Gálatas 3:17 - Sinia' Jlamtis 1994

¹⁷ Siunie ajwel'ni sek ijio'weyi, ti Sinia' yikiajle pi ji'lij ti jlam pak je iyone wek ilisaniji, sekatajak'i kajeyepa ti 'yakajk'i. 'Yina sektaj'leyi paj ti cuatrocientos tréintaja (430) kiwa najkapis kiwa tijwajyi jiwekie'eja t'ipi ti po' ki Moisés jika'neyasajnaye, 'yina kapakayet'iyijpe ka into'm ape'e ka inetiajnat siunie Sinia' iyont'iyijipi pa Abraham ti ijwijla'm, ka 'nakayeyi pet ka 'wina ka laja lajaye.

Gálatas 3:17 ပူးပေါင်းရင်းမြစ်များ

Juan 1:17

Siunie inka'neyasajnaye ti tajle pi Moisés t'ipi ti tekiajlaja, siunie inemijnaye jla'yi ni ijiatk'i yisajap lapakawo ti naka jla'am Sijwajieti Jesús ti it'imina.

Hechos 7:6

“Sinia' iyone 'neje 'ate, “Siupapo ales jantomik'i pijia'm janeyits'i siunie ajnat ti je 'wet, ti ja tiwoki inkipijnasa', jla'yi ti ja tiliakik, paj ka jika najkapis cuatrociéntosjana'a puwa janejyi ti kiak jawo ti janilayitisi.

Romanos 3:25

Sinia' jlam ti iwi'in pi Sijwajieti ka insa'ni ki ji'woyis, sekyi'i 'ya'al. 'Yina ti iyoyi ji'niayija' napo i'nio', lapakawo ti iyo ka inetiajnat ni jitis iyo jla'yi ka jiwak inojwi ni Sinia', iyo ti je 'yakakiuyis ni Sijwajieti. Jak je iyoyiji'ni 'yakaja ti tijnajyi ni Sinia', isiwaliye'e niwak inkeyis ti pajk'i, ijiatjliyi lajak'i paka iwo.

Romanos 3:3

Ent'a po' 'neje pi iyo'ate, “¿Tepat'e janwo ka kia'iwo ka poyeta papo ka inleyi ni 'es? ¿Sinia' kiakt'e jawo pet ti janleyi papo i'nio'?”

1 Corintios 1:12

Jajniejietk'i, po' napo iyo'ate ti asa'am, “Ya'am 'ok'i pet ni Pablo”, po' napo iyo'ate, “Ya'am 'ok'i pet ni Apolos”, ijia napo iyo'ate, “Ya'am 'ok'i pet ni Pedro”, ijia napo iyo'ate, “Ya'am 'ok'i pet pi Sijwajieti.”

1 Corintios 1:17

Sijwajieti je nak ka injlok'i'm ka iniejiejne'n napo i'nio', 'wenajliyi siunie iyo ka iyoyi ti akiji'n naka inka'niye ti 'es ka ijwi'il. Jak je iyoyiji siunie iyo ti amtiyeta ti ts'aja'n i'liji, je ka yama ka intalk'i, 'nakayi napo i'nio' ja 'najane paka inwone ki laja iyo jla'yi ni jijweye ni Sijwajieti ti yi' ape'e jana cruz.

1 Corintios 10:19

Je nak ka 'yejnap siunie iyo napo 'wenayi pet, ti kia'iyo ijiunitis niwaka ti iyoyisi jika diosisa'. ¿Ten siunie ajwel'ni? ¿Mi awo'ate niwak jla'm ijiate ti laja po', siuniwa ti tiwoki diosisa'? ¡Jeyi! ¿Ent'a siuniwa tilianajan'ni wakiajas 'yaka'm ape'e siuniwa ijia ti kia'iyo ti tilianajan'ni? ¿Je niwaka ka ijwil'ni?

1 Corintios 7:29

I'lijwas, siunie 'esiji ka wujwa ka i'yena, naka ti je pi itioyeyi sik'ioye, siojona jloma ti Saka'niona ja'nesi. Jak je iyoyiji ti kiak awo'nase ti asa'am ti asjwa'yis po', 'esiji ka je nakaye siunapo asjwa'yis ka int'onitie'yi.

2 Corintios 1:20

'Yina jlam ti it'imina ti 'yaka siuniwa iyo niwa Sinia' jlamtis yi'i ni ji'wet, iyot'iyipi jla'am ti ijwi'il siupa jawo. Tempi it'imina ti kiak awoki ti awok'iate, “Pak kasts'isisi pa Sijwajieti Jesús, Amén”, ti awunitiejata pa Sinia'.

