Gálatas 6:16 - Sinia' Jlamtis 1994

¹⁶ Yi'i papo, siupapo ti ilisa'n naka siunie ajwe'el, siu'neje ni iyo napo ti ijiate ti Sinia' jilis, napok 'esiji ka inkamajaspe, jla'yi ka Sinia' imp'elisijnempe.

Gálatas 6:16 ပူးပေါင်းရင်းမြစ်များ

Juan 1:47

Jesús iyo'ne 'ate ti i'wina ilia'm ja Natanael: —Siunie 'la'n ilia'm, nak Israel jika kia'le ti lajk'i paka t'oniye ka je 'esie.

Juan 14:27

“Siuti jayik, jaliyi asap siunie ti ja akamaja. Awe'nase'm 'ni ikamankiye, siunie ti je iyo'ate ni tajle pet 'ni ajnat, siunie iwi'in. Ke injlak'alajyi'n, jla'yi ka je k'iejliyeyi paka ijnots'inayi.

Juan 16:33

“Wikie'eyi siuniwa ajwe'lase'm jant'eminajna'a ka akamankiye atajlayiji ti je sakakiuye. Ja ke jlasiye ni asjlak'ali ape'e 'ni ajnat. 'Yina ke ajlasatayijna'a isia'm siunie jiwoyeyi, 'yina pajk'i ti 'a'n ape'e ki iyo ni yi'i 'ni ajnat.”

Romanos 4:12

Jlampet siunapo i'nio' ti yiji siupa tiwonat'iyipi pi Abraham, siu'neje ti iyoyi siupa iyot'iyipi jla'am ti je 'yakakiu pi Sinia', ti je kiak tiwonajliyi'ijyi ka t'isie'n jiwa tejwak'i, 'yina napoka 'neje jilis pa Abraham.

Gálatas 1:3

'Esiji ka Sinia', jla'yi pi Saka'niona Jesús ti Sijwajieti, ka imp'elisinape, jla'yi ka inwe'nase'm ni askamankiye.

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.

Gálatas 5:16

Jayo'ate ti jajwi'lase'm: Jla'm ijiate ka kiniets'i ki iyo jana Sinia' jikimet, ja 'nakayeyi ti ja ke ak'iuyeyi siuniwa iyo niwa 'assienis ti inteliajayi ka woyeyi.

Gálatas 5:25

'Nakayi siuti janaka Sinia' jikimet ti kasts'isisi, kiak jayoki'ijyi pet 'esiji ka najk'i siunie iyo.

Efesios 6:23

'Esiji ka Sinia', jla'yi pa Saka'niona Jesús ti Sijwajieti, imp'elisijnimpe, 'nakayeyi jankamajayispe, siunie jlemijnaye kia'iyojliyi, siu'neje ni jitienkiujnieye ti 'es, 'esiji ka Sinia' iwejna'm.

Filipenses 3:16

'Yina ja 'yena 'ni si'niayi 'ni anokk'i 'nakayi, sekyi'i janajliyijna'a ti jayoki.

Filipenses 3:3

'Yina siunapo ijiate jla'am ti ijiatk'i ti kiak tiwonaja ti t'isie'n jiwa tejwak'i napoka ti sa'am, kajeyepa ti yijits'i niwa sikiojwa'l. Sa'am ti awunitie pa Sinia', ka lajak'i ki iyo 'neje japa jikimet ti 'es, jla'yi ti wuj ti kasts'ajka'a, ti je 'wena paka itiajlaja paka pi Sijwajieti Jesús. Ti je nak ka 'yena siunie 'yaka ti ijnonitieyi tena'a pi k'iejliyi ti po'.

Filipenses 4:7

Ja 'nakayeyijna'a siunie inkamankiye, ti lajk'ipa ka ijnojliji, ti 'yaka'm ape'e ni siunie iyo ni i'nio' ti 'yije'en, jane'yasap ti janoye'ase'm siunie jiwonayi ni asosik jla'yi ni jiwonayi ni astankiujnieye, kajeyepa ti jini'nopijietayiji pa Sijwajieti Jesús.

1 Pedro 1:3

¡Jayunitie pa Jinia' pa Saka'niona Jesús ti Sijwajieti! Jla'am ti kasts'isisi ni jikap'ijliuskiye ti je jlase', 'yina ti iniujwata kisie'e pi Sijwajieti Jesús ti tajli pi a'no', sekyi'i ti ekiajlajayi'iji siunie awoki iyo ti 'nelanjie'e ti atajlaja'm jana set. It'imina'ne ti po' siunie sinijijwiye ti laj jlaja,

Judas 1:2

'Esiji ka ijiatayiji siunie Sinia' jikap'ijliuskiye ka ne'yasap, jla'yi ni jikamankiye, siu'neje ni jlemijnaye.