Hebreos 12:3 - Sinia' Jlamtis 1994

³ Jak je iyoyiji ti ja atankiunie'ni ti astaj ja enaye 'ate siupa Jesús iyot'iyipi, ti wuj ti inilayiti siupa jiwak siupapo i'nio' iyoyi ni jike' yi'ne. 'Yina je 'es kanik'ijlianatajyi'n ni'ne ka astaj je insisiek'i'ni.

Hebreos 12:3 ပူးပေါင်းရင်းမြစ်များ

Mateo 11:19

'Yina 'nes 'neje pet ni I'nio' Jlas, ti jla'am ti ti'yekiu'n jla'yi ti i'ya jla'm i'niati, iyoyeyits'iji 'ate ti ijwilis, ¡Jlak je iliatk'i jla'yi ti at'es jiwo; iyo t'ajajnajwasa' napo i'nio' inkeyis jiliajnis, siu'neje napo isi'm ilia'm niwa inkat'ijnieyejes! “Jlam'ne pet ti ti'wena ni jikijmaye ni i'nio' ti 'es, je istie ti naka ni Sinia' jika'najankijnaye ti yiyi ni i'nio'.”

Mateo 12:24

Siojopo Fariséojos ti ipi'yaye japo i'nio' ti kia'iyo, sekyi'i iyoyis'ne pet 'ate: —Beelzebú, siupa jika anechiyas pet napo imose'l, pak iyo jijweyeja' ti iniujwank'i kisie'e.

Mateo 15:2

—¿Yot'iyi'ni siunapo 'eyasajnas ti je ilisanisiji siunie jike' pet kiapo saka kijilas mases? Siuti ti'yekiunieje'n jikioye je ilij.

Mateo 21:23

Jesús ti itimayi siukia iyo jakayik'i, 'yina ijioyi'ni siujlieja 'najla'wet. Siuti taka'neyasa'n, 'nesa'ni japoka siojopo pa'yijis jika anechiyasas, siu'neje japo kijilas ti kia'iyo anechiyasas, ti ijioyisi ti iyonits'i 'ate ja Jesús: —¿Tent'ipa ajweye ni jikiene niwaka? ¿Ten siupi jitiajleje?

Mateo 21:46

Jakayi ti iyoyetajas ka inkimits'i, lapakawo ti je ijwiyisie japo i'nio', kajeyepa ti 'yijenisi ti Jesús pak Sinia' jijwejlanik jiwo.

Mateo 22:15

Jlampa yama 'niji kiaka siukia iyoyi, siojopo Fariséojos yama'ni ti ijioyisi ja Jesús, 'yina wakal ti inijloyisk'ijin'ni ti jan'yasis'ni, ka pakaye ti jantajlatisi jiwekie'e siuti jankiujlie.

Lucas 14:1

Siojopa jloma ti i'nio 'wanjlijyi'n, Jesús ijio 'wete siupa Fariseo ti anechiyas t'ipi, ti isijwane ti ti'yekiu'n. Jlam'ne papo ijia i'yen'ni.

Lucas 15:2

Siupapo Fariséojos, siu'neje papo taka'neyasane pet siupa Moisés jika'neyasajnaye, iyoyet'iyispe 'ate, ti iliakiyis pa Jesús: —'Yenayi pit siunie, je ikawona jla'yi ti isijwane siunapo je isis ti jike' po'.

Lucas 16:14

Siupapo Fariséojos ti ipi'yayisie pa Jesús ti kia'iyo, iliakiyis'ne, lapawo ti ijyiwiteje ti papoka janajata jla'am ti 'yuyits'i jana wikiniet'aj.

Lucas 2:34

Sekyi'i Simeón jikio' yink'i'ne ape'e, ti iwijna'm pa 'es, sekyi'i iyone'ne 'ate jlaja María: —'Yejne'n, siu'nie kia'le jant'emina napo Israel jlele ti ja 'lojwa napo janetia'n, ni'ne ka injwa'a. Jla'am ti ts'ijiye ka pajata ti ja 'lojwa napo i'nio' ja ke inki'm ilia'm,

Lucas 5:21

Siupapo Fariséojos, siu'neje papo taka'neyasane siupa Moisés jika'neyasajnaye, jitienkiujnieye iyonisi'ne 'ate ti ipi'yayisie, “¿Tent'ipa siupa iniwone ti jla'am? 'Yina siukiwa jlamtis iyoyi, ket'ijwel ka je inta'yi ilia'm pa Sinia'. Ijwienjlijie'e jla'am pa Sinia' ti 'yijene ti initiajnat pa jike' ti iyoyi ni i'nio'.”

Juan 10:20

'Loj japo iyo'ate: —¿Yot'iyi'ni ti jik'iuyeyi, ti imosik yiji, jitiej je 'es?

Juan 18:22

Ti Jesús kia'iyo, siojo i'yena jlaja 'najla'wet sekyi'i ti ipiaj'ne ja Jesús, ti iyone'ate: —¿Kiak jiwo ti jikiujlie ni pa'yijis jika anechiyas?

