Hebreos 2:9 - Sinia' Jlamtis 1994

⁹ Jlam pet pi Jesús a'wena ni siunie Sinia' iyone ti jwajla'a ti ijliasat isia'm, jak je iyoyiji siunapo injlojwajnas poli jlele t'ana wat ape'e. 'Yina ts'ijiye initojmat jla'm ape'e napo i'nio' ti ijioyi ni jiliaye. Ka lajk'i na jikap'ijliuskiye ti yints'e'm, nak it'imina ti 'ya'al pa Jesús. Jak je iyoyiji siuti kiak iyoyi ki inilayiti, sekyi'i Sinia' yin'ne ape'e siunie jiwunitieyi siu'neje ti iyojwa'n anechiyasa'.

Hebreos 2:9 ပူးပေါင်းရင်းမြစ်များ

Mateo 16:28

Ijiatk'i siu'nie jayo ti jajwi'lase'm, ti asa'am ti nak jleye'yi 'nakayi, japoye siunapo 'wasajne'n, ka je 'naltajana'a jan'we'en na I'nio' Jlas ti jana'am kanwo anechiyasa'.

Mateo 6:28

“¿Yot'iyi'ni ti injwesieyeyijin'ni k'iye paka as'wuye? Ji'wena' niwa a'la' jlokie, je isimatak'iji'n, jla'yi ti je tijlijne'n. 'Yina yamjli wek ti ijliask'i'ni pijia'm.

Marcos 9:1

Jesús iyoyejempe'eje 'ate: —Ijiatk'i siunie jayo ti jajwi'lase'm, ti siuti asa'am ti jleye'ne ti ajwel 'nakayi japoye napo ja'wasanaja'n ka netieje janak siojona jloma ti jane met ni Sinia' jika anechijiayas siu'neje ni jijweye ti je jlase'.

Lucas 9:27

Jlam je awo siunie jayo'nase ti asa'am pa ja inojwajia'm ti jleye'ne, ja ke i'nalajyi'n 'yina paj ka ineyeyinie'e siojona jloma ti jitiete jan'we'en ni jika anechijiayas ni Sinia'.

Juan 1:29

Siukia ti jlomaye'eje, jakayi'ne ja Juan ti i'wi'n ilia'm ja Jesús ti ijioyi. Iyo'ne 'ate ja Juan: —¡'Yena'yi ilia'm siunie naka Sinia' jiliajwa 'wolepo 'woma, ti initiajnat ni jloski'la napo i'nio', ti Sinia' ijliu' ajnat'e!

Juan 10:17

“Siunie Inia' 'namak'i kajeyepa ti je e'n jana i'wiesankiye, pi jlomas janojwa'm janapik'i.

Juan 12:32

Siuti jasena pijia'm, sekjane'yi ti jayama ya'am ti jatiojne'n wikie'eyi napo i'nio'.

Juan 3:16

Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja.

Juan 8:51

'Yina awo'ate, jla'am je awo siunie ti awo'ate, i'nio' ni janwo niwa yamtis ja ke inetia'n.

Juan 8:52

Iyo'ate japo Judíojos ti isiujlie: —¡Ijiate ti awok'ija 'ate ti ajwela ti imosik yi' awa'm! Jlam'ne siupapo injwejlanawos t'ipi pajk'i ti 'yajle'n, Abraham kia'iyojliyi, ti jiwo'ate ti jlamti, “I'nio' ni janwo niwa yamtis ja ke inetia'n.”

Hechos 2:33

Jak je iyoyiji'ni paj ti Sinia' yamayi pijia'm, ti yi'neje'n ni ji'wet, ti itiujmat jijweyeje, 'yina yikiajle jana jikimet ti 'es. Sekyi'i ti isiaye sitipe'e, yame ki iyo niwa jlamtis, 'naka'ne siunie ji'wena' jla'yi ti jipe'yaye.

Hechos 3:13

'Yejne'n, Sinia' siukiapo sitise'l Abraham jla'yi pa Isaac siu'neje pa Jacob Jiniayis t'ipi iyunit ni jikawo Jesús, nak ijwiejiet siu'nie i'nio'. Jlekiajlayipi napo i'nio' anechiyasas, Pilato ti anechiyas, jlampe ti iyotaja ka jikio' inla'ne, 'yina je woyeyi asa'm ti askio' alana'yi.

Romanos 5:18

Iyoye pet 'ate iyo siupa jike' pa Adán ti ijwienjli, ti pak it'imina pet ti wikie'eyi napo i'nio' ti Sinia' iyo jitisa', 'yina kia'iyoyiyi pet siunie iyoyi nak ijwienjli i'nio' naka Sijwajieti Jesús ti je niliak, ti nak it'imina ti Sinia' isiwaliyi'i pi jitis iyo wikie'eyi napo i'nio', ti iyo ka ji'wasankiye poye.

Romanos 5:8

Sinia' 'yakajanit pet ni jlemijnaye ti yints'e'm, jak je iyoyiji ti sa'am ti je atajlaje ni sake', Sijwajieti jla'am ti ininekial sitipe'e ti tiliana.

Romanos 8:3

Sinia' jla'am ti 'yijene pi iyone siunie Moisés jika'neyasajnaye t'ipi je 'yijene paka iwone, kajeyepa ti tajle ti sa'am ti i'niolts'e'm nak it'imina. Pakayi ti ijliu' pa jlas ti t'oniye kiak iyone iyo ni i'nio' ti inke' jilianik, jla'am ti ininekiaj'l ape'e ni i'nio' ti tejeyi jana 'najlati. Jak je iyoyiji siuti iyoyi kiaka, sekyi'i itietayi isia'm siunie jijweye pet naka inke'.

