Gálatas 5:22 - Sinia' Jlamtis 1994

²² Jlampet siuniwa tajle janak Sinia' jikimet naka ni inemijnaye ti ijiatk'i, inikanitiejeye, inkamankiye, siu'neje ti je inip'elisin'ni pa ti k'iejlitieje pa ti jiwet'ia iyo; siu'neje ti jlosik po' ni i'nio'; wuj ti takap'ijliuski; jla'yi ti intaj tiwomaja.

Gálatas 5:22 ပူးပေါင်းရင်းမြစ်များ

Mateo 12:33

“Siojona a'la' ti 'es isis pet niwa jla', jlampet siojona ti je 'es je isis pet niwa jla'. Jla' niwak 'yakajanit jana a'la' ti je 'es, ni'ne ti 'es jana a'la'.

Lucas 13:9

Ent'a ka jiwekie'ejana'a ka iwo jlaye. Siuti ja ke iwo jlaye, ijiatayijijna'a ka ajwaja.”

Juan 15:16

Je 'nej 'ninta ka asama ka akimak'i'm, ya'am ijiate ti aki'mase'm. Sekyi'i awo'ne ka ijliuye ka akinie'ni, ka je piniye siupuwa ka asaye ka intajla aswa'm ja ke int'eki. Ja'nakayeyi pet ni Inia' ja k'iejliyeyi siupi jisitiana' ti ja 'ajlayi, janwe'nase'm kajeyepa ti jasetina.

Juan 15:2

Siuti i'wi'in ni jik'as ni je 'es, je iyo jlaye, nak ijwiejaje. Jlam pet siuniwa jik'ase'l ti isis ti iyo 'ni jlaye, niwak ijiatayiji ti i'yena, sekyi'i ti yisitak'i ilia'm ti ilisa'n.

Juan 15:5

“Ya'am siojona ts'ejniek jit'io, asa'am ti jik'ase'lase'm. I'nio' ni je paj kanleyi ti ini'nopijietk'i, siupet ti ya'am kia'iyojliyi ani'nopijiet'ase, nak poye niwa tajla'm siuniwa isis ti iyo, niwak siuniwa jla'. 'Yina siuti siliejk'i je ji'yakana' paka woyeyi.

Romanos 14:17

Kajeyepa siunie jika anechijiayas ni Sinia' je naka ni siunie titiuwa paka k'iejliyeyi, 'yina ni'ne ka nakaye ni siunie ti'yaki. 'Yina jla'm ijiatayi jla'am siunie ti ijniejieti ni i'nio', siu'neje ni jikamankiye ni i'nio', siu'neje ni jinikanitiejeye ni i'nio' ti po'. 'Yina niwaka ni siuniwa tajle pit jana Sinia' jikimet ti 'es.

Romanos 15:14

I'lijwas, awo'ate: 'yakaja'ase'm ti lajk'ipa ka k'iejliyeyi ka je 'esie ka ne'yase, lajayi'ni ni ji'weta' ni siunie ti 'najanajyi'n, jla'yi ti 'najanayi ti jinijloyeyik'ijin'ni ka woyeyi siunie ijnosik ti 'es.

Romanos 15:3

Janiwone 'ate siunie iniwont'iyijipi pa Sijwajieti ti je iyojyi'n siupa ka 'esieyi ti jla'am, 'wenajlit'iyijpe ti jla'am ti it'imina ti 'yakajak'iyi siuniwa Sinia' jlamtis ti iyo'ate, “'Yaka'niona, siuniwa jikalakijnieye napoka i'nio' atajiejwas ti inlaki, yi' itipe'e.”

Romanos 15:30

I'lijwas, etijnape pa Saka'niona Jesús ti Sijwajieti, siu'neje ni semijnaye ti Sinia' jikimet ti 'es iwints'e'm, 'ejie'nase'm pet ka ni'nopijietak'i siu'nie ti anila'an, jla'yi ka ts'ajlanayi pa Sinia'.

Romanos 6:22

Jlam'ne 'nakayi jijwayejyi ni siunie iyo'nase ni inke' ti inla'nitiejyi'n, jiwoye Sinia' jikawosa' ti jiniuyeyeje ni jikijmaye. 'Yina jla'm ijiate jiwek jla'am ti i'nesieyi, kajeyepa ti nak jitiajlayi ti 'nelanjie'e insisie, yiyi ts'iji Sinia' i'notata, jla'yi ti nakaye pet ti iwi'nase'm jana as'wasankiye ti t'o'n.

Romanos 7:4

'Yina kiak jiwoyeyi pit, i'lijwas, ti asa'am ti aslaye iniuyeyi wita'm pa Sijwajieti ti 'ya'al. Jlampet ti asa'am masests'iase'm jitieyi'i nak inka'neyasajnaye, 'yina ti jleye kiajwe ni jikiecha aska'niona, naka Sijwajieti jla'am ti iniu kisie'e ti tajli pi a'no'. Jak je iyoyiji ka iyokieyinie'e ni 'es ti janiukieje ni Sinia'.

