Gálatas 6:8 - Sinia' Jlamtis 1994

⁸ 'Yina kia'iyo'ni pet, siunie ti wuj ti iyoyi siuniwa ti jla'am ti tajle ti itiliaja ka woyi, ijiate yamjliyi pet siunie jiliayeja'. Jlampet siunie iyoyi siunie iyo janak Sinia' jikimet, kiak jawo'ojyi pet jankajliji pet siunie tajla'm janak Sinia' jikimet, janaka ji'wasankiye ti laj jlaja.

Gálatas 6:8 ပူးပေါင်းရင်းမြစ်များ

Mateo 19:29

Siunie na'm ijyik'i, ti sek iliyik'i'ni japa ji'wuk, siunapo ji'niayi ijwienjliyi, ni'ne ka jiniaye pa, ni'ne ka jleta japa, ni'ne ka jilisa', ni'ne ka jika ajnata pa, jajwi'lase'm ti je ijiat ka je inkama ape'e niwak siuniwa initiajnatayi, janamek'i siojona ji'wasankiye ti laj jlaja, ti jan'we'en ni i'nio'.

Mateo 25:46

Jesús iyo'ate ti yinayi'iji ape'e ti tamti: —Napoka siunapo i'nio' jajnoyi naka inlaye ti laj jlaja, jlampet siunapo isis jajnoyi pet nak in'wasankiye ti kia'iyo laj jlaja.

Juan 4:14

I'nio' pet ti jan'yaje siunie i'niat ti jawijna'm, ja ke pajana'a ka nekiajle'e ka inki'im. Kajeyepa ti siunie i'nio' ti jawijna'm 'nak i'niat janwoyeyinie'e siunie janwo ti ja jlomasiek'i ti ja ke inejets'i ilia'm siunie i'niat ti jantajla'm ti janwo 'wasankiyeja'.

Juan 4:36

I'nio' ni ilie'ne ni inwomik tiwok jikajaye, siuniwa ilie'ne ti ijiut wita'm ijioyi jana in'wasankiye ti laj jlaja. Ja 'nakayeyijna'a pet siunie ilie'ne ni inwomik jla'yi ni siunie takawijna'n kiak janwo ja inkasaja'n.

Juan 6:27

Ke injwesiejayiji'n ka akimajyi'n ape'e siunie asak ti je t'o'n, jlam ijiate jla'am siunie je netia'n ka paja, siu'neje ti iwi'nase'm jana a'wasankiye ti laj jlaja. Nak siunie inak ti I'nio' Jlas janwe'nase'm, lapakawo ti Sinia' jlam ti ijniejiet'e.

Romanos 13:14

'Yina woye asp'ota' ni Saka'niona Jesús ti Sijwajieti ti jatojmata'yi ilia'm ni inwak. Ká awoye 'weta' siuniwa 'yijijiene ni 'assie'n ka woyeyi.

Romanos 6:13

Ke ekiajlayi niwa 'asjwes ni siunie inke' ka 'nakayeyi ka inkiene ni siunie je 'es ka woyeyi. 'Yina jla'm ijiate jla'am siunie jawoyeyi ti janinekiajlayi ni Sinia' ti asa'am siunapo ti pajk'i ti iyo masesie' jitieyi'i ni siunie inke', 'nakayi siuti jlekiajlayi'ijyi ti in'wasanajyi'n. Ekiajlayi ni Sinia' niwa 'assienis, 'nakayi ti jantajieta pet siupa 'es ti jankijmajne'n.

Romanos 6:23

Jlampet siunie ji'yaka'n ti jiwoyeyi ni aske', janaka pet jana 'najlati. Jlampet siunie Sinia' iyo si'wajieta', janaka pet jana si'wasankiye ti laj jlaja, ti ani'nopijietaja pi Sijwajieti Jesús ti Saka'niona.

Romanos 8:11

Siuti siojona Sinia' jikimet siojona ti iniujwa'n kisie'e pa Jesús jane aswa'm, janaka'ne jana ti janekial pijia'm niwak 'assienis ti je t'o'n, kajeyepa ti janakaye jla'am siojona Sinia' jikimet ti yi' aswa'm.

