Hebreos 4:16 - Sinia' Jlamtis 1994

¹⁶ Naka'ne, siunie ti je 'esiji ka kaskip'e ni Sinia', 'yina ja ijioki siunie jikap'ijliuskiye 'wet, 'nakayi ti ja kasp'elisijne'n, siu'neje ti jasitiana kanoyits'e'm.

Hebreos 4:16 ပူးပေါင်းရင်းမြစ်များ

Efesios 3:12

Lapakawo jlam ti kasts'isisi siuti atankiuniejayi, jak je iyoyiji ka init'ajanitieje'n ti ajalasaja, paj ti a'yakanajayi ni Sinia'.

Hebreos 7:25

It'imina 'neje ti kia'iyo ti laj jlaja ti 'yijene pi iyone ti ijwiejiete'n siunapo i'nio' ka iyo ka ijnoyi ni Sinia', 'yina je lajk'i ti jla'am ti iyo ji'niayija'. 'Yina ti jla'am ti 'najlati je ikalk'i, siu'neje ti pok'iye napo i'nio' ti 'yejlani'ni pa Sinia'.

Hebreos 13:6

Jak je iyoyiji ti 'yaka ti ijiatk'i siunie ti iyo'ate: “Saka'niona nak iniuyijk'i'm, je sots'ina, kajeyepa ti lajk'ipa ka 'najane paka iwonk'i ka iwo isieye.”

1 Pedro 2:10

Siukiwa jlomas ti pajk'i tiwet'ianaja ka woye 'ate jiwoyeyi 'nakayi, ti Sinia' jika kia'lits'ase'm. Kia'iyojliyi siu'nie jiwoyeyi, ti jlam ti wuj ti imp'elisina', jlam'ne kiak je woyeyi ka imp'elisina' ti pajk'i.

Efesios 2:18

Sijwajieti jla'am ti iyo si'niayeja' it'imina ti a'yakanaja ni Sinia', ka lajak'i'ne wek jana Sinia' jikimet ti 'es ti iniuyits'e'm ti je kas'wenakite'n.

Hebreos 7:19

Kajeyepa ti i'nio' je ilisajne'n ka 'esieyi, naka Moisés jika'neyasajnaye. Sekyi'i its'iuyeja 'wet'e nak sinijijwiyeje ti je jiniliak, siu'neje ti si'niayi poye ti ajoki pa Sinia'.

Hebreos 9:5

'Yina times siupuwa i'nio 'yotate yi' ape'e japak a'la' t'aj ti jijwesis po', puwaka ti 'yakajanit pet siunie ti Sinia' yijap papo jika kia'lis. Jijwesis itij'w ape'e pa a'la' t'aj jip'ot, paka pet pa jle' iyo'ate ‘Sinia' jikap'ijliuskiye 'wet’. Ajwel'ni 'nakayi jaliki kiu' wek 'nijiye ti jota ka ijwila; je ijiatena'a, 'etsaka.

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.