Gálatas 2:20 - Sinia' Jlamtis 1994

²⁰ 'yina je'ne ka yama ka si'wasa'n, 'wenajliyi ti jla'am pi Sijwajieti ti yi' iwia'am ti si'wasankit. Siunie awo ti si'wasa'n, 'nakayi si'wasa'n kajeyepa ti itienkiujnieye yiyi ni Sinia' jlas, 'yina ti je akakiu ti jla'am ti semi'n, jla'yi ti ininekial itipe'e ka tiliana, ti iyo ka sijwajiet.

Gálatas 2:20 ပူးပေါင်းရင်းမြစ်များ

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

Mateo 4:3

Imosik ijioyi'ni ti iyo ka ijnejlit ti iyone'ate: —Siuti ja ijiatayi ka Ina'a jlasa'a'm, jejlite ka amti'yi siojona sisaj ka iniwojwa'n woyeja'.

Juan 1:49

Natanael iyo'ne 'ate: —Inka'neyasajnawo, ¡am ti Sinia' Jlajts'a'm, sa'am ti Israel jika kia'lits'e'm saka anechiyasts'a'm!

Juan 10:11

“Ya'am sontas jiwok'i'm siunie ti 'es. Siunie sontas jiwo ti 'es iniwe'n ape'e k'iye niwa jiliajwas.

Juan 15:13

Siunie inka'namankiye ti ijiate jla'am ti t'an pijia'm, naka na ti 'yakajli ti inilayiti ti jikie po' ape'e papo t'ajajnajwas.

Juan 17:21

'Ajlajap'a Inia' ka ijiatayiji ka iniwo'om, sekjane'yi ti ja kasjwanjli ti janiwomaja pet, janwoyena'a 'ate pet ti a'am jle' ijiap, jlam pet ti ya'am a'yajap. Siupi jitienkiujnieye jla'yi siupi janwoyisi janjwanjli, ja'nakayeyijna'a siunapo i'nio' yi' ape'e 'ni ajnat ja ke sakakiu ti ijiate, ti am ti sijliu'.

Juan 3:16

Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja.

Juan 3:35

Sinia' yimi'n ni Jlas, yikiajli'ne ni jijweye ka inkie ape'e wikie'eyi niwa wask'i'nelaja.

Juan 6:57

Siunie Inia' ti sijliu' ji'wasankiye po', it'imina pet ti i'wiesankiye po'. Tempi it'imina siunie i'nio' ti sitiujw, nak ji'wasankiye poye'eje.

Juan 6:69

Pajk'i ti ak'iukie, it'imina ti kastant'ie'a ti a'm ti Sinia' inlesa'n.

Hechos 8:36

Yamat'i'nijpe, yiyisi siupa yi'i japa i'niat, sekyi'i ti iyo'ate pak i'nio': —Siujlie'e i'niat. ¿Tempa jantomi'ni ijyik'i ka siniejiena?

Hechos 9:20

Ijioyits'i puwa Judíojos t'ajla'wetis, ti ijwijla'm papo i'nio' ti Jesús pak Sinia' jlas.

Romanos 1:17

'Yina naka inka'niye, naka ti 'yakajanitk'i siunie Sinia' iyone napo i'nio' ti initiajnat ni jitis iyo, 'yina lajk'i pa jikiechaye ka intajleje ijwienjli jla'am siunie iyo ni i'nio' ti je 'yakakiu. Iyo niwa jlamtis ni Sinia' ti yi'i ni ji'wet ti iyo'ate, “Siunie ti Sinia' yiniji, ti jitienkiujnieye ti 'es ni i'nio' ti ji'niayi po', nak ji'wasankiye japoye.”

Romanos 14:7

Lajk'ipa ka ne'yi, napo si'lijwas, ka 'najane paka iwone ka ini'wasanit, siu'neje ka inila'an.

Romanos 3:22

Sinia' jla'am ti ilisajne'n siunapo ti je 'yakakiuyis ni Jesús ti Injwajieti Sinia' jijliujwanik. 'Yina kiak iyone 'neje wikie'eyi siunapo je 'yakakiu kajeyepa ti je i'ye'en paka t'oniyeja' paka i'nioye',

Romanos 4:25

Jlam ti tekiajlaja ni siunie inlaye iyo ti tiliana sitipe'e ti sa'am ti awoki ni sake', sekyi'i tiniujwana kisie'e ti tajli ki a'no', ja'nakayeyi ti Sinia' ja kaslesajne'n pet.

