Gálatas 6:1 - Sinia' Jlamtis 1994

¹ I'lijwas, siuti ji'wena' ni akiecha ti iniuyiji'n jayo ti iyoyi siunie je 'es, 'yina asa'am ti int'onieyi pijia'm jana Sinia' jikimet, p'elisina', nejia'n pijia'm. Noyeje 'nakayi ti jaleyi ni siunie je 'es, sekyi'i janapilieyinie'e ni siunie tijnajyi ka woyi. 'Yina joskiye, nilesaniji ja 'nakayeyijna'a ni siunie inkajejlasaye ja ke inkajli pet.

Gálatas 6:1 ပူးပေါင်းရင်းမြစ်များ

Mateo 11:29

Kima'yi ilia'm siunie tejeye pet naka inkijmaye ti kiojieti, ena'yi astepe'e. Ni'neyasanayi siunie aniwone ti akama, ti je anitonit. Jant'eminajna'a ka 'esie ka inajape'n ni asak'al, jankamajana'a.

Mateo 26:69

Pedro yijin'ni kisie'e, je 'esiji ti tajla 'niji jlaja i'nioki ti inkawoki ti ijioyi, sekyi'i iyone'ne 'ate: —Am 'neje ti jlek'ijin'ni jaka Jesús Nazaret jlele.

Mateo 26:75

Sekyi'i ti Pedro jiwekie'eja ti jitiej wujk'i siojo iyo ja Jesús, ti iyo'ate, “Ka majleyetajna'a ka inap ni ajwenta, ja najapajayiji ka nikakiu'ni ti jajwel ka je intant'iek'i.” Pedro sekyi'i ti yama ti tal seka'a, yap kajeyepa a'tieje pi iyo.

Mateo 9:13

Maye'ni, ni'neyasanayi siunie iyoyi niwak Sinia' jlamtis t'ipi ti iyo'ate: “Kap'ijliuskiye, nak awojonk'iye. Siunie ti jilianajyi'n niwa wakiajas ti jijwejla ka siwunitie, nak je awojonk'iye.” 'Yina siuti ana'am, je napok ka iniame napo isis, 'wenajliyi jla'am ti aname napok siunapo inkeyis jiliajnis.

Romanos 14:1

Jlampet siunie akiecha ti jijweye je t'onik'i siunie jitienkiujnieye ti po', lesanayiji ti jakima'yi ilia'm, 'yina ká ayeyiji siupa jitienkiujnieye iyone.

Romanos 15:1

Siuti sa'am ti jwamjla'a ni awoki, ti sijweye t'onik'i siunie sitienkiujnieye ti 'es, 'esiji ka initojmataja sa'am siuniwa 'najwes t'a'ti, ka yina sa'am sitipe'e, napoka ti kasjwanjliyik'i ti awoki siunie ti atankiunieje pa Sijwajieti. 'Yina je 'esiji ka ijwienkitak'iyi siunie ti sa'am ti kasteliaja ka iyoki.

Romanos 8:6

Jlampet ti 'o'we' siuniwa ti ya'am emink'i ka iyoyi, niwak soyiji jana 'najlati. Jlampet ti janiwakaye siuniwa ti tajle janak Sinia' jikimet ti jayoyi itienkiujnieyeja', nak iyo i'wiesankiyeja', jla'yi ti iyo ikamankiyeja'.

1 Corintios 10:12

Jak je iyoyiji siunie ijwil ka t'onieyi, 'esiji ka wujwa ka intoskiye pet, 'lojwinie'e ka inekk'i isia'm pet.

1 Corintios 14:37

Siuti po' siunie ti ijwi'il Sinia' jikimet japaka ti yamtijie'n, ni'ne ka nijwe'el ka poye siupa Sinia' i'winkina ka injlasate pet papo ijia, ja 'najane'eje pet pa janwone siunie iyo, siu'neje iyo ni ip'isinik naka jikajluniet jla'am pa Saka'niona.

1 Corintios 2:15

Jlampet ni i'nio' ti siojona Sinia' jikimet ti yiji, naka pet ti 'yijene pi iyone ti ijliuyeje pa ti k'iejlitieje pa ti iyoyi wikie'eyi niwa wask'i'nelaja, ti je yits'e paka injwel ka k'iejliyeyi paka woyi.

1 Corintios 3:1

I'lijwas, ijiate ti je 'esiji ka iyone 'ate siunapo i'nio' ti Sinia' jikimet t'eyasajnas, ti amtiyeta'asempe. Tepa jawo ka kiak je iwo ti je liyeyi ti jikiniets'i siunie iyo ni yi' ape'e 'ni ajnat. Jlampet siunie astankiujnieye ti jlena'yi pi Sijwajieti, iyoye'ate napo kia'lis pi jitienkiujnieye ti potie ti je 'esijiyi.

1 Corintios 4:21

'Yina, ¿ten siupa jayo'nase ti nak jajiojwi, jot'e ka yik ka yeja'ni aswa'am, ni'ne ka najataja jla'am ka itiu'niase ni yimijnaye siu'neje ni ikap'ijliuskiye iyo?

