Hebreos 13:4 - Sinia' Jlamtis 1994

⁴ Apejlanit'i astepe'e ti awo'ate ká awoye aslakikie siunie injwa'ajieyi; ká akajyine siojona ask'iemjla siunie aske' ti jit'iuye'ni. 'Yina Sinia' jan'ye'en siunapo kiak iniwone ni jitis, siu'neje napo iliyik'i napo jijwa'yis.

Hebreos 13:4 ပူးပေါင်းရင်းမြစ်များ

1 Corintios 6:18

'Yiltana'ni k'iye naka ti wuj ti je 'es, ijnoski'la ti yiji ni i'nio' ti ijiajwa'yis jiwo. Ka ne'yi pa siuniwa inkeyis ijia kanwoyi ni i'nio', nak je 'yakajyi'n ni t'isie'n siunie iyoyi. Jla'm ijiatayi jla'am siunie iyoyi naka inke', ti 'yuyi'ni napo ijiajwa'yis, ti teje'yi ilia'm ni t'isie'n ni i'nio' kajeyepa ti je ilisaniji.

1 Corintios 6:9

¿Jet'i 'najanayi paka wonayi ti siunapo i'nio' ti iyoyi ni je 'es, je 'yu'we kanejyi siunie Sinia' jika anechijiayas? Ká anik'emijietayi naka, jlam'ne siunapo iyoyi naka, ti 'yuyijk'i'ni napo ijiajwa'yis, siu'neje napo jitiej iyoma siuniwa iyo jika diosisa', siu'neje napo ti ijioyijin'ni japa ti je k'iemjla, siu'neje napo ti iyoyi ni siunie ti wuj ti je 'es ti ayijniesk'i wita'm,

1 Corintios 7:38

Ijiatjliyi, siunie i'nio' ti iyo ka injwa'yi, 'esiji. Jlampet ti po' siunie ti je iyo ka injwa'yi, nak jla'm ijiate jla'am ti 'es.

1 Corintios 9:5

jla'yi ti 'esiji ka poye japaka its'iemjlaye ka iwoyi kiwa Sinia' jlamtis ka ya'yikiye'ni ti askiunietaja'n, iyo napo ijia injlojwajnas, iyo ja Pedro, iyo japo Saka'niona jik'ijnis.

2 Corintios 5:10

Kajeyepa ti ja lajak'i pa ka injwel ka in'yilta'n k'iye pa Saka'niona, ka inetiejenie'e siojopa jloma ka 'yenta wikie'eyi napo i'nio' siupi jitis iyo. Japakayeyi ti ja kasjwanjlajamk'i'ni siupa ja tiwonats'e pi iyo siupa titiajlatats'e'm, ti ja tenaja siupa awokt'iyipi ti awak'i 'ni ajnat, ka 'esiet'ipi ni'ne ka jeye.

Gálatas 5:19

Je istie' siuniwa wask'i'nelaja ti tajle pit ki iyo niwa ts'isienis. Po' napo 'yuyijk'i'ni napo ijia jwa'yis; po' napo iyoyi siunie ti ijiate ti je 'es; po' napo inisayi siuniwa wask'i'nelaja yi' ape'e 'ni ajnat ti ikajyi'n niwa ts'ajwes.

Gálatas 5:21

Jolsijnietas, 'yatas, jlak je iliatk'iji'n. Po'neje siuniwa ti jwajla'a ti kia'iyo, ti a'yejnap, ti iyoyisi napoka. 'Yejne'n siu'nie jayoyi, iyo'ate siukia awo'nasepi ti pajk'i ti ajwe'el: Napoka siunapo ti kia' iniwone ja ke pajana'a ka 'noyi nak Sinia' jika anechijiayas.

Efesios 5:5

'Yina 'najanayi ti siunie 'yuyi'ni jana jikiecha k'iemjla, siojona ti 'yuyi'ni na jikiecha k'iemjla, siu'neje ni iyo siunie ti ijiate ti je 'es, siu'neje ni ijwil ka woyi ni t'ajlaye 'yina ti je 'es ni iyoyi kajeyepa ti iyoyi jika diosa' niwaka ti itiliaja ka'we'en, ja ke ijnoyi pi Sijwajieti, jla'yi pi Sinia' ji'wet ti iyo anechiyasa'.

1 Tesalonicenses 4:6

Wuj ti je 'esk'i naka ka kiak iwone pi jikiecha, naka siunie ajwe'el, siu'neje ni ka ink'emijiete pi jikiecha paka k'iejliyeyi. Saka'niona jla'am ti jawo lajaye niwaka wask'i'nelaja kia'iyo, iyo siunie ti pajk'i ti ajwe'lase'm ka je inkiwaliyeyi'i.

1 Timoteo 3:12

Jayapiliji'ijyi pet ti jajwil napo ayijnies; ja ke nakaye siunie jijwa'yis 'loj, jla'yi ti ja'najane ka 'yena papo jilis, jla'yi pa ji'wet.

1 Timoteo 3:2

Jak je iyoyiji ti jikijmaye kia'iyoyi ni i'nio', 'esiji ka ini'ye'en ni siunie iniwoneje, 'nakayeyijna'a ti ja lajak'ipa ka ti'yenaja. Janjwankit siojopa jik'iemjla. Jlosik japoye ni i'nio'. Ti k'iejliyi pa jlam je iyone 'ate ka woyi, 'wenajliyi ti wuj ti i'ye'en t'oniye 'es. Jla'yi ti i'ye'n ilia'm napo ijioyi. Naka ni i'nio' ti 'yijene ti 'yiyasa'n napo ijia.

1 Timoteo 3:4

Naka i'nio' ti 'yijene ti i'yena ni ji'wet, jilis its'iuye, kajeyepa ti iyo lajaye.

1 Timoteo 4:3

Janapokaye siunapo ti ja ke inwejna'm napo ka injwa'yits'iji'n. Kiak jawo janeyiji siunie k'iejliyi ti itijw napo, ti janjwe'el ka je 'esieyiji ka titiuwa. Jlam'ne Sinia' jla'am ti ilisane niwak wask'i'nelaja atowak'i'ni sik'ioye ti sa'am ti atankiunieje, jla'yi ti kastant'ieje ni siunie ijiatk'i, siuti jatiuwa, sek jane'yi ka iyokiepe sinikanitiejayi pi Sinia'.

1 Timoteo 5:14

Tempi it'imina ti awo'ate: siojona ask'ilieki ti jlosie 'wanjliji, 'esiji ka injwa'yi. Jilis japoye, ja wujwa ka ilesa'n ni ji'wet, ja'nakayeyijna'a ti ja ke tiliakik ka lajayipe 'weta ni inkajejlasaye tajle ni sitiejiejwa.

Tito 1:6

Siupapo jaki'mik'i, janapokaye ti ja lajk'i paka k'iejliyeyi paka jitis iwo, 'nakayi ti ja lajk'i paka inamiteje'n; jla'yi ti jijwa'yis ja ke 'lojwa; siupapo ti jilis ti po', janwoyi ki inamtik, jank'iuye papo jiniewot, 'nakayi ti ja lajk'i paka tiliakiki, ka iwoyi ni je 'es.

Hebreos 12:16

Je 'es ka poye paka iwoyi siunie ti 'yu'ni ti je inilesanijiyi, siu'neje ka poye paka inlaki siunie t'otata, iyojinipi pa Esaú ti 'yuti pa ji'yini penik siupa tijna'yi ti jla'am ti isijli.

Apocalipsis 22:15

Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.