Gálatas 3:18 - Sinia' Jlamtis 1994

¹⁸ Siut'itie ka nak intajle ni Moisés jika'neyasajnaye iyo ka tiwoki siunie Sinia' iyo ka wents'e'm, je kiak iyotaja'ni pet ka poye niwak jlamtis pi Sinia' ti iyo'ate, “Jawi'na'm”. 'Yina lapakawo ti Sinia' pajk'i ta'a ti iwijna'm pi ji'lij pa Abraham ti ijiate ti ilisaniji, ti kiak iyone ti ijwijla'm ti iyone'ate, “Jawi'na'm”, it'imina'ne ti jla'm iwinayija'm jiwek.

Gálatas 3:18 ပူးပေါင်းရင်းမြစ်များ

Romanos 8:17

Ijiatjliyi, siuti sa'am ti jilists'e'm ja kasjwanaja'a pa Sijwajieti ti ja tiwenats'e'm siunie ti sikimet naka ni pajk'i ti ijwilts'e'm ni Sinia'. Siu'neje ti ja ijiatayi ti siliaye janoj wita'm pa Sijwajieti ni jijliak'ali iyo ka 'nakayeyi pet, siunie jiwunitieye ti 'es ka nesajap.

Gálatas 2:21

Je akawona pi Sinia' jikap'ijliuskiye ti yink'i'm, kajeyepa siut'itiejpe ka nakaye Moisés jika'neyasajnaye ka 'esieyi ni i'nio' jitieyi'i pi Sinia', lajta'ne lajaye siupi iyo siuti tiliana pa Sijwajieti.

Gálatas 3:10

'Yina wikie'eyi siunapo jitiej iyoma siuniwa yiji ni Moisés jika'neyasajnaye, ti ijwil ka 'esie, lajk'ipa ka tiwonaja ti jiwet'ia yi' ape'e. Siuti iyo'ate niwaka inamtis t'ipi, “Je jlase' ni jiwet'ia jawoyi siunie i'nio' ja ke ijiatayi ka woyi siuniwa iyo ka tiwoki ni inka'neyasajnaye.”

Gálatas 3:12

Jlampet siunie Moisés jika'neyasajnaye 'wenayi pet je iyo'ate ni siunie ti je takakiuni, 'yina najata jla'am ti iyo'ate niwa inamtis t'ipi, “Siunie i'nio' ijiate ti 'yakajli ni inka'neyasajnaye, nak ja'wasana.”

Gálatas 3:16

Ijiatjliyi, ti Sinia' iyone'ate pa Abraham, “Jawi'na'm, siu'neje pa jantajla'm papo ales.” 'Yina je iyo'ne 'ate ka impejlanit'i ape'e, ka ne'yi niwa Sinia' jlamtis, “ales siunapo ti jantaj'l awa'm”, 'yina ijwil ti ijwienkit, “siu'neje pa jantajla'm papo ales”, paka pi Sijwajieti ti ijwi'il.

Gálatas 3:26

Ijiatjliyi, siuti je kakiuye pi Sijwajieti ti jini'nopijietayiji, sek jitiajla'yiyi ti inwikie'eyeyi ti jilists'ase'm pi Sinia'.

Gálatas 3:29

Jak je iyoyiji, siuti nak jitiajlayi ni Sijwajieti, je kast'ayiji'n pet ti asa'am ti jitiajlajia'm siupapo Abraham jilis t'ipi, asa'am ti tijna'yase'm siunie Sinia' ijwi'il.