Gálatas 5:24 - Sinia' Jlamtis 1994

²⁴ Siunapo Sijwajieti Jesús jikawos pet, napoka ti pajk'i ti its'iejwatis pijia'm niwaka siuniwa jikeyis ji'yusis, siu'neje niwa iyoyisi ti itiliajasi ti wuj ti je isis.

Gálatas 5:24 ပူးပေါင်းရင်းမြစ်များ

Romanos 13:14

'Yina woye asp'ota' ni Saka'niona Jesús ti Sijwajieti ti jatojmata'yi ilia'm ni inwak. Ká awoye 'weta' siuniwa 'yijijiene ni 'assie'n ka woyeyi.

Romanos 6:6

Kasts'ajane pa awonaja ti siojokia si'wasankiye ti inia'an ti paj jiliaye iniuyi pet wita'm pi Sijwajieti ti tik'iejwata'a japa cruz, 'nakayi pet siuniwa ti kasteliaja ka iyoki ti talts'e ja lajana'a jijweyeja' pet, sek jane'yi ka siunie inke' ja ke iwoyeyijna'a jikipijnasats'e'm.

Romanos 8:13

Siuti mawat je liyeyiji niwak askeyis, jijwelt'e ka in'wasanajyi'n; jlampet ti janak Sinia' jikimet jakienayi ka tejwa'yi 'yina ja i'wasanajyi'n pet.

Romanos 8:9

Jlampet ti asa'am ti jiliyeyi siunie ti jiwoyeyi siunie ti inteliajayi kajeyepa ti janakata siojona Sinia' jikimet ti it'imina ti jik'iuyeyi siunie iyo ka woyi, siuti ja ijiatayi ka siojona Sinia' jikimet ine'yasap. Siunie ti lajk'ipa siojona Sinia' jikimet ka inejyi je naka Sijwajieti Jesús ka intajle.

1 Corintios 15:23

'Yina jansesk'i siunie janwoyi niwaka. Siunie iniane paka Sijwajieti; siunie tomik'i naka ti Sijwajieti janapimet, sekyi'i napokaye pet siunapo jika kia'lis jla'am.

1 Corintios 3:23

Jlampet ti asa'am nak Sijwajieti ti jikimet'ase'm, jlampet ni Sijwajieti Sinia' jikimet pet.

1 Corintios 6:13

Siunie jikiecha iyo'ate, “Siunie sak ijiojwa'm pet jla'a sits'i', jlampet jana sits'i' tejeye pet siunie sak.” Nak je takakiunieje ti kia'iyo, 'yina jane'yi jana jloma ti Sinia' janetiajnat niwaka. 'Yina 'wenayiji pet siunie, ti siunie i'nio' ni iyo ti je ilisaniji ti tijwa'yi; kajeyepa ti je naka ka Sinia' kia'iwone ka intaye siunie ts'isie'n, 'yina tejeye pet siunie Sinia' iyo ka tiwoki ti 'es.

2 Corintios 10:7

Awo'ate, 'yena niwa siuniwa wask'i'nelaja 'yaka 'nakayi. Siunie i'nio' ijwil ka ijiatayi ka inoyeje pa Sijwajieti, 'esiji ka jitiej inene 'ate ti siuti sa'am, sam'neje ti anokieje ni Sijwajieti.

Gálatas 2:20

'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Gálatas 3:26

Ijiatjliyi, siuti je kakiuye pi Sijwajieti ti jini'nopijietayiji, sek jitiajla'yiyi ti inwikie'eyeyi ti jilists'ase'm pi Sinia'.

Gálatas 3:28

'Yina je a'yena ka Judío pa, ni'ne ka nakaye ni je Judío. Je a'yena ka inkipinikie' pa, ni'ne ka jeye, siu'neje ka ayinieja' pa, ni'ne ka asejniaye japa. Kajeyepa siuti jini'nopijietayi ni Sijwajieti sekyi'i ti ijiatayi ti injwanjliyeyik'i.

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.

Gálatas 5:20

Po' napo yamisi siunie iyo niwa sisajma'l ti tewitanajak'i pi k'iejliyi ti iyunitis, siu'neje ti yame ti iyo aye'wula. Ne'wajamk'i napo ijia, yimi'n ti iniewiti napo ijia; jla'yi ti elijietas; jijwesi je tojwits'i; takalakijiejne'n; 'yakajyi'n napo ijia ti ijwienjli yita'a.

Gálatas 6:14

Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.

Efesios 3:1

Jak je iyoyiji ti sa'am ti Judíojosts'e'm, siu'neje ti asam pet ti je Judíojosts'ase'm, ti Sijwajieti Jesús kasts'opijietk'i wita'm. Siupet ti ya'am Pablok'i'm je paj ka iliyi ti 'ajlana'ni, ti a'ne yi'i jla'a insat jiwe, 'yiniye ka jlama pa Sijwajieti ka siwojwa'n jikipinikiek'i'm, ti ts'otie a'laja'm astepe'e.

Efesios 3:11

Ka 'wena iwo wata'a siunie iyot'iyipi ka iwo ti 'nelanjie'e, ti je paj kant'eki naka ni siunie 'yakaja 'nakayi ti Sijwajieti Jesús iyoyi.

Efesios 3:6

'Naka siu'nie ti Sinia' ip'io'n ape'e ti ka lajak'i niwa Sinia' jlamtis ti ijwi'il ni injwajieti. It'imina 'nakayi napo ti je Judíojos kia'iyo jikimetayis pet siuniwa isis wask'i'nelaja tajle pi Sinia' ti jla'm ilisan'ni k'iye napo jilis, iyo'ate iyo napo Judíojos. Je pi iyoye 'ate ti pajk'i, ti ijiate ti 'wenayiji ijiaja napo Judíojos. Jak je iyoyi siunie Sinia' pajk'i ti ijwil'ni, kia'iyoyeyi pit tijnaye'e pet, 'yina ti pakayi pet ti Sijwajieti Jesús iyoyeyi siupi iyo.

Colosenses 2:11

Siu'neje ti jini'nopijieteje ni Sijwajieti, Sinia' ijiut ts'iji siuniwa ti asa'am ti taj'lase ti inteliajayi, siu'neje niwa askeyis ti je isisi. 'Yina kiaka siukia iyoyi, 'yaka'm ape'e siunie i'nio' jilisanik iyont'iyipi papo Judíojos jilis ti ayijnies, 'yina 'yaka ti t'isie'n jiwa ja siupa tejwak'i, sekyi'i titietajayi, jak je iyoyiji pet ti jiliyeyi kiwa askeyis, 'yina naka'ne pet ti 'esi niwa asosikis.

1 Pedro 2:11

I'lijwas, asa'am ti yimijna'yase'm, wuj ti anip'elisi'niase, ti je t'ikiyejli'yi kiu' ape'e siu'nie ajnat ti je ijiat ka as'weta. Ka je awoye 'weta niwak siuniwa je isis ti jlomas ti inteliajayi ka woyeyi ti teje'yi ilia'm ni siuniwa asosikis.