Gálatas 4:26 - Sinia' Jlamtis 1994

²⁶ 'Yina siojopa Jerusalén ti yi' poliyi je inkipinkiye'ne, 'yina sa'am ti jilists'e'm.

Gálatas 4:26 ပူးပေါင်းရင်းမြစ်များ

Juan 8:36

Siuti kia'iyo ni Sinia' Jlas, ti iniuyeje pa ti kiak iyo, 'yina kiak janwo'nase pet jlam ja ijiatayijna'a ti janlanajyits'i.

Romanos 6:14

Ja 'nakayeyi pet ni siunie inke' ja ke ineyi'ni astepe'e ka k'iejliyeyi siupa kanwo'nase, jlam'ne je jleye kiajwe ni inka'neyasajnaye ni siunie jijweye, 'wenajliyi jla'am ni siunie Sinia' jikap'ijliuskiye ti jleye kiajwe.

Romanos 6:18

Jijwayejyi siukia iyo ti jiwoye jikipijnasa' ni siunie inke', 'yina 'nakayi jikipijnastsase'm pet siunie 'es.

Gálatas 4:22

Siupa Abraham timesjimpe papo jilis. Ijwienjli siupa tajleje siojopa jikawoki t'ipi, 'yina siupa jikiecha pak tajleje siojopa jik'iemjlayi.

Gálatas 4:25

Agar iyo'ate siojopa tikijnaki yi' Arábiaja. Arabia iyoye pet 'ate japa Jerusalén 'nakayi, kajeyepa siupapo yiji japak isi' iyoye 'ate pet papoka Agar jilis t'ipi, ti inkipijnas.

Gálatas 5:1

Sijwajieti jlam ti kas'manit, ti sa'am ti inkipijnasts'e'm, it'imina ti 'nakayi ajwayeje ni siwet'ia. 'Yina siuti kia'iyo 'naka'ne ti astaj ja enayi 'ate ti janit'onitieyi pijia'm, je 'es ka ekiajla astepe'e siuniwa asjloye ti kiak jiwoyeyi ti jleyepe kiajwe.

Filipenses 3:20

Jlam pet ti sa'am ti poli jlelets'e'm, ak'iukink'iye pet pa Sijwajieti ti ja'nes ti jantal poliyi, paka pa Saka'niona Jesús ti Sijwajieti.

Hebreos 12:22

'Yina jlampet ti asa'am 'wenayi pet ni siunie jiniojwayiji, janaka pet siojona Sión ti kia'iyo tikijnaki ti jiniojwayiji, siu'neje jana isi' Sinia' ti je paj ka netia'n ji'wet pet, siojona Jerusalén ti yi' poliyi. Siu'neje ti jiniojwayiji siojopo injlojwajnas poli jlele ti je pini' ti iyunitie pi Sinia'

1 Pedro 2:16

Ijiatataja wek ti je inkipijna'ase'm 'nakayi. 'Yina ká awo'ate, “Lajk'ipa ka intomi'ni ijyik'i siu'nie awoyi”, 'yina ijiate ti 'esiape'n naka ka woyeyi siunie je 'es. Siunie iniwone ni Sinia' jikawo, kiak niwonayi.

Apocalipsis 12:1

Sekp'an yi'i ti 'yakajayi pet ts'iji poliyi ti inia'an k'iye siunie jawoyi ti japoye ti je jwajla'a. 'Yina asejnia jla'a initoti wita'm jla'am ni kilie' ti iyo ji'wuye, siunie we'la yi' jisietis kiajwe, jlampet siojona jikawonta itijwa'm niwa sikioye times tom'niji ni siuniwa katese'l niwa yi' ape'e.

Apocalipsis 17:5

'Yina inamtis jawa yi' ja jitiokiots'i ti t'etaja'ak'i, siunapo i'nio' 'yijene wek ti yamtijie'n jlam'ne siunie ijio'we ti je 'yijene paka iwonisi. Siojowa inamtis iyo'ate: YA'AM TI BABILONIAK'I'M TI SIWUJ, JLETK'I'M SIUNAPO ASEJNIA IJIUSKI'LAJNE'N, SIU'NEJE NIWA WASK'I'NELAJA TI IJIAT TI JE ISISI YI' APE'E 'NI AJNAT.

Apocalipsis 21:2

A'wena siujlieja isi' Sinia' t'otatki, ti jlajaka p'an Jerusalén ink'ie', ti na'm isia'm ti tajle pi yi'i pi Sinia' poliyi. Itime ta'a ti inilesan'ni ti 'yuts'iji'n ji'wuye ti isis, 'ate iyo jana i'nioki ti janjwa'yi ti janeyi'ne siupa initeme.

Apocalipsis 3:12

Siunie i'nio' itiete isia'm ni teje'yi ilia'm, 'yina nak jayo pet Inia' ji'wuk ji'wukijieteye'; etiejna'aja ka ine'yik'i, ja ke paja ka titiajlina ni yi'i. Sekjane'yi ka ip'isina'ajk'ina'a ti jayi'ne ni jle' ni Inia', siu'neje ni jle' janak Inia' ji'wet siojona jle' iyo'ate Jerusalén ink'ie', ti ja ke 'wenaye paka jantajle naka ni Inia' pet ti yi' poliyi. 'Yina kiak jayo'ojyi pet siunie yi' ti ink'ie' jayi'nik'iji pet.