Romanos 5:2

'Yina ti Sijwajieti jla'am ti it'imina ti a'yakanaja'm nak jikap'ijliuskiye iyo ni Sinia' ti awaki, je lajk'i pet ki iyo ti je akakiunieje. Jak je iyoyiji sinikanitiejeye po', lapakawo ti janesajap nak jiwunitiejeye iyo ni Sinia' ti wuj ti 'es ni anejejwiyejenk'iye.

Romanos 5:6

Jak je iyoyiji pet ti sa'am ti lajk'iyi paka iyoki ti je kasts'ajane paka iniwonaja, ka ini'manitie ilia'm siuniwa soski'layis pakayeyi pet ti Sijwajieti ininekiaj'l ape'e napoka i'nio' ti je isis.

Romanos 5:8

Sinia' 'yakajanit pet ni jlemijnaye ti yints'e'm, jak je iyoyiji ti sa'am ti je atajlaje ni sake', Sijwajieti jla'am ti ininekial sitipe'e ti tiliana.

Romanos 6:13

Ke ekiajlayi niwa 'asjwes ni siunie inke' ka 'nakayeyi ka inkiene ni siunie je 'es ka woyeyi. 'Yina jla'm ijiate jla'am siunie jawoyeyi ti janinekiajlayi ni Sinia' ti asa'am siunapo ti pajk'i ti iyo masesie' jitieyi'i ni siunie inke', 'nakayi siuti jlekiajlayi'ijyi ti in'wasanajyi'n. Ekiajlayi ni Sinia' niwa 'assienis, 'nakayi ti jantajieta pet siupa 'es ti jankijmajne'n.

Romanos 6:8

Siuti kiak iyo ti siliaye iniuyi wita'm pa Sijwajieti ti 'ya'al, 'yina je akakiuk ka kia'iwotajanie'e ti jano kisie'e, si'niayi janjwanjli ti ja kas'wasajne'n.

Romanos 8:10

Jlampet ti Sijwajieti jane'yi aswa'm, siojona Sinia' jikimet janak iyo as'wasankiyeja' pet, kajeyepa ti Sinia' pajk'i ti inlesanajyi'n, 'wanjliyi niwakatajata siuniwa askeyis ti ijioyiji niwa 'assienis jana 'najlati, naka ti jlaj yi'i.

Romanos 8:37

'Yina 'wanjliyi ka poye puwa ka kia'iwo, 'yina 'anak'i pijia'm ti je wata'a je lajk'i ni siunie 'namats'e ti kasts'isisi.

1 Corintios 6:17

Jlampet ti po' ni i'nio' ti ini'nopijiete wita'm ni Saka'niona, sekyi'i kia'iyo ts'ijiye ijwienjliye pet ni t'ajwes, iyone jana Sinia' jikimet.

2 Corintios 1:24

Je ka iyo ka itiumayi'ni asek'i, siupa ka woyeyi ka ijiatayi ka tankiunieyi. Jlajmiliet ti je ink'asayik'i siunie ti jiwoyeyi ni astankiujniejeye ti 'es, kajeyepa ti pajk'i ti jiwoyeyi. Lapakawo ti awotaja ka iniuye'ase'm, ka asnikanitieyi poye pet.

2 Corintios 10:3

Ijiatataja wek kiak awoki i'niolatats'e'm, 'yina siunie aniwonaja ti anilanaja'n je awok'iate iyo napoka ti iyoyi siunie itiliaja ka woyisi.

2 Corintios 11:10

Je tak'emiyeje siunie awoyi, kajeyepa ti sitiant'ieje ts'ajane pi awone ti Sijwajieti jla'am ti iwink'i'm ni ji'lij, jak je iyoyiji ti 'yiniye ka iniwuniti ti awo'ate ti je jlamis ka iyi kiajwe, siuti ayeyi siuniwa ajnatis yi' Acáyaja kiak jawo'ojyi ja lajak'ipa ka ijnalk'i siunie aniwone.

