Hebreos 2:10 - Sinia' Jlamtis 1994

¹⁰ Wikie'eyi siuniwa a'wena Sinia' jla'am ti jilisajna', siu'neje ti jla'am ti tijna'yi, 'yina iyotaja'n pet k'iye ka wikie'eyeyi napo jilis i'noyi siunie yi'i ti anechiyas. It'imina ti Sinia' kiak iyone pa Sijwajieti Jesús ti iyojwa'n 'ate ni i'nio' ti yin wita'm siunie ti ijiate ti 'es, 'yina paka jla'am siupa iyo ti inilayiti, jijwajieti woyis jla'am napo i'nio'.

Hebreos 2:10 ပူးပေါင်းရင်းမြစ်များ

Romanos 11:36

Ke iwo pa ti jla'am ti tajle wikie'eyi niwa wask'i'nelaja, siu'neje ti ka lajak'i je kia'iyotaja ka poye, jla'yi ti jikijmatis jla'am. ¡Siunie jiwunitieyi jajnok'i! Amén.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hechos 5:31

'Yina ti jla'am pa Sinia' ti isi'me, ti iyojwa'n anechiyasa' ti wuj, yijne'n jijweyeje, jla'yi ti iyojwa'n Injwajietiwoye, Israel jlele ja 'esieye siuti janwoyis jlosikis ink'iejyisa', sekjane'yi ka Sinia' inetiajnatana'a k'iye niwa jikeyis iyo.

Lucas 24:46

ti iyoyet'ipi 'ate: —Siuniwa Inamtis yi'i ni ji'wet ijwi'il ni Injwajieti ni Sinia' jijliujwanik ja wujwa ni jijliak'ali, janekieyinie'e ti ja tiliana, 'yina jlomas ja najapeja ka inoyena'a kisie'e.

Lucas 24:26

¿Jet'imi 'esiji ka jitiej inok'i ti wuj ti janilayiti siunie tiwonaja siunie Injwajieti ti Sinia' jijliujwanik, siuti je yijliyi'ijyi ti jawo anechiyasa'?

1 Pedro 5:10

'Yina ja ke ijiatayi ka je inek 'nijiye, je itioyi'i siu'nie yi'ase ti jinilayitieyi, Sinia' janwe'nase'm siunie as'nayi ti 'es, janwe'nase'm ni asjweye ti ink'ie', jla'yi ti ja ke tikiwita'asemna'a. 'Yina ti jla'am wuj ti 'nama'ase jla'am ti ta'nase ka ayejyi pit ni iyo ni jijweye, ti laj jlaja ti jleyejiap pi Sijwajieti Jesús.

1 Corintios 8:6

'yina ijwienjli jla'am ni Ina'a ti Sinia', jla'yi ti jitis wikie'eyi niwa wask'i'nelaja, jlampet ti sa'am jikawosts'e'm jiwek pet. Jla'yi ti ijwienjli ni Saka'niona, naka ni Sijwajieti Jesús, 'yina nak jitis wikie'eyi niwa wask'i'nelaja, jla'yi ti sa'am kia'iyo naka ti sitis.

Hebreos 7:28

Siunie Moisés jika'neyasajnaye, siunapo pa'yijis jika anechiyasas wus ti tajla'm pet naka, napoka siunapo ti kia'iyo ti je t'o'n pet. Ti tojmi 'wechaja nak inka'neyasajnaye, sekyi'i ti Sinia' po' pi ji'lij ti iliyi ti ijiatk'i, pakayi ti isi'me pet pa jlas ti iyojwa'n pa'yi jika anechiyas wujwa', paka pi Jesús. Pakayeyi ti Jesús yina wita'm siupa iyo ti iyoyi ni jikijmaye, 'yina jajnok'i'ni ni jawo ni t'oniye ti ja 'esie.

Efesios 3:10

Lapakawo ti iyojonk'iye pet ka intant'ieje wikie'eyi siuniwa yiji ni poli niwa jijweye po' pet, siu'neje napo anechiyasas ti kia'iyo yiji ni poli naka Sinia' t'ajankijnieye ti ijwienjli je k'iejliyiji'n, ti jilis ijwilis.

Apocalipsis 4:11

“Saka'niona ti Sinia', je inlakiki'i wek, 'yina ti 'yu'wa'm siunie tiwona'a ti inwunitie, siu'neje ti tiwok ajaye, siu'neje ti ijnonitie ni at'oni iyo. Lapakawo ti a'm ti alesajna' wikie'eyi siuniwa wask'i'nelaja. Tepa jawo ka je poye niwaka 'yina ti jitienkiunie ka kiak awoyi.”

2 Timoteo 2:10

Lapakawo ti 'esiji wek ni iyo ni anilayiti, 'yina ti je aniwone wek. Napoka jla'am ti ja 'esieyi, napoka napo Sinia' isi'mik'i ti ini'nopijieteje pi Sijwajieti Jesús kan'we'n pet siojona jijwajieti ti jlonitieyi po' ti laj jlaja.

Colosenses 3:4

Sijwajieti jla'am siojona as'wasankiye ti ijiatk'i, janeyi siojona jloma ti janikajanit, sekjane'yi ka inkajayena'a pet ti jawayejiap ti janejyi siunie jawo ni jijweyeja'.

Gálatas 3:26

Ijiatjliyi, siuti je kakiuye pi Sijwajieti ti jini'nopijietayiji, sek jitiajla'yiyi ti inwikie'eyeyi ti jilists'ase'm pi Sinia'.