Romanos 8:32

Jlam'ne Sinia' je yints'e'm ki jlas, sekyi'i yikiajle ni jiliaye iyo ti tiliana 'nakayi ti ja kasts'isisi. 'Yina siuti kia'iyo, ¿tepa jawo ka je iwents'e'm wikie'eyi niwa wask'i'nelaja?

2 Corintios 5:15

'Yina Sijwajieti iniwe'n ape'e napo i'nio', jak je iyoyiji siunapo 'wasajne'n je pa iyoyeyi siunie ti jlamis ti itiliaja ka woyisi. Najata jla'am ti iyoyi siunie iyo ka woyi siunie i'nio' iniwe'n ape'e, siu'neje ni iniu kisie'e ti tajli ni a'no', ti naka ti isisi.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Gálatas 4:4

Jlampet ti yiyeyi siukia Sinia' yitijni, sekyi'i ijliu'ne pi jlas, yiji'n ti tajla'm japa i'nioki yits'iji, jla'yi ti iyoyi siupi iyo ka tiwoki pi Moisés jika'neyasajnaye.

1 Timoteo 2:6

Siupi iyot'iyipi papo Sinia' jikawos ti ijwilis, 'wena je ijiojwap'e siupi iyo ti yiyeyi, ti iniwe'n ape'e wikie'eyi napo i'nio' kanjwajiete'n.

Hebreos 1:9

Jlemi'n ni siunie ijiatk'i, 'yina jlam pet siunie je 'es ine'waja'm pet. It'imina ti aki'ma'm siuti ya'am ti Anak'i'm, siunie anikanitiejeye ti asa'yi atepe'e 'yaka'm ape'e ni iyo napo 'ajajnajwas.”

Hebreos 10:5

'Yina kiakak'i'ne siukia ti Sijwajieti na'me 'ni ajnat, sekyi'i iyone 'ate ni Jinia': “Siunie ti je wojonk'iye siuniwa wask'i'nelaja tilianajan'ni, siu'neje niwa tiwoki'ni in'wajietisa', 'yina naka p'an ti jiwoye 'isiena'.

Hebreos 11:5

Siupa Enoc ti kia'iyo ti je 'yakakiu pa Sinia', jak je iyoyiji ka Sinia' je inayi wita'm ti i'nio' ti yame, ti je iyo ka'na'al. 'Yina je ti'wena, kajeyepa ti jla'am pa Sinia' ti yame pijia'm. Siuniwa inamtis ijwi'il siuti Sinia' je yamjliyi'iji, wuj ti itime.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hebreos 2:7

'Yina siukia jiwone, je itioyi'i ti jijliasat isia'm jak je iyoyiji siunapo injlojwajnas poli jlele 'yakama'aja wat ape'e. Jlam'ne pet siukia jiwone ti jle'n ape'e siunie jiwunitieyi ti jiwojwa'n anechiyasa'.

Hebreos 7:25

It'imina 'neje ti kia'iyo ti laj jlaja ti 'yijene pi iyone ti ijwiejiete'n siunapo i'nio' ka iyo ka ijnoyi ni Sinia', 'yina je lajk'i ti jla'am ti iyo ji'niayija'. 'Yina ti jla'am ti 'najlati je ikalk'i, siu'neje ti pok'iye napo i'nio' ti 'yejlani'ni pa Sinia'.

Hebreos 8:3

Siunie tiwonaja pa'yijis jika anechiyas wujwa', jiwo pet siuniwa tiwoki 'wajietayi pa Sinia' ti tajle napo i'nio', siu'neje niwa wask'i'nelaja siuniwa tilianaja'n ape'e niwa inkeyis jiwo 'neje. It'imina pet ni Jesús ti je 'esiji ka lajak'iyi pet paka inekiajle pi Sinia'.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.

1 Jn 2:2

Jla'am ti iniwe'n sitipe'e, ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni. Je samkata, wikie'eyi 'neje napo yi' ape'e 'ni ajnat.

Apocalipsis 19:12

Siojowa jitiete iyot'e 'ate ni jla'al ni jwat ti yat'e, 'loj siojowa tena jletik'i siujlie'e 'yakajanit ti t'an pijia'm pa'a. Poyeta ja jle' ti yi' ape'e, 'yina lapakawo ti lajk'ipa ka 'najane siupi iyoyi, ijwienjli jla'am ti 'yijene pi iyone.

Apocalipsis 5:9

'Yina yilisisk'i siu'nie inka'le ink'ie' ti iyo'ate: “Jla'am je jiwo ti jiki'me ni siunie imp'esinik ti takapajlatak'i, 'yina ti 'yu'wa'm a'm, siu'neje na ti jilie'nik'i siuniwa t'etiejek'i ape'e ti inamtis yi'i ti it'imina ti je 'esiji paka inlajna'm paka i'nio' jiniliakie. Lapakawo ti pajk'i ni siunie tiwona'aja ti inlana, siu'neje ni a'woyis ti tisa'ni, ti jikat'ini ape'e ti jleki napo i'nio' ti tajlits'i wikie'eyi niwa ajnatis, siuniwa wus siu'neje niwa je wus, i'nio' ti inijle'en niwa jloniye iyo, siu'neje niwa ji'lija iyo, 'nakayi ti jawo pet Sinia' jilisa'.