Gálatas 6:10 - Sinia' Jlamtis 1994

¹⁰ Jak je iyoyiji ti kiak awoyi ti awo'ate, ti akajlaja ti awoki, 'esiji ka iniukieje napo si'lijwas ka winaja'm siunie 'es. Ja kat'ajayipe ti ja 'wina siunapo si'lijwas 'neje ti itienkiuni pi Sijwajieti Jesús ti je 'yakakiuyis.

Gálatas 6:10 ပူးပေါင်းရင်းမြစ်များ

Mateo 10:25

Siunie i'nio' ti 'neyasanik ja inikanit'ni kajeyepa ti jle' jawo'ate ka pajata iyo siunie 'yiyasa'n. Kiak jawo'ojyi pet siunie inkawo, ti ja tena'a siunie jle' iyo ni jika anechiyas. 'Yina ti kiak tiwonaja'ni ni siunie tijna'yi jana 'wuk 'ate Beelzebú, imose'l jika anechiyas, jijwel ka 'wena iwo napo siunapo ji'wet jlele ni siunie ja tamitaja'a'ni.

Mateo 12:50

Kajeyepa siunapo iyoyi siunie iyo ni Inia' ti yi' poliyi, nak 'yini, janak 'yijnia, janak tete.

Mateo 25:40

Jawoyena'a 'ate ni anechiyas ti jankiujlie, “Ijiatk'i siu'nie jayo'nase, ti jayo'ate: jane'yi pa siunapo i'niayi ijwienjli ti lajk'iyi paka iwoyi, pi ja k'iejliyeyi pa jawonayi ka 'esiek'i, ijiate jijwelt'e ka 'wenaye siunie jiwonayi, ya'am.”

Mateo 5:43

“Kia'iyo jipe'yaye 'ne'je siuniwa inamtis t'ipi ti iyo'ate, Emi'n ni akiecha, jlampet ni siunie teje'yi ajelia'm nak ja ine'waja'm.

Marcos 3:4

Sekyi'i ti i'yasa ape'e papo ti iyo'ate: —¿Ten siupa 'esiji jla'am ka tenajaja ka tiwoki siojona jloma ti i'nio 'wanjlijyi'n? ¿Ent'a naka ni siunie ti tiniukieje pa, ni'ne ka nakaye ni siunie ti jiwet'ia tiwenaja'm pa? ¿Ma jajwiejiet, ni'ne ka i'miate ka initiajnat? 'Yina lajk'ipa ka inkiujlie.

Lucas 6:35

“'Esiji ka i'namajayi siunapo teje'yi aselia'm, ataj ka awomats'i ka ajwela ka k'iuyet ji'wet'e paka k'iejliyeyi, ka awoye lajaye. 'Nakayeyijna'a ti ja ke jlasiye siojona as'wajietiye, jla'yi ti Sinia' ti wuj jilisa'ase'm jlam ti jikap'ijliuskiye yi'ne siunapo i'nio' je 'esijiyi, siu'neje napo jwesis.

Juan 12:35

Jesús iyone'ne 'ate japo: —Je taljlitie'eje aska kiowe'e siojona kates, 'yina ja ke pajayi ka intajlanna'a aska kiowe'e. Katatayi ka askiuniek'iji'n alenjlipa ti 'yaka ask'ioye 'ni jloyeyi. Ja 'nakayeyijna'a siunie ajnatiok ja ke inesi'lietana'a ka netie'asenie'e. Ijiatjliyi siunie i'nio' yikiajli'ni nak ajnatiok, je 'yijene siupa jantajyi.

Juan 9:4

Alenjlipa ti jlomajli'ijyi, 'esijyi ka isimaja ni jikijmaye ni I'nio' sijliu'. Je pa tojwa'a siunie ti ja ajnaja, ti ja lajak'ipa ka inkajli ka inkijme'n.

Hechos 6:7

Jla'am ijliasjlit'ijimpe puwa Sinia' jlamtis, lapakawo ti tikiniejeje'n ti tijwela. Jlam iyomjliyiji papo ijia i'nio' siupapo iyoyi pi inamtik yiji japa Jerusalén. Je papokata, 'loj 'neje siupapo pa'yijis ti isimits'i ilia'm, 'yaka je takakiunisi.

2 Corintios 2:8

It'imina ti ajlo'wase'm ka ekiajlayi'i siupi jiwoyet'iyipi ti 'nelanjie'e, ti wuj ti i'namajayi paka.

Gálatas 1:23

'Najata jla'am ti t'ijieyisk'i ti sijwelis ti iyo'ate, “Siunie i'nio' ti tejepe selia'm kiwak siukiwa jlomas yam'niji, 'nakayi yamtiyeyi pit siu'nie 'es ti iyo'otiejepi ka inetiajnate'n, 'naka intankiujnieye ti 'es.”

Efesios 2:19

'Nakayi je pa jiwoye 'ate napok siunapo i'nio' ti ijiateje ti 'wenayi, ka je as'weta paka aye'yi. As'wet ijwienjliyi siunapo Sinia' jilis 'yina je jika'ajwejlasana, Sinia' jilists'ase'm.

Efesios 3:15

jlam ti tajle wikie'eyi siunapo in'wet jlele ti yi' poliyi, siu'neje napo yi'i 'ni ajnat.

