Hebreos 13:1 - Sinia' Jlamtis 1994

¹ Siuti as'nayi ijwienjliyik'i ape'e pi Sijwajieti, jlomas ti jakinieyi siunie asemijnaye ti jlena'yi napo as'lejwas.

Hebreos 13:1 ပူးပေါင်းရင်းမြစ်များ

1 Jn 4:20

I'nio' ni iyo'ate, “Emi'n pi Sinia'”, jlam'ne ki iyo ti ne'waja'm ni jikiecha, wuj ti iyo sintiye. Siuti je yimi'n ni jikiecha ti i'winata, ¿tepa jawo kanjwe'el ka nemi'n pi Sinia' ti je ti'wena?

1 Pedro 3:8

Jlaja, 'napo i'lijwas, 'esiji ka ijnojli wita'm siunie ja woyeyi, siunie askiowe kia'iyojliyi, 'yina ti injwanjliyek'i. Ninemina, akiowe nit'onitieyik'i wita'm, 'yina ká anitonitiejyi'n.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

2 Pedro 1:7

Siuti ja akajlajyi ka noyets'i ni Sinia' ji'niayi ni tijnajyi, sekjane'yi ka ajalasanie'eje ape'e siunie ti jawoye as'lejwasa'. Siuti ja akajlajyi ka woye as'lejwasa', sekjane'yi ka ajalasanie'eje ape'e ka akajlajyi ka asemijnaye poye.

1 Pedro 2:17

Wo lajaye ni akiecha; 'esiji ka i'namajayi napo as'lejwas; je 'es ka je ijnots'inayi ni Sinia'; woye lajaye siunie saka anechiyas Roma jlele.

Hebreos 10:24

'Esiji ka iyokijyi'n siupa 'es ka iniwonaja, jla'yi ti jani'najmak. 'Esiji ka inikimaja siunie ti janip'elisina', ti janikelaja siunie 'es sikijmaye ti jayoki.

2 Tesalonicenses 1:3

I'lijwas, ajwelta ka jlam je iniwonaja ti sinikanitieyi awenaja'ni pi Sinia' astepe'e, 'yina ti je niliak kiaka ki jiwoyeyi siunie astankiujnieye ti 'es, jla'yi ni asemijnaye ti jlena'yi napo ijia as'lejwas 'neje, jlam yamjlijyi'n pet.

1 Pedro 4:8

'Yina siunie ti jla'm ijiateje ti laja po' naka ti janinemina, jlam'ne naka inemijnaye ti initiajnat niwa inkeyis.

Gálatas 5:22

Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

Gálatas 5:13

I'lijwas, asa'am ti Sinia' ta'nase ti iyo ka wo'ate siunapo i'nio' je inkipijnas. 'Yina ká awoye 'ate, “'Esiji, 'nakayi jayoyi siunie awo ka yoyi.” 'Esiji ka emina' napo as'lejwas jla'yi ti janip'elisina' ja kiajatak'i'ni, siuti akiecha insetia'n noyeje kiak jawo'ojyi pet ti a'am janoye'a'm.

Apocalipsis 2:4

“'Yina ijwienjliyetaja siunie atajlat'a'm ti awoyi atesa', naka ti jiliyi siunie emijnaye ti yi'a ti jiwoyi ti 'nelanjie'e.

1 Jn 3:23

Siunie ji'lij ti iwints'e'm naka ti iyotajank'iye ka je 'yakakiuk pi jlas Sijwajieti Jesús, siu'neje ti iyotajank'iye ka inikimaja siunie inemijnaye, iyo ti ijliutiejets'e'm.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Juan 15:17

“'Naka siu'nie ajlo'wase'm kawoyeyi: ka aninemina'.”

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

Efesios 4:3

Je paj ka leyeyi siunie ti jawoyeyi, ti jajwanjlik'i siunie jiniwonayi, 'yina siojona Sinia' jikimet ti 'es janak janoye'ase'm, siu'neje ti po' ni askamankiye naka ti ijnotiek'i wita'm it'iminayi ti insisiek'i wita'm.

Hechos 4:32

'Yina wikie'eyi papo i'nio' Sinia' jilis ti je pini' ijniul wita'm, jitienkiujnieye ijwienjli. Lajk'ipa kawo'ate, “Siu'niwa a'we'en isijmatis ya'am.” Tepa jawo ka kiak je iwo ti ijniul wita'm papo i'nio', inik'isajasi siupuwa jikijmatis ti i'winis.

Hechos 2:1

Ti yiyet'iyipi siojopa jloma inlakijnieye jle' iyo'ate Pentecostés, wikie'eyi papo i'nio' Sinia' jilis initotisk'i wita'm.