Romanos 8:5

Siunapo i'nio' ti iyoyi jijliak'aliye siuniwa ti tajle ni i'nio', niwaka jlampet siuniwa ti itiliajasi ti iyoyisi jitienkiujnieyeja'. Jlampet siunapo ti yimi'n ti its'iuye janak Sinia' jikimet, niwakata pet siuniwa tajle pit naka ti iyoyi jitienkiujnieyeja'.

1 Corintios 13:13

Najape siuniwa ti ja ke paja ka inetia'n: niwaka niwa, intankiujnieye ti 'es, inejejwijiye, siu'neje ni inemijnaye. Siu'neje na ti ijiate ti 'yaka'm ape'e niwa ijia naka inemijnaye.

Gálatas 5:13

I'lijwas, asa'am ti Sinia' ta'nase ti iyo ka wo'ate siunapo i'nio' je inkipijnas. 'Yina ká awoye 'ate, “'Esiji, 'nakayi jayoyi siunie awo ka yoyi.” 'Esiji ka emina' napo as'lejwas jla'yi ti janip'elisina' ja kiajatak'i'ni, siuti akiecha insetia'n noyeje kiak jawo'ojyi pet ti a'am janoye'a'm.

Efesios 4:23

'Esiji ka woyepe ink'iejyisa' niwa asosikis, siunie astankiujnieye kia'iyojliyi.

Efesios 5:9

'Yina siuniwa jla' iyo jana kates jla'al naka ti jlosik po' ni i'nio', siu'neje ti tiwoki siunie ti tijnajyi, siu'neje ti ijiatk'i.

Filipenses 1:11

'Yina kajeyepa ti ja impo'ase siuniwa jawoyeyi ti jantajle pet siunie 'es ti jawoyeyi, ka lajak'i ni Sijwajieti Jesús, jant'emina ti ja tiwunitie pa Sinia'.

Colosenses 1:10

Jak je iyoyiji siuti kiak jawoyeyi, sekjane'yi jawoyeyi siunie ji'niayi iyo napoka Saka'niona jilis, jla'yi ti janikanitie'ni ti kiak jawoyeyi ti jawoyeyi siunie 'es, ti jantajla'm siunie askijmaye. Sekjane'yi ka ijiatayijna'a ka intant'iejayi ti jla'am pi Sinia'.

2 Tesalonicenses 3:2

Jwelayi pi Sinia' 'nakayi siunapo i'nio' ijiate ti jwesis, siu'neje napo je iyoyi niwa Sinia' jlamtis, ja lajak'ipe pa inwonts'e. 'Najanayi pi jiwonayi ti je wikie'eyi napo i'nio' ka jitienkiujnieye poye ka ijiatayiji ka je inkakiuyis pi Sinia'.

1 Timoteo 3:11

Kia'iyojliyi napo asejnia ti iniuyeje pi Sinia' ni jikijmaye ja ke jiwekie'eja jana i'nioki. Janapokaye napo ti je yimi'n siuniwa ye'laja jiniliaja, je nesi'li'yi pa k'iejliyi, 'wenajliyi ti i'ye'en. Je tak'emiyeje wek siupi k'iejliyi ti iyo ka woyi.

1 Timoteo 4:12

Nilesaniji, 'nakayeyijna'a ti ja lajak'i paka injwel ka laja lajaye siunie jiwoye, ti a'm ti jwemik'ia'm. Siunapo Sinia' jilis ti jan'we'en siunie jiniwoneje, ti jlamtiyeta ape'e napo i'nio', siunie akijmaye ti 'es, siunie emijnaye, siunie atankiujnieye ti 'es, je 'es ka woyi paka k'iejliyeyi siunie je 'es, ka kiak iniwonisieyijinie'e pet.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

1 Pedro 1:8

Ijiate je 'wenayeta pi Sijwajieti Jesús t'ipi, 'yina je woyejliyi ti i'namajayi; siu'niwa jlomas kia'iyojliyi, je 'wena pi k'iejliyi, 'yina jikiniejliyi jiwekie'e ti jitienkiunieyi. It'iminayi ti wuj ti inkasajyi'n, lajk'ipa ka k'ieyeyi ni asnikanitieyi iyo, ti je ti'niejenaja paka tiwonaja ka tijwelajak'iji'n.

1 Pedro 5:12

Isiecha 'ni iniuyijk'i'm ti 'eti' siu'nie imp'esinik ti je itioyi'i siu'nie awoyi, 'naka Silvano. A'we'en ti ijiate wek jla'am ni iyo. Awotajank'iye ka 'yijijie'nase'm wikie'eyi siuniwa yiji 'ni ip'isinik ka ikajanitk'i ask'ioye siunie ti Sinia' wuj ti imp'elisina'. Kia'iyo, ká aleyeyi siunie jiniwonayi ti jleyejyi siunie jlemijnaye ni Sinia'.