Efesios 4:28

Siunie takajla'n 'esiji kanlek'i, 'esiji ka inkijme'n. Siuniwa jikioye, 'esiji ka itajietap pet siunie jikijmaye ti 'es, ja 'nakayeyipe pet siuti po' napo ti jwajla'a je i'wi'in, ja 'esieyi pet ti janoyeje.

Efesios 5:16

Katatayi pet siu'nie jloma ti jiwoyeyi ni siu'nie 'es, 'yina 'yaka siuniwa jlomas ti awaki wuj ti je isis.

Filipenses 4:10

Wuj ti ts'ajkaj'ni jla'yi ti inikanitiejeye ijioyi pi Saka'niona, kajeyepa ti jlekiajlayi'iji ti astaj wujwak'i, siunie jiwoyeyi ti jiniuyeyijk'i'm. Je ajwel ka iyo'ate asa'am jiliyeyi ti jiniuyeyijk'i'm, kajeyepa siukiwa jlomas yam'niji ts'ajane pi awone ti je 'wena' paka k'iejliyeyi.

Colosenses 4:5

'Ye'en, siu'neje ka anilesanayiji jitieyi'i napo i'nio' ti kakiujnietas. Ká akajyina japaka jlomaye.

1 Tesalonicenses 5:15

Joskiyeyi ja lajk'ipa ka intayiti pi jikiecha siuti k'iejliyi pi iyone ti je 'es. Ja 'wenajliyi ti ja injwesiejayiji'n siunie 'es ka akimayi, jla'yi ka ena'yi wikie'eyi napo i'nio'.

1 Tesalonicenses 5:21

'Esiji ka wujwa ka'yena niwaka ti kia'iyo, siuti ja'wena ti 'es ti jajejlitayi, niwak kimayi.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Tito 3:8

Awo'ate ijiatk'i kiaka. Tempi it'imina ti kia awo'naja ka ajalaskine napo i'nio', siunapo iyoyi ki inamtik, ka inkatate ka woyi siunie 'es ka inkimk'iji'n. 'Niwaka ti iniuyeje napo i'nio' 'yina ti isis.

Hebreos 13:16

Astaj wunitieyijpe siunie ti janoyeyeje napo as'lejwas, nikat'inieyi siunie ji'wena. 'Yina ti naka ti Sinia' inka'a ti i'winata ti kiak iyoyi, siu'neje ti jla'am ti jlekiajlayi ti 'yaka'm ape'e siunie iyo pit siuniwa tilianajan'ni.

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.

Hebreos 6:10

Kajeyepa ti siunie Sinia' je ka je ijnajyi, ja ke inkiwaliyi'i siunie jiwoyeyi, siu'neje ni asts'amankiye ti jlena'yi. 'Yina pajk'i ti jinikajanitieyi siunie asemijnaye ti jiniuyeyeje siunapo jika kia'lis, jikiniejliyi ti kiak jiwoyeyi.

1 Pedro 2:5

Kiak woyeyi pit ti asa'am, niwojwana sisajasa siuniwa ajwel'ni, 'nakayi ti Sinia' janwo'ase ji'wukie. Jla'yi ti asama siunapo isis pa'yijis, jak je iyoyiji siuniwa jawoyeyi ti jawunitie, jawoyena'a 'ate siuniwa ti k'iejliyi ti tilianaja'n ti tekiajlaja pa Sinia' ti tiwoki ji'wajieta'. 'Yina Sinia' ja inkaja'a pet siunie jawonayi ti jawunitie, ti jantajla'm ni askiowe, 'yina ti po' pa Sijwajieti Jesús ti pak insisieyi.

1 Pedro 4:17

Lapakawo ti yiyi siojona jloma ti ja kas'yena, sam kasjnajnata ti Sinia' jilists'e'm ti kas'yena. 'Yina siuti kia'iyo, ¿tepat'e jawo pit siupapo ti ijiate ti je its'iuye ni siunie Inamtik?

1 Jn 5:1

I'nio' ni je 'yakakiu pi Jesús ti jla'am ti Sinia' ijliu' ti Jijwajieti napo i'nio', nak ijiate jla'am ti Sinia' jlas. Siu'neje ni yimi'n ni i'nio' jilis po'o, kiak janwone'ijyi pet siupapo jilis janjwane'e ti janemijne'n.

3 JuanMary Thureson 1:10

It'imina siuka yiktiejna'a ti jajio'wase, jajwijla'm siunie iyo ni jike' ti wuj ti je 'es, siunie iyo ti kasamti siupi ijwi'il ka iyoki. Jika sintijieyis yints'e'm ti teje selia'm, jla'yi ti jeji'n i'yen'ni ilia'm papo si'lijwas ti 'nesata'ni. Je yine'ate papo ti i'yenta'ni ilia'm papo ijia, nak itiajlatayi'iji papo ti jlosik potie, ijliuye'eje kisie'e siupapo iyo ni Inamtik.

3 JuanMary Thureson 1:11

Isiecha ti yiminik, ká aki niwaka ti je isis, woyi jla'am niwaka ti isis. I'nio' ni iyoyi siunie 'es, nak tajle ni Sinia', jlampet ni iyoyi siunie je 'es, nak je itiant'ieje pi Sinia'.

3 JuanMary Thureson 1:3

Je jlase' ni awo ti ts'ajkaj'ni ti ajieye'a, ti ijwilk'im'ni siojopo ijiok'i ni siunie jiwo ti ataj je lie'ne ki iyo naka ijiatk'i.