Hebreos 13:3 - Sinia' Jlamtis 1994

³ Astaj wunitieyijpe siunapo yi' insat jiweje, askiowe wonayi 'ate ti ijiateje ti aslaye iniuyi wita'm ti jleyejyi janak insat jiwe. Astaj enayijpe 'ate siunapo ti ijia ne'wajamk'i ni siunie tiwonaja kajeyepa ti ent'a ja kiak tiwona'ase ni siunie tiwonaja.

Hebreos 13:3 ပူးပေါင်းရင်းမြစ်များ

Mateo 25:36

Ti lajk'ipa ka 'yuts'i, asampe'eje ti jiwoye i'yuye. Siuti je ts'es, asampe'eje ti ji'yenak'i. Ti a' insat jiweje kia'iyojliyi, asampe'eje ti jit'iuyek'i”.

Mateo 25:43

Siuti i'wit je 'ejts'ipe, ka jakayeyi ka i'wit alesana'yi. Siuti laj i'yuye je wenak'i'm paka i'yuts'i. Siuti je ts'es siu'neje ti a' insat jiweje, ka kia'iwo ka 'oyek'i wata'a.”

Hechos 24:23

Félix ijliuye'ne papo jikawos ka inekiajlis kiu'ujwe insat jiweje ja Pablo, ti iyo'ate: —Enayijpe 'ate siupa iyo ka iwoyi. Siuti japoye papo t'ajajnajwas ka ijnoyi, ka k'iejliyeyi paka intoni ka inoyeje, 'ajlinitie k'iye.

Hechos 27:3

Jak je iyoyiji siojokia jloma kiecha awakieyi jlaja Sidón. Sek awak'i ti Julio ip'ilisina'ni ja Pablo, jikio' iliena'a kiu wata'a ka ijnoyi japo t'ajajnajwas, ka k'iejliyi pet paka iwoyisi ji'wajieta, ni'ne ka jlaka pa.

Romanos 12:15

Siuti po' ni inkaj'ni, 'esiji ka kiak awoyeyi pit inkasajyi'n. Jlampet siuti po' napo yape'n, kiak woyeyi pit, noyeyeje ti yape'n.

1 Corintios 12:26

Siuti po' pa yi'i pa a'tieje, ijiate kia'iyoye'ijyi pet niwa jijwa'al iliatayi'iji pet. Jlampet ti yi'i pa ti inkaj'ni, 'yina kia'iyoye'ijyi pet siuniwa ijia ti ikatayi'iji pet ni iyo ti inkaj'ni.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Colosenses 4:18

Ya'am Pablok'i'm, atome pijia'm ti kia'awo ti 'eti' ti atejwi'lase. Nak ataj wunitieyijpe siuti ya'am ti a' insat jiweje. 'Esiji ka Sinia' jikap'ijliuskiye ine'yasap.

Hebreos 10:34

Wuj ti askap'ijliuskiye jlena'yi siunapo yi' insat jiweje, siu'neje ti ejlo'o jiwekie'e ti tala'ase siukiwa askijmatis, 'yina je woyejli wek ti jinikanitiejyi'n lapakawo ti 'najanayi pi jiwonayi ti po' siuniwa askijmatis ti t'o'n ti yi' poliyi, ti jla'm ijiate ti isis.

Hebreos 11:37

Siupapo ijia sisajas tikienaja ti tilianaja'n, siu'neje ti a'lakie' tikienaja ti tesitajamk'i ti tewitanajamk'i jikiowe'e, siu'neje ti sijnat jitiok tikienaja ti tilianaja'n. Ji'wet je ikajas jla'yi ti iyo 'wuyeye pet siupuwa 'wole po' t'ejes siu'neje puwa sontas jitio' t'ejes; jla'm ijiatayisi jlam ti p'ijliusis, ijiat ti tiliakiki ti je tilisanaje siupa tiwonaja ti je 'es, ijiat ti 'yaka'm ape'eyi siupa tiwonaja.

1 Pedro 3:8

Jlaja, 'napo i'lijwas, 'esiji ka ijnojli wita'm siunie ja woyeyi, siunie askiowe kia'iyojliyi, 'yina ti injwanjliyek'i. Ninemina, akiowe nit'onitieyik'i wita'm, 'yina ká anitonitiejyi'n.