Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gálatas 6:12 - Sinia' Jlamtis 1994

12 Siunapo i'nio' ti 'yijie'nase'm ka kiak iwo'nase iyo jlamis, ti t'isie'n jiwa yiwa'aja'n, tepa jawo ka kiak je iwoyisi, kajeyepa ti iyo ka 'esieyi wita'm napo i'nio'. Jla'yi ti 'yijene pi iyone ti, siuti janjwankitis ka nekisi pet ki iyo ni Sijwajieti ti 'ya'al ti yi' ape'e japa cruz, ti janjwelis ape'e 'ni ajnat ti ja titiajlataja.

အခန်းကိုကြည့်ပါ။ ကော်ပီ




Gálatas 6:12
22 ပူးပေါင်းရင်းမြစ်များ  

“¡Aswet'ia japoye, asa'am Fariséojos siu'neje ti asa'am ti jiwosts'ase'm pet nak Moisés jika'neyasajnaye! ¡Ijnoski'lanajyi'n wata'a! Jiwoye 'ate niwa t'o'l napo i'nio mases ti isis jiwek kisie'e ti jikie' t'elinak'i ti lemi. Jlam'ne ki iyo ni jitiowaja'm ineli 'nejie'e niwa tipoyiji, jla'yi ki iyo ni jisiuti.


'Yina niwak in'yiniyeyi. Ti kisie'e 'yiniye ka ijiatayi ka insisie, jlam'ne ki iyo ni astowiji tipoyeyiji ni iyo niwa asoski'layis, siu'neje ni ti wuj ti je 'es ti jiwoyeyi, ti yiji niwa asosikis.


“K'iejliyi'iji pi iyo kawoyisi je iyojonk'iye ka i'nio' je in'we'en. Ka kia'iwo ka jilisa' siuniwa its'ijwanaja'm jana jletik ti isesk'iji'n, yiji niwa Sinia' jlamtis, jla'yi puwa its'ijwanis jikio'yi. Siuniwa ji'wuye isesamk'i niwa jijwukis.


“Sinia' wuj ti ip'ilisijne'n siunapo iyo ni Sinia' iyo kawo ti i'nio' teje'yi ilia'm k'iejliyi pa tiwonaja ti tiliakik. 'Yina ti napoka pet ti yiji ni jika anechijiayas.


Siuti jininel'liajanitie ti jiwoyeyi ni asts'ajlaye, ká aniwonaye 'ate napoka napo sintijyis ti initoniti'n. Inikajanit ti je inkase'n, iniwone 'ate siunapo ti jijliak'ali po', ti iyojonk'iye ka ti'wena ti ininel'lianiti'n. Ijiate siunie jajwi'lase'm, nak it'imina ti 'yakajli, siunie ti tonitieje ni iyoyisi.


“Siuti janoyeje napo p'ijliusis ti jawo 'wajieta', ká ane'ni ka ajwele ape'e napo i'nio', ká aniwone 'ate napok i'nio' ti sintijyis ti initoniti'n. Jak je iyoyi ti yiyeta 'najla'wetise, 'ni'ne ti yijits'i niwa jika'wulis jana isi', ti iyoyeta 'wajieta' napo p'ijliusis, yinayi jitieyi'i napo i'nio', ti jla'm iyo ka ti'wena ka tonitieje siunie iyoyisi. Ijiate siunie jayoyi jlam je awo, nak it'imina'aja ti ikajli naka, ti siunapo i'nio' ti ijiunitis.


“Siuti jiwoye asts'ajlayeja', ká aniwonayi 'ate napok siunapo sintijyis. 'Neliaja ti takasitk'i ti iyoyis t'ajlayeja' yi'i niwa 'najla'wetis, siu'neje yi'i niwa jikatoki'l niwa jika'wulis, ti iyo ka ti'wena. Ijiate sekyi'i 'yakajlaja'ijyi naka ti tonitieje ni iyoyisi.


'Yina kiak t'ipa iyonayipi: —Asa'am ti jijwela' insisie jitieyi'i napo i'nio', 'yina mejla'ala ka Sinia' je 'najane paka wone niwa askiojwa'l. Kajeyepa siunie ijiunit napo i'nio', nak Sinia' iwit'iane.


Tajlane niwa ji'wuki'l napo ask'ilieki, ti inistajanitisi ni jloski'la iyo ti iliaki napo, je iliakiyisi'i ti iyoyis t'ajlayeja'. ¡Sinia' wuj ti jansa'ak'i napoka!


