Hebreos 3:1 - Sinia' Jlamtis 1994

¹ I'lijwas, asa'am ti Sinia' pajk'i ti ta'nase jla'yi ti i'notata', astaj enayi 'ate pa Jesús, ti jla'am ti Sinia' jijliujwanik siu'neje ti jla'am ti pa'yijis jika anechiyas wuj, ni siunie sitiej awomaja.

Hebreos 3:1 ပူးပေါင်းရင်းမြစ်များ

Juan 17:3

Ijiatjliyi, siojona in'wasankiye ti laj jlaja, naka siunie kantiant'ie'a, ti a'm ti injwanjli ti ijiateje ti Sinia'a'm, siu'neje kantant'iejesi ni siunie jijliu' naka Injwajieti Jesús.

Juan 20:21

Jesús yikiajlayi'iji ti iyo'ate: —Kamaja'. Iyo'ate siunie ti Inia' sijliu', 'yina kiak ja iyo'nase pet ti jajliuye.

Juan 20:27

Sekyi'i iyone'ne 'ate ja Tomás: —'Yejne'n niwa isioye, ajwuki 'otk'i. Jonie ni akio', kiejts'e siu'nie yi'i ni t'eta'a. ¡Lek'i siunie jiwo ti kakiujnieta'a'm, wo atankiujnieyeja'!

Hechos 1:15

'Yina po' japa jloma siupapo Sinia' jilis initotisk'i wita'm ciento veinte papo i'nio' t'ipi. Sekyi'i ja Pedro ti takasitiet'ipi, iyoyet'ipi 'ate:

Romanos 11:17

Siunapo Judíojos napok iyo'ate siojona a'la' jle' iyo'ate olivok, siuniwa jik'ase'l jlameje, 'yina pajk'i ti tijwajakits'i kiwak jik'ase'l t'ipi. Siupet ti asa'am jiwoye pet 'ate siuniwa jik'ase'l janak olivok ti yi' kisie'e. I'notieyi siunie ji'wet siuniwa jik'ase'l ti tijwajakits'i, sekyi'i ink'iuyeta'yi ni ji'wet. Sekyi'i asjweye ijwienjlik'i ti jitiajlayi janak a'la', siu'neje ni jiwoyeyi ti as'wasankiye po'.

Romanos 15:27

Ijiate ti yiminis ti kiak iniwonisi, 'esiji ti kiak iyo. 'Yina kia'iyo ti po' papo Judíojos t'ipi ti itis siupapo je Judíojos siupa ka 'esieyi pet puwa jlosikis. Jak je iyoyiji ti kiak awo ti ajwe'el napoka ti je Judíojos pet, ti 'esiji ka kia'iwo ka noyeje pet napok Judíojos ti Sinia' jilis, ka iwejna'm siupi k'iejliyi ti i'wi'in.

Romanos 15:8

'Yina naka ni siunie ajwe'lase'm, ti Sijwajieti 'nesat'ipi, jla'am iniwojwa'n Judíojos jikawoye, lapakawo ti iyo ka 'nakajanitk'i ti ijiatk'i siupa Sinia' iyont'iyijipi papo jitise'l t'ipi. 'Yina i'winkina ti jla'am je paj ka inkiwaliyi'i siupa ijwijla'm.

Romanos 9:24

Je samkata ti sa'am ti atajlaja'm pet napo Judíojos ti tants'e, siupet ti asa'am ti jitiajlayi siunapo je Judíojos kiak jiwoyeyi i'yajts'ase pit.

1 Corintios 10:17

'Yina 'wanjliyi kas'lojwata, lapakawo ti ijwienjli siunie t'isie'n, kajeyepa ti anikijwana ti atowajata ni woye ijwienjli.

1 Corintios 9:23

'Yina lajk'ipa ka int'emina siunie aniwone, kajeyepa ti niwaka jla'am niwa Sinia' jlamtis ti isis ti awojonk'iye pet ka ts'esi, siuniwa isis Sinia' tajle ni jikap'ijliuskiye iyo.

2 Corintios 1:7

Tempi it'imina ti je sikiwit'ase'm, 'yina ti 'yaka ti je ink'asayi pijia'm naka, siunie ti jinilayitieyi kiak iyo yits'e, kiak janwo'ojyi pet Sinia' janwents'e'm siunie ja jijweyeja' siunie asosik, iyonts'e ti iwints'e'm naka.

2 Corintios 9:13

Jak je iyoyiji siuti jan'wenis siunie jiwonayi ti ijiate ti jip'elisina' ti jijliuyeyi siojona jlotie'ni wita'm k'iye, siu'neje napo ijia Sinia' jilis 'neje janwunitis pa Sinia' jla'yi ti jan'wenis ti ijiate ti jiwoyeyi siunie inka'niye ti ijwi'il pi Sijwajieti.

