Gálatas 3:22 - Sinia' Jlamtis 1994

²² Sinia' jlamtis ijwi'il ti iyo'ate wikie'eyi napo i'nio' ti siunie inke' jikipijnas, 'yina jlam je iyo. Jak je iyoyi siunapo ti je 'yakakiu pi Sijwajieti Jesús, napoka ti Sinia' janwejna'm siunie ti pajk'i ti ijwi'il.

Gálatas 3:22 ပူးပေါင်းရင်းမြစ်များ

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Juan 12:46

Yam katesk'i'm, yam ana'm ajnat'e jat'imina napo i'nio' siunapo je sakakiu ja ke inejyi ni ajnatiok.

Juan 20:31

Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' Jlas, Injwajieti ti Sinia' jijliujwanik, 'nakayeyijna'a ti ja'wena' jana as'wasankiye ti t'o'n, siunie ja ke inkakiu.

Juan 3:36

Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Hechos 16:31

Pablo isiujlie ti iyo'ate: —Tankiuni pa Saka'niona Jesús, jajwa'a; a'wet jlele kia'iyojliyi janjwajyi'n.

Romanos 10:9

Siuti jiwoyi amtisie' ti jijwel pa Jesús pak aka'niona, siu'neje ti ijiate ti jlejni ni ajosik ti je kakiuni ti naka ti iniujwa'n kisie'e ti tajli pa a'no', jajwa'a.

Romanos 11:32

Kajeyepa ti 'yiniye ka wikie'eyeyi napo i'nio' siunie inkakiujnieye yiyis kiajwe, 'yina Sinia' jla'am ti kiak iyone, lapakawo ti iyo ta'a ka ijnol wita'm napo i'nio' ti jikap'ijliuskiye yi'ne.

Romanos 3:22

Sinia' jla'am ti ilisajne'n siunapo ti je 'yakakiuyis ni Jesús ti Injwajieti Sinia' jijliujwanik. 'Yina kiak iyone 'neje wikie'eyi siunapo je 'yakakiu kajeyepa ti je i'ye'en paka t'oniyeja' paka i'nioye',

Romanos 3:23

'yina lajk'ipa ka 'wanjliye'e ka je iwoyi ni jloski'la; wikie'eyi je jnanjlajape ni Sinia' ki iyo ti 'es.

Romanos 5:12

'Yina iyoye pet 'ate ti ijwienjli siupa it'imina ni siunie je 'es yi'i ni ajnat, sekyi'i itionayi jlek'i ni siojona 'najlati ni i'nio', jak je iyoyiji pet ni siojona 'najlati iyo napo i'nio' itij'w ape'e napo ijia, kajeyepa wikie'eyi ti iyoyisi ni siunie jike'.

Gálatas 3:14

Siuti Sijwajieti kiak iniwone, 'ate iyo ni 'najanayi, lapakawo ti iyojonk'iye pet ka neyi siunapo i'nio' ti je Judíojos siunie 'es ti ijwijla'm pa Abraham. Kajeyepa ti ijiate ti je akakiuk pa Jesús ti paka ti injwajieti ti Sinia' ijliu', sekyi'i kaswikie'eyi ti yits'e janak Sinia' jikimet siojopa ijwilt'ipi jla'am pa Sinia'.

Gálatas 3:17

Siunie ajwel'ni sek ijio'weyi, ti Sinia' yikiajle pi ji'lij ti jlam pak je iyone wek ilisaniji, sekatajak'i kajeyepa ti 'yakajk'i. 'Yina sektaj'leyi paj ti cuatrocientos tréintaja (430) kiwa najkapis kiwa tijwajyi jiwekie'eja t'ipi ti po' ki Moisés jika'neyasajnaye, 'yina kapakayet'iyijpe ka into'm ape'e ka inetiajnat siunie Sinia' iyont'iyijipi pa Abraham ti ijwijla'm, ka 'nakayeyi pet ka 'wina ka laja lajaye.

Gálatas 3:23

Siuti sakakiujnieye pojliyi'ijyi pi Sijwajieti Jesús siunie inka'neyasajnaye iyo jikipijnasats'e'm paj ti yiyeyi siojona jloma ti 'yakaja siunie já akakiunieje.

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.

2 Timoteo 1:1

Ampey ja isiecha Timoteo, ya'am Pablok'i'm ti Sijwajieti Jesús jijliujwanikk'i'm, 'yina ti awoyi siunie Sinia' jlam ti ijliuyijk'i'm ka iyo. Jla'yi ti yikialk'i ka ijwijla'm ti ji'wasankiye po' napoka ti ini'nopijiete pi Sijwajieti Jesús, ya'am ti ika jwukis siu'niwa. A'am ti awo yasa'a'm ti wuj ti emi'n, Timoteo, 'esiji ka Sinia', jla'yi pi Sijwajieti Jesús ti Saka'niona ka we'na'm ni 'es, jla'yi ka imp'elisimpe, siu'neje ka akama.

Hebreos 9:15

Ijiatjliyi Sijwajieti Jesús nak iniwojwa'n jiwoye siuniwa jlamtis ti iliyi ti je iliakiyik'i wek siunie jawo ti janwats'ilati siunie pajk'i, 'yina ja ink'ieye siunie jawoyi. Jak je iyoyiji siuti 'yala pi Sijwajieti pakayi'ne ti jitiej je yini'ni 'ate siupa jitis iyo siupapo i'nio', ti siupuwa jlamtis t'ipi inia'an jitis yi'ne. Sekyi'i'ne pet siunapo Sinia' tanats'i yiye jikiojyi siuniwa isis tajle ni jikap'ijliuskiye ni Sinia', ti pajk'i ti ijwijla'm ta'a, ti laj jlaja.

2 Pedro 1:4

'Yina niwaka'ne ti it'imina ti po' siuniwa ijwilts'e'm ti janwents'e'm niwaka niwa ti wuj ti isis, ti ijiate ti laja po'. Siuti iwi'nase'm niwaka, sekyi'i jikajlajyi ka kiak aniwonayi 'ate iyo ni Sinia', jla'yi ti jijwayejyi siuniwa inkeyis ti wuj ti je isis yi'ne ajnat'e ti tajle ni jitienkiujnieye ni i'nio', ti itiliaja ka woyi.

2 Pedro 3:13

'Yina jlam pet ti sa'am, nak anejejwiyejen k'iye ni poli ni ink'ie', siu'neje ni ajnat ink'ie', ti Sinia' pajk'i ti ijwi'il, ji'wet wikie'eyi siunie tijnajyi.

1 Jn 2:25

Janaka'ne siojona Sijwajieti Jesús ijwilts'e'm, jana in'wasankiye ti t'o'n.