Hebreos 3:7 - Sinia' Jlamtis 1994

⁷ Jak je iyoyiji ka je iwoyi 'ate siojona Sinia' jikimet ti 'es ti yi'i niwa inamtis t'ipi: “Ka pe'yayeyi 'nakayi pa Sinia' siupa jawo,

Hebreos 3:7 ပူးပေါင်းရင်းမြစ်များ

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Mateo 22:43

Sekyi'i Jesús iyo'ne 'ate: —Tepa jawo ka kiak je iwo, ¿tepi iyo pa David, ti Sinia' jikimet initataja'm, sekyi'i ti yamtijiena ti iyo'ate, “'Yaka'niona”? Niwak jlamtis ti iyo'ate:

Marcos 12:36

Siupa David, siojopa Sinia' jikimet initataja'm ti yamtijie'n ti iyoye 'ate: “Saka'niona iyone 'ate ni Ika'niona, Wejen 'niji ijwiyeje, 'yina je ijiate ka je yinna'a akiajwe napo atajiejwas ti ja 'ask'i'ni.”

Juan 10:16

'Yina kia'iyo po'neje siuniwa iliajwas ji'wuk 'wenayi, ti je ijiat ka je iniame. Je ijiat ka je ink'iuyisk'i'm siunie jayone, sekjane'yi ka ji'wet ijwienkitana'a, injwanjliyena'a siunie jiwo ti jan'yena.

Juan 10:27

Siuniwa iliajwas siuniwa yamtis iyo itiant'iek'i, jla'yi ti ya'am sitiant'ieje. Namayis ijyik'i pi ajojwi.

Juan 10:3

Siunie jiwo ni 'wuk kiwet 'yajlinitia'm k'iye, sekyi'i ni sontas jiwo tanayits'i puwa jiliajwas siupi jle' ijio'we, ijwienjlik'i'ni. Jlamtis iyo pi jika'niona itiant'iejesk'i. Sekyi'i ti yamayi ti tajlaja'm japa ji'wuk.

Juan 5:25

Ijiate, ijiatk'i siunie jayo ti jajwi'lase'm, ti po' siojona jloma siujlie'e awakieja'm, ja wikie'eyeyi napo i'nio mases t'ipi ti pajk'i ti 'yajle'n jampe'yayi ni jla'lap ni Sinia' Jlas. Siunapo jampe'yayi napok 'wasanajana'a.

Hechos 1:16

—I'lijwas, lapakawo ti yiyi jana jloma tenat'iyipi, Sinia' jikimet ti 'es iyont'iyijipi pa David ti ijwi'il pet, ti yi'i ni ji'wet, ti ijwi'il kia Judas masa. Kiak sa'yitape, ti iniutiejeje ja Jesús kawo jlamtikie' niwa Sinia' jlamtis. 'Yina je pajtaja ti iyoyeyi siunie iyo, ti iniank'iye japo i'nio' ti isimisie'e ja Jesús.

Hechos 28:25

'Yina ti je ijniul wita'm, jlampa iniuyeyis kisie'e. Pablo iyo'ne 'ate: —Ijiatp'anejepe ti jlam je iyo siojopa Sinia' jikimet ti 'es ti iyo'ate, siupuwa jlamtis ti Sinia' jijwejlanik jiwo Isaías ti ijwilt'ijiampe pet papo astese'l, ti iyo'ate:

Hechos 8:29

Sinia' jikimet iyone'ne 'ate: —Maj ka esitk'iye siojona kaleta.

Hebreos 10:15

Siojopa Sinia' jikimet ti 'es kia'iyo 'yakajanitk'i sik'ioye ti ijiate ni iyo, siunie ti iyo'ate:

Hebreos 3:13

Alenjlipa ti je yam'nijiye siunie Sinia' jlamtis ti iyo'ate, ‘Siu'nie jloma’, 'yina jlomas ti ja akelayi napo as'lejwas, ja 'nakayeyi ti ja lajak'i pa ka inkajmajne'n siunie jike', siu'neje ka int'onit ni jlosik.

Hebreos 3:15

Jak je iyoyiji siuniwa inamtis t'ipi ti iyo'ate: “Siu'nie jloma ti jape'yayeyi ni Sinia' iyo, ká anit'onitie'yi k'iye, iyojinipi papok i'nio' ti teje ilia'm pa Sinia'.”

Hebreos 4:7

Paj ti ji'lij iwinats'e ti sa'am, jlampa je piniye niwa najkapis yam'nijiye, iyo niwa David jilisajna' siuniwa ajwe'ejle ti awo'ate: “Siu'nie jloma ti jape'yaye ni Sinia' siunie jawo, 'yina ká at'onitie'yi k'iye.” Siuti iyo'ate “Siu'nie jloma”, janaka siojona jloma ti jla'am ti tipayiji jloma ti ink'ie'.

Hebreos 9:8

'Yina kiaka'ne pet, siojopa Sinia' jikimet ti 'es, ti 'yiniye ka iwoyi ji'niayija' ti 'yakajanitk'i sik'ioye ti siojopa Sinia' ji'wuk siupa jitiowe inia'ne je tilikjli'ijyi ti tikijmanaja'n 'yina jlampet siupa ti ijiatt'iyijpe ti t'otata je 'aljli'ijyi k'iye paka 'noyi.

2 Pedro 1:21

Tepa jawo ka kiak je iwo ti siupa injwejlanik jiwo je jla'am ka jlamtisie' siupuwa ijwile pijia'm ti ijwijla'm papo i'nio', 'wenajliyi ti Sinia' tajle siupi iyo. Sinia' jikimet ti 'es japaka ti iyo ji'lijaye papo injwejlanawos t'ipi.

Apocalipsis 3:20

'Ye'en, a 'ne 'wuk kiwet'e ti ak'iutieje'ni ka poye pa ka i'ye'n ijyilia'm. I'nio' ni jampe'yak'i, 'yina ja 'najlinitiena'a its'ioye, sekjane'yi ka 'yuyeyinie'e, 'yina ka sijwanayijna'a ti ja'yekiunieje'n.