2 Corintios 13:3

'Yina ti jiwoyejyi'n paka k'iejliyi ka pakaye ka inikajanit ka ijiatayiji ka pakaye Sijwajieti ka jlamtisa' siuniwa yamtis. 'Yejne'n Sijwajieti je ka i'nio' jiniliakie, Sijwajieti jijweye po' kan'ye'en siuniwa jiwoyeyi.

2 Corintios 13:5

Ni'yena, siu'neje ti ja askiowe ja amtijiena. ¿Ijiatt'iyiji ti je ink'asayi pijia'm siunie astankiujnieye ti 'es? ¿Mi 'najanayi pi jiwonayi ti Sijwajieti Jesús yiye aswa'm siuti kiak jawoyi? ¿Tempa ja'nesieyi?

2 Corintios 5:14

'Yina Sijwajieti jlemijnaye naka ti awoki saka anechiyasa', jakayi ti kasts'ajanayi pa awonaja ti po' siunie ijwienjli i'nio' ti iniwe'n ape'e wikie'eyi napo i'nio' ti no'we ti iyo masesa'.

2 Corintios 5:15

'Yina Sijwajieti iniwe'n ape'e napo i'nio', jak je iyoyiji siunapo 'wasajne'n je pa iyoyeyi siunie ti jlamis ti itiliaja ka woyisi. Najata jla'am ti iyoyi siunie iyo ka woyi siunie i'nio' iniwe'n ape'e, siu'neje ni iniu kisie'e ti tajli ni a'no', ti naka ti isisi.

2 Corintios 5:7

'Nakayi je kasts'ajane paka iyonaja ka sitiete i'we'en pa Saka'niona, 'yina ka lajak'i wek siu'nie sitienkiujnieye ti 'es ti kasts'etk'i pijia'm ti sitiej awomaja.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Gálatas 2:16

'Yina lajk'ipa ka je 'najane paka wone ti lajk'ipa ka ne'yi paka Moisés jika'neyasajnaye inlesajne'n 'nakayi, 'wenajliyi jla'am pa ti itienkiuni pa Sijwajieti Jesús, ti je 'yakakiu. 'Yina je 'wena 'neje pet paka itiajlataja siunie ti Sinia' ka lesajne'n ni sitis iyo, naka ti atankiunieje ni Jesús ti je akakiuk, je ka intajle siuka ya'm ape'e ki iyo ni inka'neyasajnaye siunie iyo ka iyoki, ka sek ine'yi ka Sinia' inetiajnat pi sitis iyo. Siunie awone je nak kant'emina ka Sinia' inlesajne'n pi i'nio' siunie ti jantej'we ka woyi siunie iyo ka tiwoki ni Moisés jika'neyasajnaye.

Gálatas 3:11

'Yina 'yakajk'i ti siunie i'nio' jitiej iyoma ti iyoyi siunie inka'neyasajnaye iyo ka tiwoki, Sinia' je ilisajne'n naka. Jlam'ne inamtis iyo'neje 'ate, “Siunie i'nio' Sinia' ilisajne'n, lapakawo ti nak it'imina ti je takakiu, nak ja ji'wasankiye japoye jla'am.”

Gálatas 5:24

Siunapo Sijwajieti Jesús jikawos pet, napoka ti pajk'i ti its'iejwatis pijia'm niwaka siuniwa jikeyis ji'yusis, siu'neje niwa iyoyisi ti itiliajasi ti wuj ti je isis.

Gálatas 6:14

Jlam pet ti ya'am lajk'ipa ka k'iejliyeyi ka initoniti, 'wenajliyi pet ki iyo jana Saka'niona Jesús ti Sijwajieti jika cruz ti anitoniti. 'Yina lapakawo ti nak it'imina ni iyo ti 'ya'al pa Sijwajieti, siuniwa wask'i'nelaja yi' ape'e 'ni ajnat iyo pet masesie itieyi'i pet ti ya'am, 'yinit'iyi ka its'iejwat'e pijia'm jana cruz niwaka. 'Yina siupet ti ya'am, kiak awoyi masak'i'm pet jitieyi'i yi'i niwaka wask'i'nelaja ti yi' ape'e 'ni ajnat, 'yinit'iyi ka kia'iyo ka sik'iejwataja pijia'm japa cruz.

