Hebreos 1:1 - Sinia' Jlamtis 1994

¹ Ti pajk'i, Sinia' je ijwienjliyiji ka ji'lij je inwenatajam'ni papo sitise'l t'ipi, ti ijliuyi'ni papo jijwejlanawos. Po' japa jloma ti 'wena iyone ti ji'lij iwijna'm.

Hebreos 1:1 ပူးပေါင်းရင်းမြစ်များ

Lucas 1:55

Kiakjini iyonijipi ti ijwijla'm papo sitise'l t'ipi, siupa Abraham, siu'neje papo jilis tomik'i pijia'm, 'yina jajnok'i'ni.”

Lucas 1:72

Ip'ilisi'n siupapo sitise'l t'ipi. Je kia'iyo ka inkiwali'yi'i puwa jlamtis ti isis, siupuwa iyot'iyipi.

Lucas 24:27

Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jesús. Iniajnat pa Moisés iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Juan 16:13

Jlam ijiate ka 'nesta janaka ti ijiateje ti Sinia' jikimet ti 'es, janak ja into'nase siunie ki iyo ni ijiatk'i. 'Yina ja ke jlama ka jlamtisa' siunie jawo, janjwel pet siunie iyo ni ipi'yayi, ja'najanki'nase ta'a siunie jawo puwa ja'wena' ts'ijiye.

Juan 7:22

'Yejne'n siu'nie jayoyi, siupa Moisés t'ipi ijiate ti 'yijie'na'm ka woyeyi siunie ti jiwa tejwak'i pa, (jlam'ne ki iyo ti je jla'am ka intajle, 'wenajlit'iyijpe jla'am ti papok tajle siupapo aska kijilas t'ipi jike' iyont'iyisijpe). 'Wanjliyi ka janakaye siojona jloma ti i'nio 'wanjlijyi'n, je woyejliyi ti jlenayiji ti kiak jiwonayi napo kia'lis ti t'isie'n jiwa jlewajak'i.

Juan 9:29

Siupi Moisés kasts'ajane pi awonaja ti Sinia' tamtit'iyi'nijpe, jlam pet siuni i'nio' tiwet'ianaja ka ti'niejenaja siupi taj'le.

Hechos 13:32

“'Nak anamaja'a siunie Sinia' jika'niye ti 'es, ti iyo'ate: Sinia' iyonat'iyipi papo sitise'l, ti ijwijla'm, ijiatp'aneje siuti je pete, siunie iyo ti iniujwa'n kisie'e ni jlas Jesús, ti tajli na a'no'. Siunie iyo niwa inamtis ti yi'i na salmo jijwukis timejts'i, ti iyo'ate: “A'am ti yajts'a'm. Siu'niwa jlomas yam ti Anak'i'm.” 'Yina kasts'isisi ti atomajak'i pijia'm.

Hechos 2:30

David injwejlanik jiwojimpe, it'imina ti 'yijene ta'a pi iyone siupi jitieyiji, kajeyepa ti Sinia' ijwijla'm ti iyo'ate, “Jayone anechiyasa' pa janjwanjli napo ales ti jantal aswa'am.”

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Hechos 3:21

'Nakayi lapakawo ti 'esiji siunie tiwonaja ka nekiu poliyi, jlampa ka Sinia' intemayijna'a siunie iyo ti ilisank'i siuniwa wask'i'nelaja. 'Yina jlam pak je iyo jiwekie'e ti kia'iyo, kajeyepa ti iyo jla'am niwa jlamtis ti yi'i ni ji'wet iyot'iyipi papo Sinia' jijwejlanawos ti isis ti ijwi'il.

Hebreos 11:2

Siupapo sitise'l t'ipi, siuti Sinia' itime 'yina ti paka jla'am siupa jitienkiujnieye ti 'es ti je takakiu'n ti it'imina.

Hebreos 12:25

'Yina jak je iyoyiji ti awo'ate, joskiyeyi. Kima'yi ilia'm siunie ti po' ni ijwi'il niwaka. Siupapo i'nio' t'ipi ti je iyoyis lajaye siupa jla'lap pa Sinia' ti to'm ape'e japak tikijnaki t'ipi Sinaí, jiwet'ia po' papok i'nio' t'ipi. 'Yina sajma ijiatayiji siupa ja siwet'ia jawo siuti kiak jayoki ja ke iyok lajaye siunie jla'lap pi tamti ti tom poliyi.

Hebreos 2:2

'Yina ataj kiam kiu' enayi 'ate siupa Moisés jika'neyasajnaye, ti injlojwajnas poli jlele siupapo takajwejlane pa Moisés t'ipi. 'Yina jlam pak je iyo jiwek, jak je iyoyiji siunie ti 'yakakiu siu'neje na ti je its'iuye, nak jla'am je tisiejek'i jiwek lapakawo ti 'yu'we,

Hebreos 2:3

'yina, ¿tepit'e awokt'iyi pit sa'am ti po' siojona sijwajieti ti je jlase', ti Saka'niona iniane ti ijwile pijia'm? 'Yina siunapo ipi'yayis ti kia'iyo, i'winis ti ijiatk'i, sekyi'i ti ijliasatats'ejyi pet. Siuti Sinia' ikajanitieyi pet, siunie iyoyi ji'niayija', ti po' siuniwa i'winkina napo i'nio', siu'neje niwa kassesi'lietk'i'ni, siu'neje ti i'winkints'e'm siunie ti je jlase' ni jijweye iyo. Siu'neje niwa in'wajietis ti tajle jana Sinia' jikimet ti 'es, siojona Sinia' iwijna'm siupa iyo jla'am ka wejna'm. 'Yina awo'ate, ¿siuti kia'iyo tepa awokt'iyi pit? ¿Tepa jawo ka ijwieyeje siunie siwet'ia, 'yina ti je alesanajaje siujlie'e sijwajieti ti je jlase'?

Hebreos 3:5

Kiak jini iyopi pak Moisés, ti jla'am ti Sinia' jikawo, wuj ti inilesaniji jitieyi'i pa Sinia' ti i'yena papoka ji'wet jlele, jikijmaye t'ipi ti 'yakajanit siupa Sinia' iyoyi ti tamti.

Hebreos 4:8

Jlamt'i'nepe ka pakaye Josué ka i'najlinit k'iye papo i'nio' ka'noyi japak ajnat ti inop'it ji'wet, 'yina Sinia' je kiak iyotaja'ni ka injwel'ni japa ka jikiechaye ka jlomaye.

Hebreos 5:5

'Yina Sijwajieti kiak iyo je jla'am ka jlama ka kiak iniwone, ti iyo pa'yijis jika anechiyas wujwa', Sinia' jla'am ti yikiajle ka kiak iwo. Iyone 'ate ti ijwijla'm: “A'm ti yajts'a'm, siu'niwa jlomas 'yaka ti Anak'i'm.”

Hebreos 9:19

Siupa Moisés t'ipi kia'iyo itimataja ti itijwa ape'e ti ijwile ape'e papo i'nio' wikie'eyi niwak Sinia' jlamtis. Sekyi'i isimayi siunie jik'as janak a'la' ti jle' iyo'ate hisopo, ti jini inkajk'i, sekyi'i ti ilie'nitieyi'i siupa sonta 'wole isiat. 'Yina 'yutieja'm siupa wakia 'woyis ti tijlijnataja pa sonta 'woyis siu'neje ti i'niat tijlijnataja. Jak je iyoyiji siupa ti isia'ni yi' ape'e pak Sinia' jlamtis ji'wet, 'yina ti ts'iatitieja ape'e 'neje papo i'nio'.