1 Corintios 7:5

'Yina ká akawoye siunie iyo ka woyi ni ak'iemjla, siu'neje ti a'am ti asejnia'a'm. Siuti po' jana jloma ti kiak jawoyeyi, ti jawoyeyi ni asts'ajlaye, 'esiji ka ijnojlie wita'm, ent'a jawoye 'ate, “'Esiji ka anilayiti kiu wata'a ka je akienk'i'm, kiak jayo'ojyi pet ti ya'am, kajeyepa ti jayoki ni ts'ajlaye, jla'm ijiate ka pajata wata'a.” Jlampet ti 'wenayi siunie jiwoyeyi, ijiate je sitiana' ka kiak awoyeyi, ti jinikiujlie'ni ape'e. Ijiatjliyi siuti yamata 'niji siunie ti it'imina ti kiak jiniwonayi, sekjane'yi ka ekiajla'ayijna'a siunie jiniwonayi ti 'nelanjie'e, iyo napo jijwa'yis po'. 'Lojwinie'e ka sitiejiejwa imosik inkajla', siuti kiak jawoyeyi, ti ja ke alesanayik'iyi siunie jiwoyeyi ti ajwa'yis po', sek jantaj'le ka awayeyinie'e siunie aske'.

2 Corintios 10:1

Siuti ya'am ti Pablok'i'm wuj ti anip'elisi'niase, 'yina etijnape ki iyo ni Sijwajieti jikap'ijliuskiye ti je yi'n. Po' siunapo sijwe'el ti a'yi aska kiowe'e 'yotale je t'oni paka k'iejliyeyi, jlampet ti sitiojwatajk'i 'yotale t'onie'eje ti ajwe'el pi k'iejliyi.

2 Corintios 2:7

Jlam'ne 'nakayi, 'esiji ka inkiwaliyeyi'i siupi jitis iyo, ja 'wenajliyi ti janoyeje, 'lojwinie'e ka ijiatayiji paka iwoyi ka inka'm ape'e siupi iyoyi, ti tajleje siupi jijliak'ali ti je jlase'.

2 Corintios 2:8

It'imina ti ajlo'wase'm ka ekiajlayi'i siupi jiwoyet'iyipi ti 'nelanjie'e, ti wuj ti i'namajayi paka.

Gálatas 5:23

Je initonit pi i'nio'; to'm ilia'm siuniwa inkajejlasayejes ti tajle siunie 'nisie'n iyo pit. 'Yina lajk'ipa ka inka'neyasajnayeja' kanjwe'el ka inta'yi ilia'm 'niwaka.

Gálatas 6:18

'Esiji ka Sinia' jikap'ijliuskiye inejyits'i niwa askiojwa'l. Amén.

1 Tesalonicenses 4:1

'Nakayi japo i'lijwas, etijnape pa Saka'niona Jesús jle', ti sa'am wuj ti anip'elisina'ase ka je aleyeyi ni siunie iyo ni pajk'i ti 'eyasanayi, siunie ti Sinia' yimink'i. 'Ejie'nase'm ka je aleyeyi naka kawoyeyi.

2 Tesalonicenses 3:15

'Yina ká ata'yi ilia'm, kajeyepa ti je 'wenayeta askiecha 'wenajliyi ti jajloyeyi'ni. Jloyeyi ka je inkakiu ni siunie amtiyi.

2 Timoteo 2:25

Ja ke initonit ni i'nio', ti iyoyeta jlosikie' siunapo teje'yi ilia'm. Janejejwijyi'n pet k'iye ka Sinia' inoyeje ka wo 'niayija napoka kawoyis jlosikis ink'iejyisa', jla'yi ka intant'ieje ni siunie ti ijiatk'i,

Hebreos 12:13

Noyets'i siunie 'nayi ti tijnajyi, 'nakayi ti siuti janok'i siunie iyo'ate ni jisiet je 'es, ja 'esieyi ka nok'i, kajeyepa ti jajnajyi'ne pi jisiet ti soyojia'm.

Hebreos 13:3

Astaj wunitieyijpe siunapo yi' insat jiweje, askiowe wonayi 'ate ti ijiateje ti aslaye iniuyi wita'm ti jleyejyi janak insat jiwe. Astaj enayijpe 'ate siunapo ti ijia ne'wajamk'i ni siunie tiwonaja kajeyepa ti ent'a ja kiak tiwona'ase ni siunie tiwonaja.

Santiago 3:13

Siuti po' ni ti asa'am ti 'yije'en, jla'yi ti itiant'ieje siupi 'es siu'neje ni je 'es niwa wask'i'nelaja, 'esiji ka je inijweki ti jlam ti 'yakajli ti iyoyi ni 'es. 'Esiji ka je initoniti siunie iyo ni 'yijene.

Santiago 3:2

Awoyi ti kajeyepa ti je ijwienjli paka je inkameje'n siunie iyoyi, kaswikie'eyi. Jlampet siunie ti je 'yakajme'n siunie iyoyi, nak ijiate ti 'es ni i'nio', nak 'yijenayi pi iyone pet ti to'm ilia'm ni iyo ni t'isie'n.

1 Pedro 3:15

ja'wenajliyi ti ja ekiajlayi niwa asosikis pi Sijwajieti, jonitie ti jla'am. Niwakajlanitie ta'a ilia'm siunapo jan'yasajyi'n ki iyo ti po' ni asnejejwijiye.

1 Jn 5:16

Jane'yi pi i'nio' siuti jan'we'en ni jikiecha ti iyo ni jike' ka jeye wata'a ka nejia'm siojona 'najlati, 'esiji ka'najlan'ni. Sekjane'yi ka Sinia' in'manitiena'a ni jikiecha siuti jakeye wata'a. Po'o siunie inke' ti yame siojona 'najlati ni i'nio' ni iyoyi, it'imina ti awo'ate je jikie' ni 'najlaye ape'e ni i'nio' ni iyoyi.