Gálatas 6:7 - Sinia' Jlamtis 1994

⁷ Ká anik'emijieta. 'Esiji ka lajk'ipa ka injwel ka ilaki pi Sinia', 'yina je 'eyasanayi siunie ti iyo'ate, “Siuniwa 'yut'isia'm ni i'nio' ti takawijna'n, niwaka janla'ne pet ka inkimtaja pa jlak.”

Gálatas 6:7 ပူးပေါင်းရင်းမြစ်များ

Lucas 16:25

Abraham isiujli ti iyo'ate, “Yas, atajkiamkiu' wunitk'i, ti in'wasa'n wujwat ti 'es kajeyepa ti jwajla'a je sitia'n. Jlampet ni Lázaro wuj ti je 'espe pet ni yiyi. 'Yejne'n siuti 'nak yi'i 'yakama, tijwajyi siukia jiwet'ia ti inilayiti, jlampet ti a'am jlejyi ni alaye.

Lucas 21:8

Jesús isiujlie papo ti iyo'ate: —Joskiyeyijna'a, ja lajak'ina'a paka ink'emi ilia'm paka jikiechaye. Kajeyepa ti ja ke piniye napo ja'nes ti janiteyini ki yi' ijio'we, ti janwo'ate, “Ya'am ti Injwajietik'i'm siunie Sinia' jijliujwanik,” kanwoyena'a 'ate, “Yiyi jla'ak jloma.” Ká akiniets'ina'a.

1 Corintios 15:33

Ká akamats'iji'n. Iyo siuniwa inamtis ti po' pi iyo'ate, “Siunapo 'najajnajwas ti je i'nio'l, napok 'yakajyi'n niwak isis inkeyis tiwonaja.”

1 Corintios 3:18

Ká anik'emijieta. Siuti po' na ti asa'am ti ijwi'il ka ijiatayiji ka 'naja'an, iniwone siunapo i'nio' ti iyoyi ni ajnat jikijmaye. Je 'esiji ka aniwonayi 'ate siunie ti lajk'iyi paka iwoyi ti je 'yije'en jwajla'aja, ja 'nakayeyijna'a ka ijiatayi ka wo'ate siunie ti je jlejliyik'i wek ti 'yije'en jwajla'aja.

1 Corintios 6:9

¿Jet'i 'najanayi paka wonayi ti siunapo i'nio' ti iyoyi ni je 'es, je 'yu'we kanejyi siunie Sinia' jika anechijiayas? Ká anik'emijietayi naka, jlam'ne siunapo iyoyi naka, ti 'yuyijk'i'ni napo ijiajwa'yis, siu'neje napo jitiej iyoma siuniwa iyo jika diosisa', siu'neje napo ti ijioyijin'ni japa ti je k'iemjla, siu'neje napo ti iyoyi ni siunie ti wuj ti je 'es ti ayijniesk'i wita'm,

2 Corintios 9:6

Ataj wunitieyi siunie iyo'ate: Siunie i'nio' ti iliakiyi'i siupa iyo'om, tepa jawo pit ka 'etsakaja paka ila'ne. 'Yina jlampet siunie je iliakiyi'i pa 'yut'isia'm, kia'iyo pit 'etsaka pa jlak ti ilienata'a.

Gálatas 6:3

Siuti po' ni askiecha ti ijwil ka ijia jika anechiyasa', 'yina jlam'ne lajk'iyipa ka woyi, jla'm iyoyi. Jlam jla'am ti inik'emijiet.

Efesios 5:6

Ká ak'iuye siunapo ti iyotaja ka ink'emijieta siunapo jlamtis inkasi, tejnisieyi ti je ijiatk'i siunie ijwil ka woyi. Niwaka siuniwa ajwel'ni, niwak itione ni Sinia' jiwak siunapo i'nio' ti je its'iuye niwa Sinia' jlamtis.

2 Tesalonicenses 2:3

Ká anikiwalinitie k'iye napoka ti iyo ka ink'emijieta'. Jitieyi'i janak jloma ja ke piniye napo janleyi ni Sinia', jla'yi ti janta'yi ilia'm pi Sinia'. Japakayeyi ti janikajanit naka i'nio' ti ijiuski'la'n, ti laj t'otaliye, ti 'wena ja ke ijno'we ni ijio'we napo jijliak'ali ti laj jlaja.

Santiago 1:22

Kimayi niwa Sinia' jlamtis, kijmanayi'n ti iyo ka woyeyi. Je 'es ka jla'm ape'yaye jiwek, 'yina siuti kiak jiwoyeyi je jlewitayiji siunie ijiate ti 'es ka woyeyi.

Santiago 1:26

Siuti po' ni i'nio' inijwe'el ti iyo'ate, “Ya'am Sinia' jlask'i'm”, siuti ji'lij je 'es, jlam ti inikajyi'n. 'Yina siunie ijwil ka jitienkiujnieye poyeyi ni Sinia', ijiate laj lajaye siunie iyo.

1 Jn 1:8

Siuti ajwela ka laja sakeye', sam sa'am ti anilakik, siunie ijiatk'i je yi siwa'm.

1 Jn 3:7

Japo ilis, ja ke inejna'a ts'e papo ka inkajmanats'iji'n. Siunie i'nio' ni iyo ni tijnajyi, je int'ayiji'n pet ti tijnajyi ni i'nio', iyo'ate iyo pi Sijwajieti Jesús ti tijnajyi.

Judas 1:18

“Siuniwa jlomas jane jlaja, japoye siunapo i'nio' ti jankalakijiejne'n, najataja jla'am siuniwa ti jlamis ti itiliajasi kawoyisi ti janeki siuniwa ti je isis.”