Efesios 3:6

'Naka siu'nie ti Sinia' ip'io'n ape'e ti ka lajak'i niwa Sinia' jlamtis ti ijwi'il ni injwajieti. It'imina 'nakayi napo ti je Judíojos kia'iyo jikimetayis pet siuniwa isis wask'i'nelaja tajle pi Sinia' ti jla'm ilisan'ni k'iye napo jilis, iyo'ate iyo napo Judíojos. Je pi iyoye 'ate ti pajk'i, ti ijiate ti 'wenayiji ijiaja napo Judíojos. Jak je iyoyi siunie Sinia' pajk'i ti ijwil'ni, kia'iyoyeyi pit tijnaye'e pet, 'yina ti pakayi pet ti Sijwajieti Jesús iyoyeyi siupi iyo.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Efesios 4:4

Kajeyepa napo Sinia' jilis ti iyoyi niwa jlamtis, ts'ajwes ijwienjlik'i, ijwienjli 'neje siojona Sinia' jikimet, siunie sinijijwiye kia'iyo ijwienjli ni it'imina ti Sinia' tants'e.

Filipenses 3:14

Ajalasjli'yi ape'e ka yiyi ni yi'i ni jlaj, kajeyepa ti awojonk'iye ka i'yaka'n siunie i'wiejiet siunie Sinia' janwejna'm napo i'nio' ts'iji poliyi, ti tanets'eje siuti sa'am je akakiuk pa Sijwajieti Jesús.

Colosenses 1:12

Sekjane'yi ja inkasajyi'n, asnikanitieyi jawenayi pi Sinia', siuti jla'am ti inlesanats'i, ti itiejiete'n k'iye ka neye askiojyi siojona ti 'yotat k'iye siunapo jilis ti yiji nak kates jla'al.

Colosenses 1:22

'Nakayi ka lajak'i ki jiliaye iyo pi Sijwajieti ti 'ya'al nak i'nesieyi, 'yina Sinia' inekiajla' jikiajwe. Sekyi'i ti inlesana', 'yina laj ast'ojliye, siu'neje ti laj astesa' jitieyi'i.

Colosenses 3:12

Sinia' 'nama'ase, je nakata siu'neje ti int'ayejits'i, 'nakayi ti ja asama siunapo jika kia'lis pet. Jak je iyoyiji ti jawoye as'wuye siunie askap'ijliuskiye ti ijiate ti tajla'm ni asosik ti 'es, ti ja ena'yi napo as'lejwas. Siupa isitia'n, ti japoye wenajia'm. Ká anitonitie, ke injwesisa', kamaja'.

1 Tesalonicenses 5:27

'Esiji ka amtijiena k'iye papo si'lijwas siu'nie ip'isinik, 'yina ti Saka'niona ji'lij pet ti yikialk'i siu'nie awoyi.

2 Tesalonicenses 1:11

'Yina nak it'imina ti je paj ka iliki ti awoki'ni ts'ajlaye astepe'e ti ajwelaja pa Sinia', ka Sinia' i'notata' kajeyepa jlam jla'm ti ta'nase. 'Esiji ka jijweye inejni wikie'eyi siunie 'es ti jawoyeyi, siu'neje ni askijmaye ti 'es ti jitiajlayiji ni astankiujnieye ti 'es.

2 Tesalonicenses 2:14

Nak it'imina ti Sinia' ta'nase, jakayi ti ajwe'lase'm kiwak Sinia' jlamtis ti ajwela ki iyo ni injwajieti. 'Yina ka kiak awoyeyi pet ka awayejyi ni iyo pi Saka'niona Jesús ti Sijwajieti jit'iuni ti anechiyas.

1 Timoteo 6:2

Jlampet siunapo ti ijyiwite ni jika anechiyas ti iyoyi ki Inamtik, je 'es ka jikiowe iwone 'ate, “Ejlowek je ijiat ka its'iuye, jla'yi ka iyo lajaye, kajeyepa ti iyo'ate awo ti iyoyi ki Inamtik.” 'Yina kat'aja ti 'esk'i ka ijiatayi ka inoyeje, 'yina ti jikiechayik'i ti iyoyi ki Inamtik, kajeyepa napoka siunapo jika anechiyasas, Sinia' jilis ti wuj ti ti'niejmak'i. Woyi amtikie' siu'nie, jla'yi ka 'eyasane napo i'nio'.

