Gálatas 5:3 - Sinia' Jlamtis 1994

³ Jayikiajle'eje k'iye siunapo ti kiak iniwone ti t'isie'n jiwa yiwa'a, ti je 'es 'neje pet ka je ilesaniji wikie'eyi siunie iyo niwaka iyo ka tiwoki ni Moisés jika'neyasajnaye.

Gálatas 5:3 ပူးပေါင်းရင်းမြစ်များ

Mateo 23:16

“¡Aswet'ia japoye, ti asa'am ti jinianajyi'n k'iye napo i'nio', 'yina jlam 'neje kiak jiwoyeyi pet ti asa'am talojo'ase'm! Siuti po' ni i'nio' ti inijwele jitieyi'i ti yite'n pa Sinia' siupa jawoyi, yi'i jana Sinia' ji'wuk yi Jerusalenne, nak jijwelaye'eje ti laj lajaye siunie iyoyi ti tamti. Jlam'ne pet ti janakayeta jana wikinie maja ti 'najli ti yitinata, yi'i jana Sinia' ji'wuk, nak kiak jiwoyejyi ti jijwela', “'Esiji lapakawo ti laja po' naka, tepa kawo ka jla'm iwoyi.”

Mateo 23:18

Siu'neje ti po' naka ti yite'n jana altar ti potie pi k'iejliyi ti janwo, sekyi'i ti kiak jiwoyeyi'ijyi ti jijwela', “Lapakawo ti laj lajaye, niwak siuniwa iyo ni i'nio'.” Jlampet siunie ti yite'n siojona tiwoki 'wajieta' pa Sinia' ti yi' ape'e jana altar, nak kiak jiwoye'ijyi ti jijwela', “Jla'm ijiate jla'am niwak inamtis ti laja po'. Tepa jawo ka jla'm iwo ti ijiatk'i.”

Lucas 16:28

ijwienjli sikio' itij'we japo i'niayi ijwienjliyi sekyi'i, japoka'ne japo ka 'esieyiji ka injloye'ni ka 'najanisi pet ti je 'esiji ka 'nak ijnoyits'i, siu'nie ji'wet 'ni inlaye.

Hechos 15:1

Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.

Hechos 2:40

Pa'a ja Pedro ti tamti, sekyi'i ti kiak t'ipa iyoyeyipi ti ijliuye papo: —¡Tajlayi napok i'nio' ti je isis! ¡Nijwajieta'!

Hechos 20:21

Je sikip'e ti ajwejla'm napo Judíojos siu'neje napo je Judíojos, ti awone 'ate, “Woye asosikis ink'iejyisa', tankiunieyi pa Sinia' jlas Jesús.”

Romanos 2:25

Ijiatk'i siunie ti its'iuye naka inka'neyasajnaye, 'esi naka ni siunie tiwonaja ti t'isie'n jiwa tejwak'i. Jlampet ti je k'iuye ka wo lajaye, nak 'yiniye pet ka siunie ajwel'ni ka lajak'iyi paka ine'ya.

Gálatas 3:10

'Yina wikie'eyi siunapo jitiej iyoma siuniwa yiji ni Moisés jika'neyasajnaye, ti ijwil ka 'esie, lajk'ipa ka tiwonaja ti jiwet'ia yi' ape'e. Siuti iyo'ate niwaka inamtis t'ipi, “Je jlase' ni jiwet'ia jawoyi siunie i'nio' ja ke ijiatayi ka woyi siuniwa iyo ka tiwoki ni inka'neyasajnaye.”

Gálatas 5:2

'Yejne'n, ya'am Pablok'i'm ti jayo'ate ti jajwi'lase'm, siuti kiak janiwonayi 'ate iyo napoka yame pet ki iyo napo Judíojos, ti t'isie'n jiwa tejwak'i, ijiate siunie Sijwajieti ja ke insisieyi'iji pet.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Efesios 4:17

Siu'nie jayo'nase, ti jajliu'wase'm, ya'am ti Saka'niona ji'lij iliyi ijiap, wuj ti 'ejie'nase'm ka je akiniejets'i siunie jike' iyoyi napoka ti je tajliyi ni siunie je 'es. Ti ijiate ti iyoyis jlajaye ni jitienkiujnieye, jlam'ne je iniuyeje paka ne'yi pa, kajeyepa ti je 'es,

1 Tesalonicenses 4:6

Wuj ti je 'esk'i naka ka kiak iwone pi jikiecha, naka siunie ajwe'el, siu'neje ni ka ink'emijiete pi jikiecha paka k'iejliyeyi. Saka'niona jla'am ti jawo lajaye niwaka wask'i'nelaja kia'iyo, iyo siunie ti pajk'i ti ajwe'lase'm ka je inkiwaliyeyi'i.

1 Jn 4:14

Sampe ti a'wena ti Sinia' ijliuye ni jlas ti iyoyeyi ka injwajiete'n napo i'nio'. 'Naka'ne ti awoki samtikie'ase.