2 Corintios 9:6

Ataj wunitieyi siunie iyo'ate: Siunie i'nio' ti iliakiyi'i siupa iyo'om, tepa jawo pit ka 'etsakaja paka ila'ne. 'Yina jlampet siunie je iliakiyi'i pa 'yut'isia'm, kia'iyo pit 'etsaka pa jlak ti ilienata'a.

Gálatas 3:15

I'lijwas, siunie jayoyi ti jayamti, jayijnape'ni wek siunie awoki ti i'niolts'e'm: Siuti po' ni iyo'ate, “Kiak awo ka yoyi”, sekyi'i jle' yinajap pi iyo pi jip'esinik ti ilisane. 'Yina yi'i ti yi'i, lajk'ipa ka wo ka inkajyi'n ka netiajnat, jla'yi ti lajk'ipa ka inene ape'e paka ink'ieye ka jlamtisie'.

Gálatas 3:21

¿Mi ajwe'el ni Moisés jika'neyasajnaye ka inta'yi ilia'm siunie Sinia' ijwil pet? ¡Je'e! Jla'm ijiatayi ka siunie inka'neyasajnaye ji'wasankiye iwejna'm pa i'nio', nak ijiatayi'ne pet ka Sinia' inlesajne'n ni i'nio' 'yina ti iyoye siunie inka'neyasajnaye 'yijie'ne ka woyi.

Gálatas 5:16

Jayo'ate ti jajwi'lase'm: Jla'm ijiate ka kiniets'i ki iyo jana Sinia' jikimet, ja 'nakayeyi ti ja ke ak'iuyeyi siuniwa iyo niwa 'assienis ti inteliajayi ka woyeyi.

Gálatas 5:4

Asa'am ti jijwela' ka nak int'emina ka Sinia' lesana', kawoyeyi nak Moisés jika'neyasajnaye, jlam'ne je ijnaljliyejiape'n pi Sijwajieti. Siunie iyo pi Sinia' ti takap'ijliuski, kiak iyojliyi intojwajiape'n.

Efesios 2:12

Kiwak jlomas ti Sijwajieti je yi'asap, 'wena'asem'ne ki iyo napo Sinia' jika kia'lis pet. Napo Israel jlele intojwajiape'n, jak je iyo siunie iyot'iyipi pa Sinia' ti iyone papo jika kia'lis je asa'am ka ijna'yase'm. Je intant'iejayi siunie ti ijiate ti Sinia', jak je iyoyiji ka poye paka woyeyi ka asnejejwiyeyi poye, ti jleye'yi siu'nie ajnat.

Efesios 4:17

Siu'nie jayo'nase, ti jajliu'wase'm, ya'am ti Saka'niona ji'lij iliyi ijiap, wuj ti 'ejie'nase'm ka je akiniejets'i siunie jike' iyoyi napoka ti je tajliyi ni siunie je 'es. Ti ijiate ti iyoyis jlajaye ni jitienkiujnieye, jlam'ne je iniuyeje paka ne'yi pa, kajeyepa ti je 'es,

Colosenses 2:4

Ajwe'lase'm niwaka lapakawo ti awotajank'iye ka je inteliajayi puwa ka jlamtisa paka ne'yi pa, ka neyi ts'iji ka ink'emijieta.

Hebreos 11:13

Pi k'iet'iyik'i'nipe siupa Abraham, siu'neje pa Isaac, siu'neje pa Jacob, nojwat'ipi ajnata'm. 'Yina 'wanjliyi ape'e siunie ti je 'yakakiu pa Sinia', ejlo wek ti je yamik'i siupa Sinia' ijwijla'm. 'Yina 'yiniye ka jitiej iname wek pi 'lajni, sekyi'i iyoyits'i 'ate, “Seka'a siusie 'yakaja.” Ka kia'iwo ka 'najwelis jitipe'e ti je 'wet'ise', sekyi'i iyoyits'i 'ate, “Je ijiat ka i'wita' siu'nie ajnat, ja ke sipa'a ka itiajla'ana'a.”

Hebreos 7:18

Ijiatjliyi siukia inia'an in'lej tiliki, lapakawo ti laj jijweyeja', jla'yi ti laj lajaye.

1 Pedro 1:20

Lapakawo ti Sinia' pajk'i ta'a ti itime ti kiak iyone ti 'nelanjie'e je ilisanjliyi'ijyi ni ajnat, yi' jlajayi niwa jlomas ti jiwekie'eja ti i'winki'n naka'ne ti insisieyi.