2 Timoteo 1:9

Sinia' kasjwajiet, jlam ti isimts'e'm, jlam ti kaslej, 'nakayi ja kasts'isis. Je ka isijmayeja ka 'esie kant'emina siuti ti kia'iyo, 'wenajliyi ni iyo ti jla'am ti tajle, ni iyo ka wonts'e ti kasp'elisi'n. Ka lajat'ik'ipe pa Sijwajieti Jesús, ti Sinia' kassemi'n, tajlap'e ti lajlik'ijipa 'ni ajnat.

2 Timoteo 2:7

Ataj na'yina'a siu'nie awoyi, Saka'niona jlam ti janoye'a'm 'nakayijna'a ti jantant'iek'i wikie'eyi 'niwaka.

Hebreos 10:19

Ijiatjliyi, i'lijwas, 'nakayi akajlaja ti ajok jik'ioyi janak Sinia' ji'wuk jitiowe siojona ti ijiate ti t'otata, je 'es ka kaskip'e ni Sinia'. Lapakawo ti paka jla'am siupa Jesús ti iniwe'n ti ijioyi japa 'najlati, 'yina ti isia'ni pi ji'woyis, sekyi'i ti iyo si'niayija', siunie ti ijioyi janaka si'wasankiye, siunie 'nayi ti tejeye siunie Sinia' ji'wet ti to'm ilia'm ti jla'am, ji'wechaja ni siunie tip'onajaja'm.

Hebreos 10:21

Jesús naka 'neje siunie saka pa'yijis jika anechiyas wuj, 'yina iyo anechiyasa'a siunie Sinia' ji'wet yi' poliyi.

Hebreos 10:23

'Esiji ka je kask'asayik'i pijia'm ni siunie sinijijwiye ti je jwajla'a siunie sinijijwiye ti ajwelaja'ni pijia'm ti yits'e. Ka je iwo pa ti siunie iyo ni Sinia' ti ijwilts'e'm, ja ke ji'lijayik'i wek, 'yina ti ja ijiatayi.

Hebreos 13:22

I'lijwas, anip'elisi'niase, 'esiji ka nilayitieyi ka kima'yi ilia'm siu'niwa yamtis ti je itioyi'i ti ajlo'wase, ti awotaja ka noye'ase'm ka woye asjweyeja'.

Hebreos 2:11

Siunapo Sinia' 'yotat, siu'neje pet ti jla'am pa Jesús ti 'yotat, ijwienjli siunie jiniayis. 'Yina naka it'imina ti Jesús ji'lij je jnechi'yi ti iyo'ate, “I'niayi ijwienjliyi napoka.”

Hebreos 2:17

Siuti k'iejliyi pa jijliak'ali napo ji'niayi ijwienjli, sekyi'i kiak iniwonayi pit iyo jlamis. Sekyi'i ti 'esieyiji ti kiak iniwone 'ate iyo ni pa'yijis jika anechiyas wuj, siunie ti je tiwonaja jla'am, siu'neje ti takap'ijliuski ti iniuyeje napo i'nio' siunie Sinia' itiliaja ka woyi. Jla'yi ti initiajnat niwa jloski'la ti iyoyi jikieye ki jiliaye iyo ti 'ya'al.

Hebreos 3:12

I'lijwas, joskiyeyi ma ja ke poyena'a pa ka ileyi pa Sinia' siuti kiak jawoyeyi, askiojwa'l 'wena jawonayi ilia'm, siu'neje ti ja ke ak'iuye naka Sinia' ti je paj ka inetia'n.

Hebreos 3:14

'Esiji ka ani'netie pijia'm siunie iyo ni astankiujnieye ti 'es, jatiajlataja ki iyo ti 'nelanjie'e paj ka iwiekieyina'a 'niji jlaja, japakayeyi ti jawiekiap pa Sijwajieti.

Hebreos 7:26

'Yina pa'yi jika anechiyas wuj siunie kia'iyo, naka ti awoktajan pet k'iye. Jla'am ti 'es ti laj jikeye, 'yina lajk'ipa ka k'iejliyeyi ka je 'esie ka iwoyi. Sinia' je jnanjliyi siunie ijioyi'i ti itionitiape'n napo i'nio' ti inkeyis jiliajnis, ti 'yaka'm ape'e ni poli.

Hebreos 7:28

Siunie Moisés jika'neyasajnaye, siunapo pa'yijis jika anechiyasas wus ti tajla'm pet naka, napoka siunapo ti kia'iyo ti je t'o'n pet. Ti tojmi 'wechaja nak inka'neyasajnaye, sekyi'i ti Sinia' po' pi ji'lij ti iliyi ti ijiatk'i, pakayi ti isi'me pet pa jlas ti iyojwa'n pa'yi jika anechiyas wujwa', paka pi Jesús. Pakayeyi ti Jesús yina wita'm siupa iyo ti iyoyi ni jikijmaye, 'yina jajnok'i'ni ni jawo ni t'oniye ti ja 'esie.

