Hebreos 4:12 - Sinia' Jlamtis 1994

¹² Kajeyepa ti siuniwa Sinia' jlamtis ji'wasankiye po', jla'yi ti jijweye po', siu'neje ti ijiate ti 'yakajla'm ti 'yaka'm ape'e siunie sijnat jitiok ti tijwela ka inkajla'm siunie ti jikiwitawa times, 'yina je ijwietanitia'm ni i'nio' ni jlosik, ti yajma'm yame ni siunie jikiowe, 'yina itijwi'ni ti yikiajli'ni ni jitienkiujnieye, siu'neje ni iyo kawoyi ni jisiak'al ni i'nio'.

Hebreos 4:12 ပူးပေါင်းရင်းမြစ်များ

Efesios 6:17

Siojona asjwajieti, janak woye pet aska wontaja, ti ja jip'ota pet jana asetik. Jlampet siuniwa Sinia' jlamtis, nak jawoye pet astesajnat jitiokie', ti siojona Sinia' jikimet ti 'es iwi'nase'm.

1 Pedro 1:23

Tepa jawo ka kiak je iwo ti jlekiajlayeyi'iji siunie jiwoyeyi ti 'nelanjie'e ti jitiajlajia'm jana aset, 'yina je napokaye'ne ka impojonitie napo asnawot yi' ajnat'e, 'yina Sinia' ti impojonitie ti itiajlate pet niwa jlamtis ti ji'wasankiye po', jla'yi ti je paj ka netia'n.

Apocalipsis 1:16

Ijwienjli sikio' itij'we times tom'niji niwa katese'l siuniwa yi' poliyi yijni kiojyi, ti itiujmat 'nijiye siunie jikio' jijweyeje, sekyi'i siunie jitisajnat jitiok ti jikiwitawa timesi ti 'yakajlamk'i itiajlat jikiwitk'i. Jlampet siojo jitiokio' iyot'e pet 'ate siunie kilie' ti ijiat ti 'esi', ti lajk'ipa kanp'one.

1 Tesalonicenses 2:13

Je aleki ti sinikanitiejeye awenaja pi Sinia', kajeyepa ti atankiuniek'i ti awoyepe yamtikie', ti ajwe'lase'm niwa Sinia' jlamtis, ijiate je jit'iumaja ilia'm, 'wenajliyi ti jikima'yi, kajeyepa ti je jikakiunieyi ti Sinia' paka jla'am ti jlamtis, 'yina je tajle paka i'nioye ka jlamtisie'. Ijiatjliyi, paka ti Sinia' jlamtis niwaka, 'yina ti 'yaka siu'niwa tajla'm, ti asa'am ti je jikakiuye.

Romanos 1:16

Siunie Sinia' jika'niye 'yajwejli je yiji, kajeyepa ti naka jijweye jla'am, jak je iyoyiji wikie'eyi siunapo ja ke inkakiuyis napok janjwajyi'n. Janajnatana'a napo Judíojos, sek jane'yi ka napokayena'a pet siunapo ti je Judíojos.

Apocalipsis 19:15

Siojo iniajne'n k'iye japo jika ijiawos, siojo jitisajnat jitiok ti 'yakajla'm itiajlat jikiwitk'i, ti jankiene napo i'nio' yi' ape'e 'ni ajnat ti ja'netamk'i, siu'neje ti jawo anechiyasa' k'iye, je lajk'i ki jijweyeja' ti je jlase'. 'Yina siunie jawoyi ti jan'ye'en napo i'nio' jawo'ate siunie i'nio' 'yak'asajamk'i ti ikajwonits'i niwa ts'ejnietio' ti tiwok t'eye, ti jant'asi'ni. Kajeyepa ti siunie janwone, jan'yayijni siunie at'es siunie Sinia' ti lajk'ipa kajnojliji, jiwak siunie ti ijiate ti a'tiejek'i.

Efesios 5:13

Kajeyepa siojona kates ti 'yakajanit pa yi'i pa, siupi iyoyi nakaye'eje pet ti yiji ni jla'al janak kates.

Lucas 8:11

“Siunie ijio'weyi ni siunie a'yejnap jiwekie'e iyo'ate: Siojona inseliaki a'yejnap niwa Sinia' jlamtis.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Apocalipsis 19:21

Jlampet siukiapo ijia, jaka pet siojo i'nio' jiliajwa ja a'lenta lemits'i ti itij'we ti iliajne'n ti isiene siojo jitisajnat jitiok ti tal jikiwitk'i. 'Yina wikie'eyi siojowa ajwejnas ti itiuj'we'n na insoti yip'isi ki t'isie'n kiapo i'nio mases.

Apocalipsis 2:16

Tempi it'imina ti awo'ate, wats'ilati siunie ajosik iyo, 'lojwinie'e ka iyik, 'yina ja lajak'ipa ka sijwatani'ni ti jajio'wa, siunie itisajnat jitiok siunie tal isiwitk'i nak jasie'nase ti janila'nase.

