Hebreos 2:3 - Sinia' Jlamtis 1994

^3-4 'yina, ¿tepit'e awokt'iyi pit sa'am ti po' siojona sijwajieti ti je jlase', ti Saka'niona iniane ti ijwile pijia'm? 'Yina siunapo ipi'yayis ti kia'iyo, i'winis ti ijiatk'i, sekyi'i ti ijliasatats'ejyi pet. Siuti Sinia' ikajanitieyi pet, siunie iyoyi ji'niayija', ti po' siuniwa i'winkina napo i'nio', siu'neje niwa kassesi'lietk'i'ni, siu'neje ti i'winkints'e'm siunie ti je jlase' ni jijweye iyo. Siu'neje niwa in'wajietis ti tajle jana Sinia' jikimet ti 'es, siojona Sinia' iwijna'm siupa iyo jla'am ka wejna'm. 'Yina awo'ate, ¿siuti kia'iyo tepa awokt'iyi pit? ¿Tepa jawo ka ijwieyeje siunie siwet'ia, 'yina ti je alesanajaje siujlie'e sijwajieti ti je jlase'?

Hebreos 2:3 ပူးပေါင်းရင်းမြစ်များ

Mateo 23:33

“¡Injlajasts'ase'm, kajeyepa ti jitiajlayi niwak injlajas! ¿Jijwelat'e ka ajwayejinie'e siojona jloma ti jiliaye janejyi ni i'nio', ka Sinia' i'yenta ti jansa'a, ti jankiene ni jwat ti je paj ka 'no'me?

Mateo 4:17

Pak siupa jloma iyoyeyi kawo jika'niyeja', ti iyo'ate: —¡Woye ajosikis ink'iejyisa', je pa tojwa' ilia'm ni jika anechijiayas ni Inia'!

Marcos 1:14

Jlampa t'otiejajampe a'laja'm pak Juan, Jesús ijio 'niji yi'i jlaja Galilea ti iyo jika'niyeja' kiwa Sinia' jlamtis.

Lucas 1:2

iyopi siojopo ti i'winis ti 'nelanjie'e, ti jlamis ti iyo wosa' kiwa inamtis.

Lucas 1:69

Ijliuts'e ni Sijwajieti ti wuj ti t'on'ni, jikawo jla'am siupa David t'ipi jika kia'le ti tomi pijia'm.

Lucas 24:19

Jesús iyo'ne 'ate ti i'yase'n papoka: —¿Tepit'i iyoyiyi paka? Sekyi'i iyoyis'ne 'ate: —Siukia tiwonaja'ne kia Jesús Nazaret jlele, injwejlanik jiwo ti jijweye po', Sinia' wuj ti ijiuniti siukiwa ilisane, siu'neje kiwa iyo jlamtikie', pajlat napo i'nio' ti ijiat ti yiminis.

Juan 15:27

'Yina asam'neje ti ja sijwela', lapakawo ti jleye ta'a ijiap ti 'nelanjie'e.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hechos 4:12

'yina naka ti kasts'isisi, kajeyepa ti lajk'ipa ape'e 'ni ajnat ka jikiechaye ka ineye paka Sinia' injlots'e ka pakaye ka kasjwajiete'n.

Romanos 11:14

Lapakawo ti awotajank'iye ka siunapo i'lijwas Judíojos pet ka injlak'al aselia'm, nakayi ti japoye siunapo ti janjwa'.

Romanos 2:3

Siupet ti a'am, 'ni isiecha ti jijwel ka 'ye'en ni jitis iyo ni akiecha, jlam'ne pet ni jiwoyi ti jiniuyeje napoka ni siunie iniwonisi. ¿Jijwelat'e ka injlana ni Sinia' ka kiak iwotajanie'e pet kan'yenta ni jitis iyo ni i'nio?

1 Corintios 1:21

Kajeyepa siunie Sinia' ti 'yije'en, iyonayi ni iyone ti ijiate ti je yimink'i napo 'yijejne'n siunie iyo ni 'yijenisi pet, ka siunapo i'nio' yi' ape'e 'ni ajnat ka je 'najanisi, 'wanjliyi kan'wenis. 'Yina napokataja jla'am siunapo je takakiunisi niwa jlamtis ti iyo jlosik ink'ieye, ti je ijiulsijna'm ka 'esieyi niwaka jlamtis, 'nakayi ti janjwajyi'n, 'wanjliyi ka kia'iwo napo i'nio' ka je iwo lajaye naka inamtik.

1 Tesalonicenses 5:3

Japakayeyi ti jawo'ate napo, “'Esiji lapakawo ti akajmak”, sek jane'yi ka jla'm iwoyena'a pet 'ate siunie jawo ni jiwet'ia ti jano'we ti janetiajne'n ti janesi'liet napo i'nio', jawoyena'a 'ate jana i'nioki siojona jloma ti ijialas kisie'e ni kia'le iyo ni ji'wok ti yiyetaja. Ja lajak'iyi paka iwoyi ka injwe'el ka injwayisi.

