti janejejwiye k'iye siojona jloma ti Saka'niona Jesús ti Sijwajieti jikap'ijliuskiye ti ja kassejni siojona si'wasankiye ti t'o'n.