Hebreos 13:7

'Yina naka ti ja astaj enayi 'ate, siunie iniwone napoka ti 'eyasanayi siunie 'es ka wonayi niwa asosikis, siunapo ti ijwi'lase'm niwaka Sinia' jlamtis. 'Yina mayeyi naka siunie iniwont'iyisijipi, paj ka awayeyinie'e siupa ti jlaj yit'i'yijpe. 'Yina ja ke anetiajnata siunie astankiujnieye ti 'es iyo siupa iniwont'iyisipi ti je 'yakakiuyis pa Sinia'.

Hechos 4:31

'Yina ti itimayisi ti iyo t'ajlayeja', ti'wesiyet'ipi siojopa 'wuk ininenisi kiajwe. Sekyi'i Sinia' jikimet ti 'es tipoyijits'i, jak je iyoyiji'ni ka ijnots'iniji'n ti ijwilayis puwa Sinia' jlamtis.

Hechos 2:37

Siupapo nojweje, ti ipi'yayeyis ti kia'iyo, je jlase' pi iyo ti iyo jijliak'aliye. Ijioyisi'ne ja Pedro, siu'neje japo injlojwajnas, ti i'yase'n ti iyo'ate: —I'lijwas, ¿tepat'e ka iniwonataja?

Apocalipsis 20:4

A'wen'neje siuniwa ji'wetis napo anechiyasas, 'yina siunapo yiyisijyi'n napoka ti Sinia' yikiajle ni jijweye kan'ye'en napo i'nio' siunie iyo. Sekyi'i a'wen'neje niwa jisiak'alis siunapo jlete'l tilienat'i'yijimpe ti titiajlataja naka ti je iliyi ti yame ki iyo niwa Jesús jlamtis, siu'neje niwa Sinia' jika'niye, siu'neje ti je iyunitis jaka pinitiok ka jitiej iwomisie, siu'neje ja jipe'el ti tewitanajak'i, siu'neje ka lajk'ipa ka inejyi siunie ti tiwok jijwukisa' ni jitiokiots'i, siu'neje ni jikio'. A'we'en ti 'wasanaja'neje mil niwa najkapis yiji ti iyoyis pet anechiyasisa', ti ijwienjli yiyisi'i ni Sijwajieti ti kia'iyo.

1 Tesalonicenses 5:23

'Esiji ka Sinia' siunie tajle ni jikamankiye, ka wujwa ka inlesana', ka insisie, kan'yena ni asosik jla'yi ki iyo niwa 'asjwes, jla'yi ki iyo ni astankiujnieye, ja 'nakayeyijna'a ka lajak'ipa paka astes iwo ka i'nesta pi Saka'niona Jesús ti Sijwajieti ti janapimet.

2 Corintios 4:2

'Yina je awoki siuniwa wask'i'nelaja ti taka'ajwejlasajne'n, siuniwa tijwekie ti je isis, ti je niwaka Sinia' jlamtis kanjwe'el. 'Wenajliyi jla'am siunie awoki samtikie', naka ni siunie ti ijiatk'i, je ajwekie. Jak je iyoyiji napo i'nio' jla'yi pa Sinia' jan'we'en ti ijiate ti je awok'iate siunapo i'nio' jiniliaja ti lajk'iyi paka iwoyisi, 'yina sa'm ijiatayi wek sa'am.

Santiago 1:18

Jlam ti tajle ni siunie iyo kawo ti iyo ka si'wasankiye ink'ieye'eje, 'yina ti ijiate ti kasts'isisi, ki iyo niwa jlamtis ti ijiatk'i ti awoki, ti iyo ka sama ka iniana ka kaspo' ape'e 'ni ajnat ka inianak'iye ni siuniwa ijia jilisajna'.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

1 Corintios 1:24

Ti sa'am ti Sinia' isimts'e'm, 'wanjliyi ka Judíojosa' papo, ni'ne ka Griégojosa' papo, 'yina kasts'ajane pa awonaja siunie Sinia' jijliujwanik ti Injwajieti naka ni injweye siu'neje ni 'najankijnieye ti tajle pi Sinia'.

Hechos 5:33

Siupapo ijnosikis jiwos, ti ipi'yayeyis ti kia'iyo, jwesis'ne. Iyoyet'itiejespe ka inlajne'n japo injlojwajnas.

Juan 12:48

I'nio' ni je isi'm ijyilia'm, jla'yi ti je its'iuye niwa yamtis, po' pet ni siunie ti tijna'yi ti jansa'a. Siuniwa inamtis ti amtits'iji'n, niwak jansa'a ts'iji jlaja niwa jlomas.

Hechos 7:38

“Siu'neje ti yiji siupapo nojwisiji, yi'i pa ajnat laj i'nioye'e, ijiok'i'ni ti yijap papo sitiselt'ipi, siu'neje ti injlojwanik poli jlele tane yi'i japa tikijnaki Sinaí. Jla'am 'neje ti isimt'ipi ilia'm siuniwa inamtis ti in'wasankiye, sekyi'i ti ijliasatats'i pet 'nakayi.

Efesios 5:26

Kiak iyone kajeyepa ti iyo ka ilesa'n pa Sinia' napo jilis. Iliji pi i'niat pakayi ti tiniejienaja'n, siu'neje ti iliji niwa Sinia' jlamtis.