1 Timoteo 1:15

'Yina jla'am je iyo naka ti iyo'ate, 'esiji ka 'wena je ink'iuyisiap'e wikie'eyi napo i'nio', ti Sijwajieti Jesús na'm ajnat'e je 'wena papo ka iname, napoka inkeyis jiliajnis ka injwajiete'n. Siuti ya'am naka ti ijiateje ti je 'esijiyi, ti si'wanjlipe wita'm ti awoyi ni wuj ti je 'es.

Tito 2:11

Sinia' pajk'i ti 'yakajanitk'i siunie ti wuj ti ip'ilisi'n wikie'eyi napo i'nio', kajeyepa ti iyojonk'iye ka injwa'a.

Hebreos 1:1

Ti pajk'i, Sinia' je ijwienjliyiji ka ji'lij je inwenatajam'ni papo sitise'l t'ipi, ti ijliuyi'ni papo jijwejlanawos. Po' japa jloma ti 'wena iyone ti ji'lij iwijna'm.

Hebreos 1:14

'Yina, ¿tent'i napoka injlojwajnas poli jlele, tepit'i iyo siupa jikijmaye? Awo'ate napoka siunapo Sinia' jikawos ti ijliuyi napo i'nio' ti ja jikimita siojona injwajieti ka noyeje.

Hebreos 1:2

'Nakayi siu'niwa jlomas yi' jlaja, jlas pak iyoyi ji'niayija' ti i'yasts'e. 'Yina je 'wena 'neje paka intajlate siuti ilisanayi 'ni ajnat siu'neje ni poli, wikie'eyi niwa wask'i'nelaja ti ti'wena, 'yina naka'ne ni siunie yikiajle ti jakimita niwak wask'i'nelaja.

Hebreos 12:25

'Yina jak je iyoyiji ti awo'ate, joskiyeyi. Kima'yi ilia'm siunie ti po' ni ijwi'il niwaka. Siupapo i'nio' t'ipi ti je iyoyis lajaye siupa jla'lap pa Sinia' ti to'm ape'e japak tikijnaki t'ipi Sinaí, jiwet'ia po' papok i'nio' t'ipi. 'Yina sajma ijiatayiji siupa ja siwet'ia jawo siuti kiak jayoki ja ke iyok lajaye siunie jla'lap pi tamti ti tom poliyi.

Hebreos 4:1

It'imina ti 'esiji ka ajoskiyeyi. Ijiatataja wek ti siuniwa Sinia' jlamtis ti ijwi'il ti iyotaja pet ka 'yakanaja pak ajnat siupa yi'i ti ininop'it. Joskiyeyi 'lojwinie'e ka poye pa ka 'wanjliye kisie'e ka 'yuktajanie'e janak ajnat.

Hebreos 4:11

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.

Hebreos 5:9

Jak je iyoyiji siuti yiyek'iyi siunie iyo ti lajak'i pa ka inetia'n, 'yina nak 'esieyi pet wikie'eyi napo i'nio', ti iyoyi ji'niayija' ti ijioyi ni jijwajieti ti laj jlaja, siunapo ti iyoyi niwa jlamtis.

Hebreos 9:28

Sijwajieti kiak iyoyi, ijwienjliyiji wek ti ininekial ti ijioyi ni jiliaye iyo ti 'ya'al ape'e niwa jikeyis napo ti itijlia. 'Yina janekiajle'eje ti ja'nes, 'yina ja ke niwakaye'ne niwaka inkeyis ka na'm ape'e, 'wenajliyijna'a jla'am ti janame siunapo inijijwijyi'n k'iye ti jla'am ti janjwajiete'n.

1 Jn 1:1

I'lijwas, ajlok'iase siu'niwa yamtis, ti awoktajank'iye ka 'najanayi siunie ti iyo'ate Inamtik ti in'wasankiye. Siunie Inamtik jlam po'o ta'a ti 'nelanjie'e je wakaljli'ijyi niwa wask'i'nelaja yi' ape'e 'ni ajnat. Naka ni pajk'i ti ape'yak, sitiete i'wi'in, a'yena'nijpe jla'yi ti akiesa'ape.

Judas 1:17

Siupet ti asa'am, i'lijwas ti yimijna'yase'm, siunie iyot'iyipi papok Saka'niona Jesús ti Sijwajieti jijliujwajnas, nak ti ataj ja enayijpe 'ate, siunie ti iyo'ate,

Apocalipsis 7:10

Kijlamiyeja'm ti iyo'ate: “¡Siunie Sinia' ti yijijyi'n siojona ji'wet ti jla'am ti anechiyas, siu'neje na 'wolepo 'woma, ti napoka ti tajle jana injwajieti!”