Gálatas 3:2 - Sinia' Jlamtis 1994

² Kiujliek'imna'a siuti ja'yasa aswa'am: ¿yot'iyi'nijpe ti yi'ase janak Sinia' jikimet? ¿Nakat'iyi ti jiwoyeyi niwak iyot'iyipi ni Moisés jika'neyasajnaye, ni'ne ka nakaye jla'am ti jitienkiujnieye ni Sinia' ti je kakiuye niwa jlamtis ti jipe'yaye?

Gálatas 3:2 ပူးပေါင်းရင်းမြစ်များ

Hechos 15:8

'Yina Sinia', ti itiant'ieje 'niwa inkiojwa'l, i'winki'n ti inka'a ti jlamis, kajeyepa ti iwijna'm jana Sinia' jikimet ti 'es, iyoye'ate iyo ti iwints'e'm.

Hechos 2:38

Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Hechos 8:15

'Nesat'iyis'nijpe, sekyi'i ti t'ajlayis ape'e papo i'nio' ka Sinia' jikimet ti 'es inejiapk'i.

Romanos 1:17

'Yina naka inka'niye, naka ti 'yakajanitk'i siunie Sinia' iyone napo i'nio' ti initiajnat ni jitis iyo, 'yina lajk'i pa jikiechaye ka intajleje ijwienjli jla'am siunie iyo ni i'nio' ti je 'yakakiu. Iyo niwa jlamtis ni Sinia' ti yi'i ni ji'wet ti iyo'ate, “Siunie ti Sinia' yiniji, ti jitienkiujnieye ti 'es ni i'nio' ti ji'niayi po', nak ji'wasankiye japoye.”

1 Corintios 9:21

Jlampet ti awo ka i'yaka'n napoka siunapo je Judíojos, siunapo je yiji naka Moisés jika'neyasajnaye, kia'iyojliyi kiak aniwonayi'iji iyo jlamis. Siuti ajyi napoka, je'ne ka itiajli pet siunie Sinia' jika'neyasajnaye, kajeyepa ti ya'am ti Sijwajieti jikipinikk'i'm pet.

2 Corintios 11:4

'Yina je jiwoyi ka wet'ianayi ti potie siunie ijio'wase ti iyo jlamtikie' siunie Jesús ti je naka siunie Jesús ti pajk'i ti awoki samtikie'. Jla'yi ti siojona jlena'yasap je janak siojona Sinia' jikimet ti pajk'i ti yi'ase. Siu'neje ti jikima'yi ilia'm siunie inka'niye ti je naka ni siunie inka'niye ti pajk'i ti yi'ase.

Gálatas 3:14

Siuti Sijwajieti kiak iniwone, 'ate iyo ni 'najanayi, lapakawo ti iyojonk'iye pet ka neyi siunapo i'nio' ti je Judíojos siunie 'es ti ijwijla'm pa Abraham. Kajeyepa ti ijiate ti je akakiuk pa Jesús ti paka ti injwajieti ti Sinia' ijliu', sekyi'i kaswikie'eyi ti yits'e janak Sinia' jikimet siojopa ijwilt'ipi jla'am pa Sinia'.

Gálatas 3:3

¿'Ne'liast'e ase'm? Jlam'ne i'nesieyi jana Sinia' jikimet ti 'nelanjie'e, ¡'nakayi jijwelaye'eje ka nakaye ni siunie ti taj'lase ti astankiujnieye ka nakaye ti ja insisieyi!

Gálatas 3:5

Siuti Sinia' iwi'nase'm jana jikimet, 'yina iyoyeyi jla'am ni iyo ti i'winki'n siuniwa je ti'wena ka paja, siunapo i'nio' ti i'winata jlam jnots'inayijits'i jiwek. 'Yina je nak ka intajle siunie ti jiwoyeyi ni Moisés jika'neyasajnaye, 'wenajliyi jla'am ti jiwoyeyi siunie ti je kakiunieyi siunie jipe'yaye.

Hebreos 4:2

Kajeyepa ti kiak awoki ti tiwok saka'niyejats'i ti tijwelats'e niwak Sinia' jlamtis ti isis, iyot'iyipi papok i'nio' ti tijwelaja. 'Yina siupi its'iuyistiejesi je isisiji'n, kajeyepa ti je iniwome siupapo ti ijiate ti jitienkiujnieye po' ti iyoyi.

Hebreos 6:4

Kajeyepa siunapo ti pajk'i ti iyo jlosik ink'ieye, jloma 'yakaja'n k'iye, siu'neje ti ijyijlita'm siunie t'ajka iyo siunie Sinia' tajle. 'Yina yi' kiojyi siojona Sinia' jikimet ti 'es, siuniwa Sinia' jlamtis kia'iyojliyi, ijyijlita'm siunie t'ajka iyo ti 'es, siu'neje ti itiant'ieje ta'a siunie jijweye jawo janaka siojona jloma atayeje. Jlampet ti janapilisiji'ijyi siunie je 'es, 'yina je ti'niejenaja pa ka tiwonaja ka talasa ka tiwok kiu'ujwe jlosik ink'ieye. Siuti kia'iyo 'yiniye ka inekiajlisi'ni pijia'm ti its'iejwatits'i japa cruz pak Sinia' jlas, sekyi'i ti yinayis jitiejk'i wikie'eyi papo i'nio' ti iliakiyis.

1 Pedro 1:12

'Yina siupa ti iyoyisi jlamtikie', Sinia' ijwijla'm ti je jlamis ka ijna'yi, 'wenajlit'iyijpe ti asa'am ti tijna'yase'm ka insisieyi. 'Yina 'naka'ne siu'nie tijwela'ase ni Sinia' jika'niye ti 'es, ti iyot'iyisijpe jlamtikie' papoka ti Sinia' jikimet ti 'es jijweye yijap, ti tal poliyi. ¡Niwaka'ne siunapo injlojwajnas poli jlele ijialasista pet kan'wenis!