Gálatas 4:3 - Sinia' Jlamtis 1994

³ Siuti pajk'i sa'am kiak awoki, iyo napok kia'lis ti ajwel'ni, awak kiajwe siunie jijweye iyo pit niwa je 'yaka pini' yiji ni jloma ti iyo jikipijnasats'e'm.

Gálatas 4:3 ပူးပေါင်းရင်းမြစ်များ

Mateo 11:28

“Joniemit wikie'eyi siunapo ti jikanowe iliajne'n, jla'yi napo inkijmayewos ti je tiuma'yi ilia'm ni askijmaye jla'yi niwa asjloye, nak jawaye'yi ka yajapanak'ijinna'a.

Juan 8:31

Jesús iyonayi'iji 'ate siojopo Judíojos je 'yakakiuyis: —Siuti ja ke aleyeyi siunie iyo niwa yamtis, asa'am ti ja ijiatayi ti 'yiyasajna'yase'm.

Hechos 15:10

'Yina ¿yot'iyi'ni ti jlejlita pa Sinia' ti jitilkinayi napo jilis siunie je akajlaja ka yoki, jla'yi papo sitiselt'ipi kiak iyoyisi je ikajlisi?

Romanos 7:14

'Yina jlam'ne kasts'ajane ti siunie Moisés jika'neyasajnaye Sinia' ti jlamtis niwaka. Siuti ya'am ti i'niok'i'm, 'yina jikijmaye iyo pit ni 'isie'n, 'yina 'naka'ne pet ti siwe'en ti sekiajla ni inke' iyone jikipinikiek'i'm.

Romanos 8:15

Kajeyepa ti siojona Sinia' iwi'nase'm, je ka iwo'nase jikipijnasa' ka sek ine'yi ka ekiajlayi'ijyi ka je injweyejyi'n. 'Yina janak siojona Sinia' jikimet ti inwojwana Sinia' jilisa', 'yina janak awoki si'niayija' ti awok'iate ti a'yasaja, “Inia', Inia'.”

2 Corintios 11:20

Jininenayi 'ate ti tiwoki inkawosa'ase'm ti t'ajla'ase'm pi k'iejliyi ti inlakiye, siunapo ti je iyo asjaye, siu'neje ti impajatie.

Gálatas 2:4

'Yina po' siojopo i'nio' ijwil ka Sinia' jilisa', 'yu siwa'm ti anojokk'i wita'm, ti je inikajanitts'e'm, 'yina takajla'n sikiajwe ti isiowal'ni sek'i, ti iyo ka kaspe'ya siunie ajwela ti sa'am ti akiniek'i ni iyo pi Jesús. 'Yina ti naka ti iyoyisijyi'n ka intajlatts'e'm, jla'yi ti jawoyisi jiwek ji'niayija', ka kasjlojiene ni iyo pit ni Moisés jika'neyasajnaye siuniwa 'yijie'ne ni i'nio' ka woyi, ti iyo ka wonts'e jikipijnasats'e'm niwaka wask'i'nelaja siuniwa ti Jesús pajk'i ti kasjwajiete.

Gálatas 3:19

'Yina ¿tempa tejeye nak Moisés jika'neyasajnaye? 'Yaka ti je jla'am ka na'an ka poye, jlam t'opijietaja wek siunie ijiate ti inia'an, ka 'nakajanit pet ape'e ni siunie inke'. 'Yina jijweye po', jak je iyoyiji paj ti yiyeyi siojona jloma ti 'nesa pet ni siunie tajla'm pi Abraham jika kia'lis, jla'am ti tijna'yi siupa Sinia' ijwil t'ipi. Pak inka'neyasajnaye t'ipi papok tijna'yi pet papo injlojwajnas poli jlele ti ijwijla'm pa Moisés, sekyi'i Moisés ijwilayi pit papo i'nio'.

