Hebreos 4:2 - Sinia' Jlamtis 1994

² Kajeyepa ti kiak awoki ti tiwok saka'niyejats'i ti tijwelats'e niwak Sinia' jlamtis ti isis, iyot'iyipi papok i'nio' ti tijwelaja. 'Yina siupi its'iuyistiejesi je isisiji'n, kajeyepa ti je iniwome siupapo ti ijiate ti jitienkiujnieye po' ti iyoyi.

Hebreos 4:2 ပူးပေါင်းရင်းမြစ်များ

Hechos 13:46

Pablo jla'yi ja Bernabé ji'lij 'yitiet'ik'ipe pet, ti iyo'ate ti isiujlisie: —Ajwel'ni je akamak'iji'n ti ajnaye'ase, ajwela'ase'm niwa Sinia' jlamtis ti Judíojosts'ase'm. 'Yina siuti je jikima'yi ilia'm, jijwelaye ka je asama ka askimita' siojona in'wasankiye ti laj jlaja. Siuti janaj'ni ti jatiajla'ase'm, jajioki siunapo i'nio' je Judíojos.

Hechos 3:26

“'Yina asa'am ti inajnata ti imp'elisina' ti ijliuye ni jlas ti jikawo, ti ijliu'wase ti initiajnat ni siunie iyo niwa askeyis ti wuj ti je isis.”

Romanos 2:25

Ijiatk'i siunie ti its'iuye naka inka'neyasajnaye, 'esi naka ni siunie tiwonaja ti t'isie'n jiwa tejwak'i. Jlampet ti je k'iuye ka wo lajaye, nak 'yiniye pet ka siunie ajwel'ni ka lajak'iyi paka ine'ya.

Romanos 3:3

Ent'a po' 'neje pi iyo'ate, “¿Tepat'e janwo ka kia'iwo ka poyeta papo ka inleyi ni 'es? ¿Sinia' kiakt'e jawo pet ti janleyi papo i'nio'?”

1 Corintios 13:3

'Wanjliyi ka iyo ka iwijna'm siuniwa isijmatis a'we'en napo p'ijliusis, 'wanjliyi 'neje ka iyo ka iyikial 'ni 'yajwes ka jwat ts'otieje'ni, siuti laj yimijnayeja', ijiate ti lajk'ipa ka ts'esi.

Gálatas 3:2

Kiujliek'imna'a siuti ja'yasa aswa'am: ¿yot'iyi'nijpe ti yi'ase janak Sinia' jikimet? ¿Nakat'iyi ti jiwoyeyi niwak iyot'iyipi ni Moisés jika'neyasajnaye, ni'ne ka nakaye jla'am ti jitienkiujnieye ni Sinia' ti je kakiuye niwa jlamtis ti jipe'yaye?

Gálatas 3:8

Ti pajk'i siuniwa Sinia' jlamtis ti paj ijwi'il ta'a siukia jawoyi ti Sinia' janlesajne'n siupapo je Judíojos ti ja ke inkakiuyis. Ijwilat'ijiampe pi Abraham siuniwa jlamtis ti isis ti iyo'ate, “Ka inlajk'i jant'eminajna'a napo i'nio' yi' ape'e 'ni ajnat ti ja wikie'eyeyi ti Sinia' jamp'elisijne'n.”

1 Tesalonicenses 1:5

Siuti anamaye'asejepi niwa Sinia' jlamtis ti isis, je 'nakata, siu'neje ki iyo ni jijweye jana Sinia' jikimet ti 'es, 'yaka ti ijiatk'i jla'am. Mejla'ala ka je 'najanayi siunie ti iyo ti si'wena ti a'yasap, kajeyepa ti ajalasa pet ask'ioye pa ka 'nisisieyi.

1 Tesalonicenses 2:13

Je aleki ti sinikanitiejeye awenaja pi Sinia', kajeyepa ti atankiuniek'i ti awoyepe yamtikie', ti ajwe'lase'm niwa Sinia' jlamtis, ijiate je jit'iumaja ilia'm, 'wenajliyi ti jikima'yi, kajeyepa ti je jikakiunieyi ti Sinia' paka jla'am ti jlamtis, 'yina je tajle paka i'nioye ka jlamtisie'. Ijiatjliyi, paka ti Sinia' jlamtis niwaka, 'yina ti 'yaka siu'niwa tajla'm, ti asa'am ti je jikakiuye.

1 Timoteo 4:8

Siuti anijnejlitie'ni, nak 'esi pet niwa ts'ajwes. 'Yina kia'iyo'ni pet ni sosik, siuti ani'netieje pa Sinia' jla'm ijiatayiji ti kasts'isisi, kajeyepa ti iniuyets'e'm 'nakayi jla'yi ts'ijiye.

Hebreos 11:6

'Yina awo'ate ti siunie i'nio' jikakiujnieye po' nak je 'yakajli pet ka ijnonit pa Sinia'. Kajeyepa ti siuti jawo ka ijnoyi pa Sinia', je 'esiji ka inkakiuni ti ijiate pi Sinia' ti po', siu'neje ti je 'wena paka intajle siunie 'es ti iwijna'm siunapo ti iyojonk'iye ka'we'en.

Hebreos 3:12

I'lijwas, joskiyeyi ma ja ke poyena'a pa ka ileyi pa Sinia' siuti kiak jawoyeyi, askiojwa'l 'wena jawonayi ilia'm, siu'neje ti ja ke ak'iuye naka Sinia' ti je paj ka inetia'n.

Hebreos 4:6

Siupapo i'nio' iniant'iyisipe ti ipi'yayisieta niwak Sinia' jlamtis ti isis, 'yina siuti takakiunisi it'imina'ne ti je i'yakanisi janak ajnat ti inop'it ji'wet. 'Yina po' pet siunapo ijia Sinia' 'yajlinit k'iye ti ijioyi janak ajnat.

Santiago 1:21

It'imina ti awo'nase 'ate: leyeyi wikie'eyi siunie ni ijiate ti jit'iojli po', siu'neje niwa wuj ti je isis. 'Yina nijlasata'yi isia'm, siuti jikima'yi niwa Sinia' jlamtis ti jisiliaki yijinits'i niwa asosikis, 'yina niwak siuniwa jlamtis jijweye po' ka injwajieta.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!