Gálatas 5:2 - Sinia' Jlamtis 1994

² 'Yejne'n, ya'am Pablok'i'm ti jayo'ate ti jajwi'lase'm, siuti kiak janiwonayi 'ate iyo napoka yame pet ki iyo napo Judíojos, ti t'isie'n jiwa tejwak'i, ijiate siunie Sijwajieti ja ke insisieyi'iji pet.

Gálatas 5:2 ပူးပေါင်းရင်းမြစ်များ

Hechos 15:1

Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.

Hechos 15:24

Ajieyeje ti po' papo ijio'wase ti tajla'm jla'a si'wet ti je inena'yate, ti injlak'alitie siunie iyo niwa inamtis jiniliaja ti inkajyina siunie astankiujnieye iyo. Je sa'am ka intalts'e siunie iyoyisi.

Hechos 15:5

Po' siupapo Fariséojos ti yame pet siupa Jesús iyoyi. Papoka'ne siupapo takasitk'i ti iyoyis 'ate: —Siunapo i'nio' je Judíojos, 'yina ti iyoyis jlosikis ink'iejyisa', 'esiji ka woyi siunie Moisés jika'neyasajnaye, ti t'isie'n jiwa tejwak'i.

1 Corintios 16:21

Je 'wena paka i'nio' kiechaye ka inlesane siu'nie imp'esinik, ya'am ti Pablok'i'm jikajwukis siu'niwa.

2 Corintios 10:1

Siuti ya'am ti Pablok'i'm wuj ti anip'elisi'niase, 'yina etijnape ki iyo ni Sijwajieti jikap'ijliuskiye ti je yi'n. Po' siunapo sijwe'el ti a'yi aska kiowe'e 'yotale je t'oni paka k'iejliyeyi, jlampet ti sitiojwatajk'i 'yotale t'onie'eje ti ajwe'el pi k'iejliyi.

Gálatas 5:11

Jlampet ti ya'am, napo i'lijwas, siut'itie ka kiak iyo ka je iliyi ka iyo yamtikie' ka iyo'ate, “Siunapo i'nio' itienkiuni pi Jesús ti je 'yakakiu, je 'es pet ka kiak je iwoyi ti ja jijwa'al tejwak'iji'n”, ijiate ka tilikietak'i siunie tiwonak'i, sekjane'yi siunie ajwe'el ti Sijwajieti tik'iejwata'a japa cruz ja ká ani'na'tinietieyi.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

1 Tesalonicenses 2:18

Je ajwela ka je iyokieta'ni ka naj, 'yakajlitieje ti yamata ti ya'am Pablok'i'm anijnalasata wata'a, 'yina ka lajak'i pa sitiejiejwa imosik ti tom'ni sik'ioye.

Filemón 1:19

Ya'am Pablok'i'm, ya'am ti 'eti' siu'nie, ajwel ti janitojmate, jlajme awo ti jatis. ¡'Yina je ayiji pit, ka itiej iyunitk'i ti kiak jiwo pit akapia' yik'i, ates yi' ijyilia'm!

Hebreos 4:2

Kajeyepa ti kiak awoki ti tiwok saka'niyejats'i ti tijwelats'e niwak Sinia' jlamtis ti isis, iyot'iyipi papok i'nio' ti tijwelaja. 'Yina siupi its'iuyistiejesi je isisiji'n, kajeyepa ti je iniwome siupapo ti ijiate ti jitienkiujnieye po' ti iyoyi.