Gálatas 4:2

Lapakawo ti po' siunapo i'yena siupuwa ja jikijmatisa' paj ti yiyeyi pa jloma yitijni k'iye jla'am pi jinia masa, ti isijliyetaja.

Gálatas 4:24

'Yina po' siuniwa ijwi'il ti 'yakajanit ts'ijiye. Siupapo times asejnia times pet siuniwa 'yakajanit ti ijwi'il siunie Sinia' jawoyi. Siojopa tikijnaki Sinaí japak ti'yenajap pet japa Agar ti jla'am ti jilis siupapo inkipijnas.

Gálatas 4:25

Agar iyo'ate siojopa tikijnaki yi' Arábiaja. Arabia iyoye pet 'ate japa Jerusalén 'nakayi, kajeyepa siupapo yiji japak isi' iyoye 'ate pet papoka Agar jilis t'ipi, ti inkipijnas.

Gálatas 4:31

Ijiatjliyi, napo i'lijwas, ijiate siu'nie awoki ti je set janaka inkipinki, 'wenajliyi jla'am siojona ti je inkipinki, janaka ti jilists'e'm.

Gálatas 4:8

Ti pajk'i asa'am je intant'iejayi pi Sinia', puwakata t'ipi jla'am siupuwa jijwela ka diosisa', 'yina je ijiat ka diosisa', ti iyo jikipijnasa'ase'm.

Gálatas 4:9

'Nakayi siuti intant'iejayi ni Sinia' - ka iyot'i jla'mate ti Sinia' itiant'ie'ase - ¿'wenat'e ka apilieyi niwak siuniwa injweyejes ti je 'yaka, ti po' ape'e 'ni ajnat, ti laj jijweyeja' jla'yi ti laj lajaye? ¿Yot'iyi'ni ti jlekiajlayeyi'i ti jleye kiajwe niwaka?

Colosenses 2:20

Aslaye iniuyi wita'm pi Sijwajieti ti 'ya'al, kajeyepa ti jiwoye masesie' jitieyi'i niwaka siuniwa injweyejes ti je 'yaka. 'Yina ¿yot'iyi'ni jiat'eje ti 'yiniye ka mawat je atajlajyi ni iyo pit ni ajnat, 'yina ti jik'iuyeyi siuniwa inamtis ti iyo'ate,

Colosenses 2:8

Joskiyeyi, ká ak'iuyeyi siunapo ti ijwi'il ka 'najajne'n 'lojwinie'e ka inkajmanats'iji'n, kajeyepa siuniwa jitienkiujnieyejes laj lajaye, siu'neje ti jawo jikipijnasa'ase'm. 'Yina siuniwa iyo ti 'yijejne'n, je paka ka intajle pi Sijwajieti, 'wenajliyi jla'am siuniwa jiket'i iyopi papo i'nio' ti 'yotatis, siu'neje ti tajle niwaka injweyejes ti je ti'wena, ti iyo jikimita 'ni ajnat.

Hebreos 5:12

Jentat'itie pet ka apilie'yi napo as'lejwas ka 'eyasanajyi'n kajeyepa ti impajayi niwa Sinia' jlamtis. 'Nakayi kat'ajayi ti jlam yamjli'yi isia'm siunie jiwoyeyi ti jiwoyetaja ka tekiajlaja'a'ni ask'ioye ka tijwela'ase'm kiu'ujwe siuniwa je istieyijits'i Sinia' jlamtis. 'Yina jiwoye 'ate iyo siunapo kia'lis ti sajmela'aja'n ti nakata jla'am pet siunie jlet jikat'ios ti yapijyi'n, 'yina siunie asak ti kiojieti naka ti je jlapajyi'n k'iye.

Hebreos 7:16

Siunie pa'yi ti ink'ie' je tajle napo siunie iyo ni inka'neyasajnaye ka titiajlataja'm, 'yina tajle siunie jijweye iyo jana in'wasankiye ti t'o'n.