Hebreos 9:11

Sijwajieti pajk'i ti 'nests'e, 'yina jla'am ti pa'yijis jika anechiyas wuj, namets'e siuniwa ti ijiate ti kasts'esi ti yisajap. Siunie ti iyo pa'yija', siojona Sinia' ji'wuk ni yi'i ti isijme'n i'nio' je lisanki, 'yina wuj ti 'es 'yaka'm ape'e siojona Sinia' ji'wuk yi'ne ajnat'e.

Hebreos 9:15

Ijiatjliyi Sijwajieti Jesús nak iniwojwa'n jiwoye siuniwa jlamtis ti iliyi ti je iliakiyik'i wek siunie jawo ti janwats'ilati siunie pajk'i, 'yina ja ink'ieye siunie jawoyi. Jak je iyoyiji siuti 'yala pi Sijwajieti pakayi'ne ti jitiej je yini'ni 'ate siupa jitis iyo siupapo i'nio', ti siupuwa jlamtis t'ipi inia'an jitis yi'ne. Sekyi'i'ne pet siunapo Sinia' tanats'i yiye jikiojyi siuniwa isis tajle ni jikap'ijliuskiye ni Sinia', ti pajk'i ti ijwijla'm ta'a, ti laj jlaja.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.

1 Pedro 3:5

Kiak iniwonisi siupapo asejnia inia'an, siupapo isis, jlomas pet ti jinijijwiye poyi pi Sinia', ti its'iuye papo jijwa'yis.

1 Pedro 5:1

'Nakayi jayo jlosikie' siunapo ti i'yena napo ijia Sinia' jilis ti yi' aska kiowe'e. Siuti kia'awo iyo'ate ti jlamis, kia'iyo itiej 'wanjle'e pet, jla'yi ti a'wenaja ja Saka'niona ti Sijwajieti ki iyo ti wuj ti inilayiti. Kiak jayo iyo'ate ti jan'wenis ni jijweye pi Sijwajieti, kia'iyo ja'wi'in pi k'iejliyi ti 'es, ka 'nakajta ka netiejenie'e ni jlaj niwa jlomas.

1 Pedro 5:10

'Yina ja ke ijiatayi ka je inek 'nijiye, je itioyi'i siu'nie yi'ase ti jinilayitieyi, Sinia' janwe'nase'm siunie as'nayi ti 'es, janwe'nase'm ni asjweye ti ink'ie', jla'yi ti ja ke tikiwita'asemna'a. 'Yina ti jla'am wuj ti 'nama'ase jla'am ti ta'nase ka ayejyi pit ni iyo ni jijweye, ti laj jlaja ti jleyejiap pi Sijwajieti Jesús.

1 Jn 1:3

Ekiajlayi'iji ti awo'ate awoki samtikie'ase naka siunie a'wenape jla'yi ti ape'yak, 'nakayijna'a ti ja kasjwanjliyik'i siunie awoki, jawoyena'a 'ate awoki pet ni Sinia' jla'yi pi jlas Sijwajieti Jesús ti kasjwanjliyik'i.

Judas 1:1

Asampey i'lijwas, ya'am Judask'i'm Sijwajieti Jesús jikawok'i'm 'neje, siu'neje ti ya'am ti Santiago ji'yinik'i'm. Asa'am ti ajlo'wase 'ni ip'isinik, ti asa'am ti jlemijna'ase'm pi Sinia', siu'neje ti jla'am ti ta'nase. 'Yina asa'am 'neje ti Sijwajieti Jesús ijiat ti i'ye'nase'm.

Apocalipsis 17:14

'Yina papoka'ne ti janilanisi ni 'wolepo 'woma. Siunie 'wolepo' ji'woma, siu'neje napo je iliyi ni Sinia' jla'yi ti pajk'i ta'a ti isi'mik'i, siu'neje ti tanits'i, kantojmatayisijna'a isia'm papoka. Lapakawo ti siunie 'wolepo 'woma naka ti yi' ape'e papoka inka'nionas, siu'neje papo anechiyasas, kia'iyo jika anechiyasis pet.”

Apocalipsis 18:20

¡Siuti a'm poli, peni'yi ti netia'n jakiak isi'! ¡Siupet ti asa'am ti Sinia' jika kia'lits'ase'm, kiak jawoyeyi inkasajyi'n pet, siunapo injlojwajnas, siunapo Sinia' jijwejlanawos, kajeyepa ti siuti Sinia' kiak iyone isie'e, 'yina yijni pet ask'ioye siukia iyo'nasepi!