Romanos 8:13

Siuti mawat je liyeyiji niwak askeyis, jijwelt'e ka in'wasanajyi'n; jlampet ti janak Sinia' jikimet jakienayi ka tejwa'yi 'yina ja i'wasanajyi'n pet.

Romanos 8:6

Jlampet ti 'o'we' siuniwa ti ya'am emink'i ka iyoyi, niwak soyiji jana 'najlati. Jlampet ti janiwakaye siuniwa ti tajle janak Sinia' jikimet ti jayoyi itienkiujnieyeja', nak iyo i'wiesankiyeja', jla'yi ti iyo ikamankiyeja'.

1 Corintios 15:42

'Yina kiak jawoyiyi pet siupapo i'nio mases, ka kia'iwotajanie'e ti jantajli pi a'no'. Inia'an ti titijik k'iye siunie je t'o'n; siunie ti jano kisie'e, naka pet siunie ti ja ke i'nal ka paja.

Gálatas 6:7

Ká anik'emijieta. 'Esiji ka lajk'ipa ka injwel ka ilaki pi Sinia', 'yina je 'eyasanayi siunie ti iyo'ate, “Siuniwa 'yut'isia'm ni i'nio' ti takawijna'n, niwaka janla'ne pet ka inkimtaja pa jlak.”

1 Timoteo 1:16

'Yina ti Sinia' wuj ti sip'elisi'n, it'imina ki iyo ti Sijwajieti wuj ti inilayiti pet its'ioye ti je k'iejliyi paka inenk'i'm 'nakayi ti jan'we'en napo siunapo iyojon pet k'iye ka neki siunie iyoyi, jla'yi ti iyojonk'iye pet kan'we'n jana ji'wasankiye ti laj jlaja, 'yiniye ka iniane k'iye napoka.

Tito 3:7

Nak kasts'isisi ki iyo ni jikap'ijliuskiye, it'imina ti yikialts'e ka itiejek janak si'wasankiye ti t'on, jana anejejwiyejenk'iye.

Santiago 3:18

Siunapo ti ijialasink'iye naka, ka ts'ijiye inses. Ijiate napok 'yakamaja pet ti iyoyi ni 'es, ti 'yakatate ni inkamankiye.

2 Pedro 2:12

Jlamtis jiniliaja ti iliaki siuniwa ti ijiate ti je 'yijeneje paka iwone. Lapakawo ti ijiate ti netia'n pi jlosik, iyoye'ate niwa pini' yiji ni 'la'an, ti laj jlosikie'. 'Yina kiak jawoyiyi napoka siojona 'najlati teje'yi, jla'yi ti inijijwijyi'n k'iye ts'ijiye ti jano'we. Kiak jawoyiyi iyo niwaka, ti tikiowajlajank'iye ti ja tiliana.

2 Pedro 2:19

Ijwijla'm napo ijia ti iyo'ate, “Mawat jikio' je ilie'nase'm ni je 'es je jwaye, 'yina sa'm ijiate wek ti kasts'ajane pi awonaja ti ajwajieta pa ti kiak iyoyi.” ¡Ijiate ti jla'm iyoyiyi siunie ijwil ka woyisi, jlam'ne jla'am ti inijwelis ti je t'ekiyisiyi siunie iyoyi ti wuj ti je 'es, ijiate jla'am ti inkipijna', je tijwayisi! Kajeyepa ti siunie inke' ti 'yakajli ni i'nio', 'nakaye'eje pet ti 'yiniye ti ilie'nit.

Judas 1:21

Ká atajlajyi' siunie jlemijnaye ni Sinia' yi'nase'm, 'yina weyejyi siunie ti janejejwiye k'iye siojona jloma ti Saka'niona Jesús ti Sijwajieti jikap'ijliuskiye ti ja kassejni siojona si'wasankiye ti t'o'n.

Apocalipsis 22:11

Ene 'ate siunie iyo ni siunie je 'es kawo siunie jloski'la; siunie ti ijiat ti t'ojli, ene 'ate ni siunie iyoyi. Jlampet siunie ti 'es ja ke inlek'i pet siunie ji'niayi iyo pit ti iyoyi ni 'es; kia'iyojliyi pit siunie ti ini'notatiji k'iye ni Sinia', 'esiji ka je ilek'i siunie iniwone ti ini'notatiji k'iye ni Sinia'.