Gálatas 4:11 - Sinia' Jlamtis 1994

¹¹ Wuj ti sikiwita ka lajak'iyipa ka insisieyi ka siukia awoyi ti akijme'n aska kiowe'e, ka jla'm inilajni wek'i ape'e.

Gálatas 4:11 ပူးပေါင်းရင်းမြစ်များ

Hechos 16:6

'Yina ti Sinia' jikimet ti 'es je itiliak'i k'iye ja Pablo siu'neje japo jla'yis ka ijnoyisi jlaja Asia, jak je iyoyiji ti iniuyis 'niji yi'i jlaja Frigia, siu'neje jlaja Galacia.

1 Corintios 15:58

I'lijwas ti yimijna'yase'm, tempi it'imina ti kiak awo'nase, 'esiji ka kiajatajak'i'ni niwa jlomas ti jawoyeyi ká aleyeyi, ja kat'ajayi pet ti jani'netie'yi siunie ti jiniuyeyeje ni Saka'niona. Jlam'ne 'najanayi pi jiwonayi siunie askijmaye ti jiwoyeyi ti asa'am ti Sinia' jilists'ase'm ti je wekie'e, laja po'.

Gálatas 2:2

Jlam je ak jiwek, 'yina ti Sinia' po' ki iyonk'i ka yik, jak je iyoyiji ti aye sekaja. Ajnayi japoka ti i'yena pet japo ijia Sinia' jilis pet ti a'nalkit, ti akamtijnienk'iye, siunie ti awoyi'ni yamtikie' ti ajwejla'm napo i'nio' ti je Judíojos. Kajeyepa ti awo ka pi'ya ka woyits'i 'ate “'Esiji” siukia awoyi ti 'nelanjie'e, ni'ne ka jwajla'aja ti je 'esi'n siukia awoyi.

Gálatas 4:10

¡Niwa jlomas, niwa we'lajas, niwa najkapis ti jiwo aslakijnieyeja'!...

Gálatas 4:12

I'lijwas, wuj ti anip'elisi'niase ka woye 'ate siu'nie aniwone. Ka woye pet 'ate siunie aniwone ti anitewitani asek'i. 'Yina 'najanayi pi jiwonayi ti ijiate ti je lajk'ipe ki awo ti je ts'es ti 'nelanjie'e, it'iminape ti awo yamtikie'ase ti ajwel niwa Sinia' jlamtis.

Gálatas 4:20

¡Ka yojliyi paka yi'ase ta'a, ka poye'eje paka yamtiyi ask'ioye siunie jiwoyeyi ka jwi'lase'm, kajeyepa ti wuj ti awoyi ijliak'aliye siunie jiwoyeyi siu'niwa jlomas!

Filipenses 2:16

ti jijwelajia'm niwak Sinia' jlamtis ti janak in'wasankiye. Siuti jakinieyi naka, yam wuj ti jati'mase, ka 'nesta pi Sijwajieti, kajeyepa ti ja 'nakaj ti jlam je askiujni'n jiwek, jla'yi ti jlam je akijme'n jiwek.

1 Tesalonicenses 3:5

Tempi it'iminape ti ajlo'wase 'ni sikiecha Timoteo, naka ti awojonk'iye ka ts'ajane pa kayone ka je aleyets'i ni iyo ni astankiujnieye ti 'es. Kajeyepa ti kiojieti 'ni itienkiujnieye iyo ti itiej ene'ni 'ate ka kiak iwo ka siunie inkajejlasayewo in'yakana ka kia'iwo ti jaleyeyi ni siunie astankiujnieye ti 'es, kajeyepa ti ja ijnejlita. 'Yina siuti kiak jawoyeyi jlam jiwek ti ajo'wase'ni laj lajaye ki siukia isijmaye ti awoyi aska kiowe'e.

2 Juan 1:8

Joskiyeyi, ja'nakayeyijna'a ka je inkajyina, ja ke injlankinayeyijna'a siunie jakajlayi ti jantajle ni Saka'niona Jesús.