Gálatas 2:21 - Sinia' Jlamtis 1994

²¹ Je akawona pi Sinia' jikap'ijliuskiye ti yink'i'm, kajeyepa siut'itiejpe ka nakaye Moisés jika'neyasajnaye ka 'esieyi ni i'nio' jitieyi'i pi Sinia', lajta'ne lajaye siupi iyo siuti tiliana pa Sijwajieti.

Gálatas 2:21 ပူးပေါင်းရင်းမြစ်များ

Marcos 7:9

'Yina Jesús yinayi'iji ape'e ti iyo'ate: —Siuti ijiate ti jit'iotata siunie iyot'iyipi kiapo aska kijilas mases, nak it'imina ti jiliyeyi niwa Sinia' jlamtis.

Romanos 10:3

Jlam'ne nakata jla'am ni Sinia' ti ilisajne'n napo i'nio', 'yina ti Israel jika kia'lis je 'yijene paka wonisi naka, sekyi'i ijwilayis ka niwakaye ka 'esieyisi siuniwa iyoyi, jak je iyoyiji ka iwoyisi ka ininekiaj'lisi ni Sinia' ti nakaye ti ja 'esieyisi.

Romanos 11:6

Jak je iyoyiji siuti kia'iyo ti Sinia' ijniejiet'e nak jikap'ijliuskiye, sekyi'i ti 'yakaja pet ti je niwaka ka jikijmayejes kanses kant'emina. 'Yina siut'itie ka niwakaye siuniwa isis ka iwoyi, ijiate kiak je iyotaja'ni ti ijiate ti nak jikap'ijliuskiye.

Romanos 4:25

Jlam ti tekiajlaja ni siunie inlaye iyo ti tiliana sitipe'e ti sa'am ti awoki ni sake', sekyi'i tiniujwana kisie'e ti tajli ki a'no', ja'nakayeyi ti Sinia' ja kaslesajne'n pet.

Romanos 8:31

Siuti kia'iyo niwa ajwe'el, ¿tepat'e si'lij ja iyonaja'ijyi? Siuti Sinia' yisajap, ¿tempapo janta selia'm? ¡Lajk'i papo!

1 Corintios 15:14

Jlamt'itie ka kia'iwo ka Sijwajieti je ino kisie'e ka intajli pi a'no', 'yina siunie awoki samtikie' kia'iyo lajta pet lajaye, siu'neje ki iyo ni sitienkiujnieye ti 'es.

1 Corintios 15:17

ka kia'iwo ka je ino kisie'e pi Sijwajieti, 'yina siunie astankiujnieye ti 'es, kia' iyotaja pit lajta lajaye. Kia'iyojliyi je tiajlatieje ni aske'.

1 Corintios 15:2

Siuti ja ke aleyeyi niwak Saka'niona jlamtis siuniwa ti awoyipe yamtikie'ase, ijiate jijwaye. Jlampet ti jaleyeyi, kiak ja ke awoyeyi siunie awo'nase, kajeyepa ti je ijiate ka ijiatayiji ka atankiunieyi pi Sinia'.

Gálatas 2:16

'Yina lajk'ipa ka je 'najane paka wone ti lajk'ipa ka ne'yi paka Moisés jika'neyasajnaye inlesajne'n 'nakayi, 'wenajliyi jla'am pa ti itienkiuni pa Sijwajieti Jesús, ti je 'yakakiu. 'Yina je 'wena 'neje pet paka itiajlataja siunie ti Sinia' ka lesajne'n ni sitis iyo, naka ti atankiunieje ni Jesús ti je akakiuk, je ka intajle siuka ya'm ape'e ki iyo ni inka'neyasajnaye siunie iyo ka iyoki, ka sek ine'yi ka Sinia' inetiajnat pi sitis iyo. Siunie awone je nak kant'emina ka Sinia' inlesajne'n pi i'nio' siunie ti jantej'we ka woyi siunie iyo ka tiwoki ni Moisés jika'neyasajnaye.

Gálatas 2:18

Kajeyepa siuti jajwel ka iwit'iane siunie ti je akakiuni ti 'es, niwaka niwa tajle pit ni Moisés jika'neyasajnaye, 'yina ayi ts'iji ekiajla'aja pijia'm, nak yam ya'am ti akajanit ti itis poyi ilia'm naka inka'neyasajnaye.”

Gálatas 3:21

¿Mi ajwe'el ni Moisés jika'neyasajnaye ka inta'yi ilia'm siunie Sinia' ijwil pet? ¡Je'e! Jla'm ijiatayi ka siunie inka'neyasajnaye ji'wasankiye iwejna'm pa i'nio', nak ijiatayi'ne pet ka Sinia' inlesajne'n ni i'nio' 'yina ti iyoye siunie inka'neyasajnaye 'yijie'ne ka woyi.

Hebreos 7:11

Papoka siupapo pa'yijis t'ipi ti tajla'm pak Leví, siupa ti tajla'm pet pa Aarón, papoka ti tajle pak inka'neyasajnaye ti it'imina yi' kiojyi papok Israel jika kia'lis. 'Yina siupa jikijmaye iyot'iyipi pak inka'neyasajnaye 'yaka ti je 'yakajle'n paka i'nioye ka kiak iwone ka ilesajne'n, it'imina ti asetiana pa kanwo 'ate pa Melquisedec, je iyoye 'ate siupapo tajla'm pa Aarón t'ipi.