Gálatas 2:4 - Sinia' Jlamtis 1994

⁴ 'Yina po' siojopo i'nio' ijwil ka Sinia' jilisa', 'yu siwa'm ti anojokk'i wita'm, ti je inikajanitts'e'm, 'yina takajla'n sikiajwe ti isiowal'ni sek'i, ti iyo ka kaspe'ya siunie ajwela ti sa'am ti akiniek'i ni iyo pi Jesús. 'Yina ti naka ti iyoyisijyi'n ka intajlatts'e'm, jla'yi ti jawoyisi jiwek ji'niayija', ka kasjlojiene ni iyo pit ni Moisés jika'neyasajnaye siuniwa 'yijie'ne ni i'nio' ka woyi, ti iyo ka wonts'e jikipijnasats'e'm niwaka wask'i'nelaja siuniwa ti Jesús pajk'i ti kasjwajiete.

Gálatas 2:4 ပူးပေါင်းရင်းမြစ်များ

Lucas 5:38

Siunie at'es ti ink'ie' tisiayejak'iji'n pet siuniwa 'nejes ti ink'iejyis.

Hechos 15:1

Pak siupa jlomat'ipi siupapo i'nio' tal Judéaja ti ijioyis 'niji Antioquíaja, 'yiyasajne'n papo i'nio' ti iyo'ate: —Siuti ja ke ajwankita ka woyeyi siunie iyo ni Moisés jika'neyasajnaye, ti tejwak'i ni t'isie'n ni kia'le, ja ke 'najanayi siupa janiwonayi ka ajwaye.

Hechos 15:24

Ajieyeje ti po' papo ijio'wase ti tajla'm jla'a si'wet ti je inena'yate, ti injlak'alitie siunie iyo niwa inamtis jiniliaja ti inkajyina siunie astankiujnieye iyo. Je sa'am ka intalts'e siunie iyoyisi.

Hechos 20:30

'Wanjliyijna'a ka poye paka ne'yi pa ka inka'neyasajnayeja', siupa ka je ijiatak'i, ti jawojonk'iye ka intoni jlek'i papo Sinia' jilis.

Romanos 8:15

Kajeyepa ti siojona Sinia' iwi'nase'm, je ka iwo'nase jikipijnasa' ka sek ine'yi ka ekiajlayi'ijyi ka je injweyejyi'n. 'Yina janak siojona Sinia' jikimet ti inwojwana Sinia' jilisa', 'yina janak awoki si'niayija' ti awok'iate ti a'yasaja, “Inia', Inia'.”

2 Corintios 11:13

'Yina je napoka napo ti ijiateje ti Sijwajieti jijliujwajnas, napoka napo ti je ijiat ka injlojwajnasa'. Iliaki napo i'nio' ni iyo ni jloski'la, jla'm initewitanisisk'i siunapo Sijwajieti jijliujwajnas.

2 Corintios 11:17

Siunie aniwone ti aniwunit, je tajle pa Saka'niona, 'wenajliyi jla'am siunie aniwone jiwoyeyi ti sijwela' ti itiej je 'es.

2 Corintios 11:20

Jininenayi 'ate ti tiwoki inkawosa'ase'm ti t'ajla'ase'm pi k'iejliyi ti inlakiye, siunapo ti je iyo asjaye, siu'neje ti impajatie.

2 Corintios 11:26

Je ijwienjliyiji ti askiujni'n ape'e 'ni ajnat, ni'ne ti iliaye yitaja niwa tewukis, ni'ne ti napoka kajlajnatas, ni'ne ti napoka siunapo ya'm ijia Judíojos ti ijwienjli jana ajnat si'wet pi iyonk'i, napoka 'neje siunapo 'wena jana ajnat tajla'm. Siu'neje ti iliaye ataltajajam'ni jana isi', siu'neje ni ajnat laj i'nioye'e, i'niat lajlik'i kia'iyojliyi, siu'neje ti iliaye ataltajaja'ni siunapo ijwil ka ijiatayi ka napokaye si'lijwas Sinia' jilis iyo ni iyonisk'i.

2 Corintios 3:17

Kajeyepa siupa Saka'niona jla'am ti siojona Sinia' jikimet, jlajmiliet siupa ajnat yi'i japak Saka'niona jikimet, sekyi'i pet napoka i'nio' ti lajk'ipa ka intomk'iye.

Gálatas 1:7

Ijiatataja ti ijwienjli siu'nie inamtik Sinia' tajle, siunie ti awoki samtikie'asepi, siunie it'imina ti kiak jiwoyeyi. 'Nakayi jlam ti po' siunapo ti je inena'yi 'ate, ti tom'ni ask'ioye, ti iyo ka 'noti siuniwa iyone niwa jitienkiujnieyejes, siunie itiliak'i ka woyisi kajlejnate siunie inka'niye ti ijwil pa Sijwajieti.