Siunie i'nio' iyojonk'iye ka tonitie je k'iejliyi paka inwo, najata jla'am iyo siunie tajle. Jlam'ne pet siunie ti iyojonk'iye ka tonitie siunie i'nio' sijliu', nak ijiatk'i siunie iyo jlamtikie'; ka ne ts'ijiye ka jla'am iwo siunie taka'neyasane.


Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.


Po' siupapo Fariséojos ti yame pet siupa Jesús iyoyi. Papoka'ne siupapo takasitk'i ti iyoyis 'ate: —Siunapo i'nio' je Judíojos, 'yina ti iyoyis jlosikis ink'iejyisa', 'esiji ka woyi siunie Moisés jika'neyasajnaye, ti t'isie'n jiwa tejwak'i.


Ijiate ts'otale je t'oni ka kiak iniwonaja ka inijnojlieteje napoka i'nio' ti iniwunit siu'neje ka ini'yenajap siunie iniwonisi. ¡Ijiate wat ti 'ne'lias, 'yina ti inijwelis ti isis siuniwa wask'i'nelaja iyoyisi!


'Yina je napoka napo ti ijiateje ti Sijwajieti jijliujwajnas, napoka napo ti je ijiat ka injlojwajnasa'. Iliaki napo i'nio' ni iyo ni jloski'la, jla'm initewitanisisk'i siunapo Sijwajieti jijliujwajnas.


Sekyi'i a'we'en ti kia'iyo ti yameje'n siunie iyoyisi, ti je ijlieneje siunie iyo ni ijiate ti 'es Sinia' jlamtis, 'yina kiak awoniji'ni ja Pedro ti ene jitieyi'i japo i'nio', “A'm ti Judío'a'm, 'yiniye ka je Judíoja'a'm jle' kiowe'e napoka ti ijiate jla'am ti je Judíojos, jlam jiniwone wek ka je ama ka Judíoja'a'm. Jlam'ne amata pet, ¿yot'iyi'ni ti jit'ijie'ne napo i'nio' je Judíojos ka kiak iniwonisi iyo ni jiwoyeyi?


'Yina ti jlaja 'esiji kajeyepa ti siojo sa'yi Tito, 'wanjliyi je Judíojata, je iyoyisi wek ka 'nejejienits'i ka kiak tiwonaja siunie iyoyisi'ni ti jlamis ti t'isie'n jiwa yiwajats'i'ni.


Jlampet ti ya'am, napo i'lijwas, siut'itie ka kiak iyo ka je iliyi ka iyo yamtikie' ka iyo'ate, “Siunapo i'nio' itienkiuni pi Jesús ti je 'yakakiu, je 'es pet ka kiak je iwoyi ti ja jijwa'al tejwak'iji'n”, ijiate ka tilikietak'i siunie tiwonak'i, sekjane'yi siunie ajwe'el ti Sijwajieti tik'iejwata'a japa cruz ja ká ani'na'tinietieyi.


'Yakajlitieje ti jlamisieta napoka siunapo yamisi pet naka, 'yina je iyoyisi niwaka iyo ka tiwoki ni Moisés jika'neyasajnaye. Siuti kia'iyo ti 'yijienta'ase'm ka kiak awoyeyi iyo jlamis ti t'isie'n jiwa yiwa'aja'n, 'yina naka jla'am ti ijialasis ti iyojonk'iye ka inkanitk'i wita'm napo i'nio', ka tonitieje ka insakana ti kiak inwonayi ti iyoyis ajwukisa'.


Ijiate poyeta siunapo ijwil ka iwoyi jlamtikie' pa Sijwajieti, 'yina je ijiatk'i kajeyepa ti iyoyi naka ti ijiulsinisijk'i'm, jla'yi ti 'yaka ti tejeyis ijyilia'm. 'Yina po' pet siunapo jitienkiujnieye ijniul wita'm ti iyoyi jlamtikie' pa Sijwajieti.


Ká ajwankit siunie ti akimet a'm ti jiwojyi'n, 'esiji ka ajwane'e siunie ja 'esieyi napo a'lejwas.


Je ijwienjliyiji ka je ijwilata'asem'ni siu'nie, 'nakayi ja yikiajle'eje ti jajwi'lase'm itiet t'e' atonata'ni ti awo'ate, je pini' napo ti teje'yi ilia'm janak Sijwajieti jika cruz t'ipi.


'Yaka ijiatayiji ka inses, kajeyepa ti i'nio' 'yijijie'ne ka tonitie pa Sinia', sekjane'yi ti janijlasat isia'm, siu'neje ti ja iliaki 'niwa 'najwes. 'Yina je 'yakajle'n niwaka siuniwa itiliaja ni i'nio'.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