2 Corintios 3:18

Jak je iyoyiji pet ti sa'am je awokie 'ate ti pajk'i ti po' ki ip'ionk'i ape'e 'niwa sitiokiolis ti kaswikie'eyi. Awok'iate siojona ti'yenaja, jlampet siunie Saka'niona jla'al itie siwa'm. Jak je iyoyiji jlam yamjli, yamjli siunie jla'al ti kaswats'ilati, siunie iyo ni jipel jla'am. Lapakawo ti siunie jla'al ti je tal sajap, 'yina ti Saka'niona jla'am ti siojona Sinia' jikimet, it'imina ti kiak iyo naka.

Romanos 9:23

Siu'neje ti iyo ka 'wenkints'e'm siunie jijweye iyo ti 'es ti jla'am ti wuj. It'imina ti kasp'elisijne'n, 'yina ti pajk'i ti iwiakajlanit sik'ioye ka wiek'i naka.

Hechos 3:15

Jiwoyeyi'iji ka alana siunie in'wasankiye i'nio' iwijna'm. 'Yina Sinia' iniujwa'n kisie'e ti tajla'm pi a'no', sam ti a'wena ti ijiatk'i kiaka.

Apocalipsis 7:9

Yam pet 'niji kiaka, ti a'yenayi, a'wena napo ¡ok! ti tajlits'i wikie'eyi niwa ajnatis, i'nio' siunapo jloniye 'wenayiji siunapo ji'lija 'wenayi. Takasitk'i ts'e yi' jlajak in'wet ti anechiyas ji'wet, jitieyi'i 'neje jaka 'wolepo 'woma, je titieyeje ka tetitina kajeyepa 'loj. Lemiyeyi ape'e 'yina ti jawaka jla'am ji'wuye, 'yina wisiuk jik'ase'l inijwankitisiamk'i.

1 Pedro 5:1

'Nakayi jayo jlosikie' siunapo ti i'yena napo ijia Sinia' jilis ti yi' aska kiowe'e. Siuti kia'awo iyo'ate ti jlamis, kia'iyo itiej 'wanjle'e pet, jla'yi ti a'wenaja ja Saka'niona ti Sijwajieti ki iyo ti wuj ti inilayiti. Kiak jayo iyo'ate ti jan'wenis ni jijweye pi Sijwajieti, kia'iyo ja'wi'in pi k'iejliyi ti 'es, ka 'nakajta ka netiejenie'e ni jlaj niwa jlomas.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!

Hebreos 7:26

'Yina pa'yi jika anechiyas wuj siunie kia'iyo, naka ti awoktajan pet k'iye. Jla'am ti 'es ti laj jikeye, 'yina lajk'ipa ka k'iejliyeyi ka je 'esie ka iwoyi. Sinia' je jnanjliyi siunie ijioyi'i ti itionitiape'n napo i'nio' ti inkeyis jiliajnis, ti 'yaka'm ape'e ni poli.

Efesios 2:7

Naka'ne ti iyo pa Sinia' ti iyo ka'wenkina ts'iji siuniwa jlomas atayeje napo i'nio' ni jikap'ijliuskiye iyo ti wuj ti kasts'isisi pa Sijwajieti.

2 Corintios 6:18

Ya'am ti ja Asnayek'i'm, sek jane'yi siuti asa'am ja ilisa'ase'm ti asejniaye'ase'm, siu'neje ti ayijniests'ase'm, iyo ni Saka'niona ti lajk'ipa ka ijnojliji ni jijweye.”

2 Corintios 5:18

Wikie'eyi niwaka Sinia' jla'am ti ilisane. Jla'am ti kastoni ka ijioki, ka lajak'i pet pa Sijwajieti siupi iyoyi. Sekyi'i ji'lij iwints'e'm ti ijliuyits'e'm ni siunie jikijmaye, ka kia'iwo pet napo i'nio' ka ini'nopijieteje ti jla'am.

2 Corintios 4:17

'Naka siunie sijliak'ali iyo, je 'esieta jayi, jak je iyoyiji ta'a ti yam'niji. 'Yina lapakawo ti iwints'e'm siunie siwunitieye pet ti laj jlaja, jla'yi ti 'yaka'm ape'e naka.

1 Corintios 2:7

'Wenajliyi jla'am naka 'najankijnieye ti Sinia' tajle, ti jla'am ti jikimet, siunie ti iyo ka iwoyi. 'Yina je ink'ie', tajlap'e ti 'nelanjie'e ti je wakaljli'ijyi 'ni ajnat, ti jla'am ti ilisane. K'iejliyi ti 'yakaj 'nakayi kajeyepa ti iyotaja pet ka iwents'e'm naka ni siunie iyo ti wuj ti 'es, ni jijweye iyo.

Juan 19:30

Jesús its'iujwam'ne, sekyi'i iyo'ne 'ate: —'Esiji, atejwi. Sekyi'i jletik iniajmana isia'm, ti 'yala.

Juan 11:52

Je ka napokataja, 'yina siu'neje napo Sinia' jilis netiajne'n ape'e 'ni ajnat, ka ji'wet injwankit.

Lucas 13:32

Jesús isiujlie papoka ti iyonat'iyijpe 'ate: —Maye'ni, jwelajia'm ni i'lij siojo ijiuski'la'n. Ti 'nakayi siu'neje kajlomata janiujwank'i kisie'e niwa imose'l yijits'i napo i'nio', jla'yi ti jajwiejiete'n napo je isis. Jloma kiecha ka itimayijna'a ni isijmaye.

Lucas 2:14

“¡Ijnonitieye tena'a pa Sinia' yi' poliyi, 'yakamaja napo i'nio' yi' ape'e 'ni ajnat, siunapo ti jla'am pa Sinia' ti ijniejiet'e ni jikap'ijliuskiye ti yi'ne!”