Gálatas 4:25

Agar iyo'ate siojopa tikijnaki yi' Arábiaja. Arabia iyoye pet 'ate japa Jerusalén 'nakayi, kajeyepa siupapo yiji japak isi' iyoye 'ate pet papoka Agar jilis t'ipi, ti inkipijnas.

Gálatas 4:3

Siuti pajk'i sa'am kiak awoki, iyo napok kia'lis ti ajwel'ni, awak kiajwe siunie jijweye iyo pit niwa je 'yaka pini' yiji ni jloma ti iyo jikipijnasats'e'm.

Gálatas 5:1

Sijwajieti jlam ti kas'manit, ti sa'am ti inkipijnasts'e'm, it'imina ti 'nakayi ajwayeje ni siwet'ia. 'Yina siuti kia'iyo 'naka'ne ti astaj ja enayi 'ate ti janit'onitieyi pijia'm, je 'es ka ekiajla astepe'e siuniwa asjloye ti kiak jiwoyeyi ti jleyepe kiajwe.

Gálatas 5:10

'Wanjliyi kia'iyoyetaja siunie yi'ase, 'yina je sikiwit'ase'm ka k'iejliyeyi'i paka astankiujnieye ka je 'esie ka woyeyi, lapakawo ti po' pak Saka'niona. Jlampet siunapo ti tom'ni ask'ioye, Sinia' je ijiat ka je insa'ak'i, 'yina je i'ye'en paka 'naja'an, ni'ne ka nakaye ni siunie ti lajk'iyipa kawo ti je 'yije'en.

2 Timoteo 3:6

Napoka tajle siunapo ti 'yuyits'i'ni napo asejnia siunapo lajk'ipa kawoyi ti je to'm ilia'm ti ik'emijietk'i, ti kia'iyo iyoyi ni jike' ti je 'ye'n ilia'm.

Santiago 1:25

Jlampet siunie wuj ti i'ye'en niwa Sinia' jlamtis, jla'yi ti je ilijape, je isiwaliyi'i ti iyoyi, niwaka pet ti jantajleje ni jinikanitieyi. Tepa jawo ka kiak je iwo ti jijweye po' niwa Sinia' jlamtis, 'yijene pi iyone ka t'aka inlajnits'i napo i'nio'.

1 Pedro 2:16

Ijiatataja wek ti je inkipijna'ase'm 'nakayi. 'Yina ká awo'ate, “Lajk'ipa ka intomi'ni ijyik'i siu'nie awoyi”, 'yina ijiate ti 'esiape'n naka ka woyeyi siunie je 'es. Siunie iniwone ni Sinia' jikawo, kiak niwonayi.

2 Pedro 2:19

Ijwijla'm napo ijia ti iyo'ate, “Mawat jikio' je ilie'nase'm ni je 'es je jwaye, 'yina sa'm ijiate wek ti kasts'ajane pi awonaja ti ajwajieta pa ti kiak iyoyi.” ¡Ijiate ti jla'm iyoyiyi siunie ijwil ka woyisi, jlam'ne jla'am ti inijwelis ti je t'ekiyisiyi siunie iyoyi ti wuj ti je 'es, ijiate jla'am ti inkipijna', je tijwayisi! Kajeyepa ti siunie inke' ti 'yakajli ni i'nio', 'nakaye'eje pet ti 'yiniye ti ilie'nit.

1 Jn 4:1

I'lijwas ti yimijna', ká a'wenayeyijap'ni ka k'iuyeyi siunapo i'nio' ijwi'il ka nejyi siojona Sinia' jikimet. Janajnata ti ja'yena siuti ja ijiatayi ti jantajle pa Sinia' siojopa jikimet yiji. Je pini' napo injwejlanawos ti je ijiate ape'e 'ni ajnat ti t'iskiunk'iji'n, it'imina ni awo'nase.

Judas 1:4

Kajeyepa ti po' siunapo i'nio' ijiuski'lajne'n ti ini'not'i aswa'm ti yi' aska kiowe'e, 'yiniye ka ijiatayiji ka intaj'l aswa'm, lapakawo ti inip'o'nase wek. Sekyi'i ti ijwila ka ijiatayiji ka ineki siunie jikap'ijliuskiye ni Sinia', 'yina nak isienayi siuniwa ti iyo ni siuniwa itiliaja ka iwoyi siuniwa je isis. Ijiate ti 'yakajanitk'i ti 'yakakiu pi Sijwajieti Jesús, ti jla'am ti ijwienjli ti saka anechiyas. Napoka siunapo i'nio' ijwilt'ipi siuniwa inamtis ti isis, ti 'yaka ti jajnoyi ni siunie jiwet'ia napo ti netiajne'n.