Efesios 3:17

'Yina siuti astankiujnieye poye, 'esiji ka Sijwajieti 'wet poye pet, ka nejyits'i niwa asosikis. Ja 'nakayeyijna'a ti jant'onieyi pijia'm ni inemijnaye ti jiwoyeyi, jla'yi ti jawo ajwetisijlaje naka.

Efesios 5:2

Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

Efesios 5:25

Jlampet ti asa'am ti kiak jiwoyeyi asjwa'yis po', 'esiji ka i'namaja jana ak'iemjla, iyoye pet 'ate pi Sijwajieti ti wuj ti 'namaja napo iyoyi ni inamtik, it'imina ti iniwe'n ape'e.

Filipenses 1:21

'Yina siojona i'wiesankiye pet janaka Sijwajieti, jlampet ti kiak jayo ja sinitia'n, naka pet ti ja wujwa ti ja ts'esi ts'ijiye.

Filipenses 4:13

Atojmi wek ilia'm, 'yina ti ijwiye powek, kajeyepa ti paka Sijwajieti ti iyo ijwiyeja'.

Colosenses 1:27

Lapakawo ti Sinia' iyotajank'iye ka 'najanisi siunie ti jla'am ti jitienkiujnieye siunie ti ijwikia'm, naka ni siunie ti ijiate ti 'es, 'nakayi siunapo i'nio' ti je Judíojos ja 'esieyi. 'Yina siunie ti ijwik ti yin kisie'e 'nakayi, naka ni siunie jayo'ate, Sijwajieti yi' aska kiowe'e, 'yina siunie Sinia' jiwunitieye ti 'es ti anejejwiyejenk'iye jane'ne asap.

1 Tesalonicenses 1:10

Kia'iyo injwela ti jinijijwijyink'iye pi jlas pi Sinia', ti janapimet ti jantal poliyi. Paka Saka'niona Jesús ti Sinia' jlam ti iniujwat kisie'e ti tajli pa a'no'. Jesús paka ti kas'manit, kajeyepa ti ajwayeje siunie Sinia' jiwak siunie jana'am.

1 Tesalonicenses 5:10

Jla'am ti iniwen sitipe'e, jak je iyoyiji sam pet ti kas'wasajne'n, ni'ne ka pajak'i ka iliki 'ni ajnat, ka'nesta ijiate jawiekiap jajnok'i'ni niwa jlomas.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Hebreos 8:3

Siunie tiwonaja pa'yijis jika anechiyas wujwa', jiwo pet siuniwa tiwoki 'wajietayi pa Sinia' ti tajle napo i'nio', siu'neje niwa wask'i'nelaja siuniwa tilianaja'n ape'e niwa inkeyis jiwo 'neje. It'imina pet ni Jesús ti je 'esiji ka lajak'iyi pet paka inekiajle pi Sinia'.

1 Pedro 1:8

Ijiate je 'wenayeta pi Sijwajieti Jesús t'ipi, 'yina je woyejliyi ti i'namajayi; siu'niwa jlomas kia'iyojliyi, je 'wena pi k'iejliyi, 'yina jikiniejliyi jiwekie'e ti jitienkiunieyi. It'iminayi ti wuj ti inkasajyi'n, lajk'ipa ka k'ieyeyi ni asnikanitieyi iyo, ti je ti'niejenaja paka tiwonaja ka tijwelajak'iji'n.

1 Jn 1:7

Jlam'ne pet ti jawieki ni jla'al jana 'esi', iyo'ate ni Sinia' ti yiji janak 'esi', kasjwanjliyik'i. Siunie jlas Sijwajieti Jesús kaslejayi ni ji'woyis ki iyo niwa sakeyis.

1 Jn 4:14

Sampe ti a'wena ti Sinia' ijliuye ni jlas ti iyoyeyi ka injwajiete'n napo i'nio'. 'Naka'ne ti awoki samtikie'ase.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

Apocalipsis 3:20

'Ye'en, a 'ne 'wuk kiwet'e ti ak'iutieje'ni ka poye pa ka i'ye'n ijyilia'm. I'nio' ni jampe'yak'i, 'yina ja 'najlinitiena'a its'ioye, sekjane'yi ka 'yuyeyinie'e, 'yina ka sijwanayijna'a ti ja'yekiunieje'n.