Gálatas 6:14 - Sinia' Jlamtis 1994

¹⁴ Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.

Gálatas 6:14 ပူးပေါင်းရင်းမြစ်များ

Lucas 20:16

Ya'am awo'ate, janeki jantej'we ti janlajne'n, sekjane'yi ka inekiajlayinie'e papo ijia siupa inkijmaye. Ti ipi'yayis ti Jesús kia'iyo, iyoyis'ne 'ate: —¡Wuj ti je 'es ka kiak inwoyi!

Romanos 1:16

Siunie Sinia' jika'niye 'yajwejli je yiji, kajeyepa ti naka jijweye jla'am, jak je iyoyiji wikie'eyi siunapo ja ke inkakiuyis napok janjwajyi'n. Janajnatana'a napo Judíojos, sek jane'yi ka napokayena'a pet siunapo ti je Judíojos.

Romanos 6:2

¡Jeyi, je 'esiji! Kajeyepa ti masests'e'm jitieyi'i ni inke' jayoyi. Jakajliete, ¿yot'iyi'ni jiat'eje ka 'esieyiji ka jlam inajliyiji ka iyoki naka sake'?

Romanos 6:6

Kasts'ajane pa awonaja ti siojokia si'wasankiye ti inia'an ti paj jiliaye iniuyi pet wita'm pi Sijwajieti ti tik'iejwata'a japa cruz, 'nakayi pet siuniwa ti kasteliaja ka iyoki ti talts'e ja lajana'a jijweyeja' pet, sek jane'yi ka siunie inke' ja ke iwoyeyijna'a jikipijnasats'e'm.

1 Corintios 1:23

jlampet ti sa'am awoki samtikie' naka ni siunie Injwajieti ti Sinia' jijliujwanik ti tena'a pijia'm japa cruz. Naka'ne ti siunapo Judíojos ti ijwi'il ikajyi'n ni jitienkiujnieye ti 'es, siunapo ijia i'nio' iyoyits'i 'ate, “Ijiat ti jiniliaki naka.”

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

1 Corintios 2:2

Siuti a' aska kiowe'e, je k'iejliyi paka ijiatayiji paka 'ye'en, najatape jla'am ni siunie ti Sijwajieti Jesús ti tik'iejwata'a pijia'm japa cruz.

1 Corintios 3:21

Tempi it'imina ti je 'es ka anitonitieyi, siunie ti po' ni askiecha ti jikinieyi siupi iyoyi, jlam'ne wikie'eyi ti askimet niwaka wask'i'nelaja.

2 Corintios 11:12

'Yina ekiajlayi'iji ti awo'ate ti je awo ka ilik'i siunie ti je awo ka 'winakitie'ni, ja 'nakayeyi ti ja ke 'najanisi paka ji'lij inojwatits'i napoka napo ‘injlojwajnas’ ti jijwela ka napok ijiatayiji, ti iniwunitisi siunie ti askijmaye, siu'neje ti jikijmaye jiniwomayi. 'Yina ti iyotajasink'iye pet ka kiak iniwonaja ka iyok lajaye siunie sikijmaye ka iyok'iate iyo jlamis t'ajla'ni napo i'nio' pi k'iejliyi ti iyotajasi.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Gálatas 2:17

“Siuti najata jla'am, ti a'yena siunie ti Sinia' ijialts'e pi sitis iyo kajeyepa ti atankiunieje pi Sijwajieti, nak 'yakajk'i ti ak'iujiek'i ni ji'wet napoka i'nio ti je Judíojos, ka yo'ate siunapo inkeyis jiliajnis. Nak ajwe'el ti awo'ate, ¿pakat'e jla'am pi Sijwajieti ti kaswojwa'n inkeyis jiliajnasats'e'm? ¡Jeyi kat'aja!

Gálatas 2:19

Siuti ya'am masak'i'm jitieyi'i nak inka'neyasajnaye, tepa jawo ka kiak je iwo ti jilianikk'i'm, sekyi'i nak tajleje pit ti si'wasana'aja, sekyi'i Ika'niona pa Sinia'. Kajeyepa ti 'yiniye ka iliaye inoyi wita'm pi Sijwajieti ti tik'iejwata'a japa cruz,

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Gálatas 3:21

¿Mi ajwe'el ni Moisés jika'neyasajnaye ka inta'yi ilia'm siunie Sinia' ijwil pet? ¡Je'e! Jla'm ijiatayi ka siunie inka'neyasajnaye ji'wasankiye iwejna'm pa i'nio', nak ijiatayi'ne pet ka Sinia' inlesajne'n ni i'nio' 'yina ti iyoye siunie inka'neyasajnaye 'yijie'ne ka woyi.

Gálatas 5:24

Siunapo Sijwajieti Jesús jikawos pet, napoka ti pajk'i ti its'iejwatis pijia'm niwaka siuniwa jikeyis ji'yusis, siu'neje niwa iyoyisi ti itiliajasi ti wuj ti je isis.

Filipenses 3:18

Je ijwienjliyiji ka je ijwilata'asem'ni siu'nie, 'nakayi ja yikiajle'eje ti jajwi'lase'm itiet t'e' atonata'ni ti awo'ate, je pini' napo ti teje'yi ilia'm janak Sijwajieti jika cruz t'ipi.

Filipenses 3:3

'Yina siunapo ijiate jla'am ti ijiatk'i ti kiak tiwonaja ti t'isie'n jiwa tejwak'i napoka ti sa'am, kajeyepa ti yijits'i niwa sikiojwa'l. Sa'am ti awunitie pa Sinia', ka lajak'i ki iyo 'neje japa jikimet ti 'es, jla'yi ti wuj ti kasts'ajka'a, ti je 'wena paka itiajlaja paka pi Sijwajieti Jesús. Ti je nak ka 'yena siunie 'yaka ti ijnonitieyi tena'a pi k'iejliyi ti po'.

Colosenses 2:20

Aslaye iniuyi wita'm pi Sijwajieti ti 'ya'al, kajeyepa ti jiwoye masesie' jitieyi'i niwaka siuniwa injweyejes ti je 'yaka. 'Yina ¿yot'iyi'ni jiat'eje ti 'yiniye ka mawat je atajlajyi ni iyo pit ni ajnat, 'yina ti jik'iuyeyi siuniwa inamtis ti iyo'ate,