Juan 5:16

Kiak it'imina'ne ja Jesús ti Judíojos iyo jitiejiejwaye, ti yiniji'ni pi k'iejliyi ti i'winki'n siojona jloma ti i'nio 'wanjlijyi'n.

Juan 7:12

Jle' po' wat ja Jesús, ti intaj totieje. Po' japo iyo'ate ti ijwilis, “I'nioyi jaka.” Po' japo iyo'ate, “Je 'es, 'yakajmank'iji'n napo i'nio'.”

Juan 8:13

Iyo'ne 'ate japo Fariséojos: —Siunie jijwe'el, laj lajaye, 'yaka am a'am ti jitiajlat'a siunie jijwe'el.

Juan 8:52

Iyo'ate japo Judíojos ti isiujlie: —¡Ijiate ti awok'ija 'ate ti ajwela ti imosik yi' awa'm! Jlam'ne siupapo injwejlanawos t'ipi pajk'i ti 'yajle'n, Abraham kia'iyojliyi, ti jiwo'ate ti jlamti, “I'nio' ni janwo niwa yamtis ja ke inetia'n.”

Juan 8:59

Sekyi'i ti isimayisk'i'ni kiwa sisajas ti iyotaja ka intatisiji'n. Jlampa yama ti inijwekia'm, ti tal kiajwe jlaja 'najla'wet.

Juan 9:40

'Yina siojopo Fariséojos ti sekyi'i iyoyis'ne 'ate ti jwesis, ti ipi'yayisie: —¿Kiakt'i awoki pet, talojot'ets'e'm pet?

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

2 Corintios 4:1

Tempi it'imina ti jla'm ani'netiejli, kajeyepa ti kasts'ajane pa awonaja ni jikap'ijliuskiye iyo ni Sinia' ti yikialts'e siunie sikijmaye iyo.

2 Corintios 4:16

Jak je iyoyiji ka ijliasataja isia'm siu'nie awoki, jla'm ani'netiejlik'i. Ijiatata wek 'ni ts'isie'n ti iyo 'yusieja', 'yina siuniwa sosikis yamjli pet niwa jlomas ti yapi jwemik'i.

Gálatas 6:9

Nak it'imina ti kia' awoyi, ti awo'ate ja 'yakatataja ti janaja ni siunie 'es. Kajeyepa ti siuti jwajla'a jayoki, ja akajlajyi siunie 'es ti tajla'm siunie sikijmaye, ka netieje janak jloma.

2 Tesalonicenses 3:13

Ijiatjliyi, napo i'lijwas, ke ink'ijliaye'ni ti jiwoyeyi ni siunie 'es.

Hebreos 12:2

'Esiji ka sitiej 'yitie'e ni Jesús, 'yina ti jla'am ti atajlajaja siunie ti je akakiunie, 'yina ti jla'am 'neje ti ijniujliet wita'm janaka. Jesús wuj ti inilayiti siupa jiwet'ia ti tena'a japa cruz, je nesi'lieyi ka inojwat jiwa'm siupa jikalakijnieye papo i'nio', lapakawo ti je int'ayiji'n siunie jawo ti janek'iyi ni jiwet'ia iyo jank'iuyeja'ana'a pet siunie jinikanitieyeja'. 'Nakayi yiji'n 'niji jijweye pa Sinia' siupa ji'wet ti anechiyas.

Hebreos 12:5

¿Ta'a t'e ti inkiwaliyeyi'i siuniwa Sinia' jlamtis t'ipi ti ijwi'lase'm ti iyotaja ka insisieyi, ti asa'am ti jilists'ase'm? Yi'i ni ji'wet ti iyo'ate: “'Ni yas, ká awo alakikie siunie iyo ni Saka'niona ti ijliutie'am'ni, ká eni'ni jiwek ilia'm siuti kia'iyo ti iyo ajosikie'.

Hebreos 3:1

I'lijwas, asa'am ti Sinia' pajk'i ti ta'nase jla'yi ti i'notata', astaj enayi 'ate pa Jesús, ti jla'am ti Sinia' jijliujwanik siu'neje ti jla'am ti pa'yijis jika anechiyas wuj, ni siunie sitiej awomaja.

1 Pedro 2:23

Siupapo i'nio' ti iliakiyis pa Sijwajieti, je iyo ka intayiti ka inlaki pet papo i'nio'. Kia'iyojliyi ti tajakiam'ni, je yits'e ka wo'ate, “Je ijiatena'a pet ka je itieyiti”, 'wenajliyi ti its'iuye pa Sinia' ka jlama jla'am ka'ye'en siunie iyo ti jla'am ti je 'yakajme'n siunie jawoyi.

Apocalipsis 2:3

Jlampet siunie ti jinia'm ijyik'i je jlase' siunie ti jinilayiti, 'yina je wojliyi wek ka intasite, siu'neje ti ataj je lie'ne wek.